戀 (QRE Plaza)

營業中

休息中

之前食過尖沙咀嗰間分店，今日嚟開灣仔呢頭同friend食飯，就介紹咗食呢間。我地6點鐘入座，好似係岩岩落完場開門，所以我哋係第一檯客，可以任揀位置。餐廳好大、好闊落，同尖沙咀一樣，好有居酒屋既味道。咁早食飯，唔算太肚餓，所以我地叫咗啲嘢食share。油甘魚同吞拿魚刺身同三文魚海膽飯價錢唔貴 ，刺身好新鮮。鐵板一口和牛有個大洋蔥係底吊一吊味，加埋上面啲炒香左既蒜一齊食，好香口。芝士年糕 熱辣辣咁好好食！串燒雞皮、荔枝五花肉、燒雞肉串同燒茄子個人都係比較鍾意荔枝五花肉，口感好特別，荔枝喺入邊可以中和返五花肉既油膩，另外仲配咗海鹽同醬汁可以點，同啲肉類好夾。