影片
更多
2023-05-09
26 瀏覽
終於都捱到星期六今個星期過得好漫長周末梗係要食返餐好嘅慰勞下自己個friend約咗我出尖沙咀行街食飯一早book定黑門水產順便滿足一下想去日本旅行嘅心餐廳裝修勁日本風門口已經有好多日本燈籠貼咗好多張明星嚟食嘢嘅相一入到去完全係置身日本居酒屋咁香港都冇咩餐廳做到咁日本用qr code自助點餐先要咗必點嘅赤鬼蟹味噌甲羅燒超多料超豐富有蟹肉、大量蟹膏、明太子、蟹籽、三文魚籽、鵪鶉蛋聞落去已經好香 一啖食落去 滿滿一口蟹香帶有少少香辣 好惹味好好食三文魚籽好爽彈 蟹膏綿滑又夠香 特別加埋明太子 同其他地方食到嘅唔同好正！蔥吞拿魚腩卷份量比想像中多超大份吞拿魚腩放喺卷物上面好新鮮好香 加埋蔥香 又一傑作！黑門令大漁魚子醬脆脆包又一必食推介！又係好多料、好豐富嘅口感脆包上有大蝦、蟹籽、三文魚籽、吞拿魚蓉、海膽、魚子醬好豪華 味道好rich 每一種材料嘅味道都好突出 但mix埋後就係一個形容詞：新鮮！非常建議大家嚟到點呢款！黑門令龍蝦湯煮海鮮 湯底係超香濃嘅龍蝦湯 香得嚟唔會過咸海鮮有蝦、魷魚、螺、蠔蝦同魷魚都好爽脆 蠔好大隻好鮮味 海老天婦羅5本新鮮炸起 炸粉唔會過多海老大大隻 有5隻唔洗就住就住
今個星期過得好漫長
周末梗係要食返餐好嘅慰勞下自己
個friend約咗我出尖沙咀行街食飯
一早book定黑門水產
順便滿足一下想去日本旅行嘅心
餐廳裝修勁日本風
門口已經有好多日本燈籠
貼咗好多張明星嚟食嘢嘅相
一入到去完全係置身日本居酒屋咁
香港都冇咩餐廳做到咁日本
用qr code自助點餐
先要咗必點嘅赤鬼蟹味噌甲羅燒
超多料超豐富
有蟹肉、大量蟹膏、明太子、蟹籽、三文魚籽、鵪鶉蛋
聞落去已經好香 一啖食落去 滿滿一口蟹香
帶有少少香辣 好惹味好好食
三文魚籽好爽彈 蟹膏綿滑又夠香
特別加埋明太子 同其他地方食到嘅唔同
好正！
蔥吞拿魚腩卷
份量比想像中多
超大份吞拿魚腩放喺卷物上面
好新鮮好香 加埋蔥香 又一傑作！
黑門令大漁魚子醬脆脆包
又一必食推介！又係好多料、好豐富嘅口感
脆包上有大蝦、蟹籽、三文魚籽、吞拿魚蓉、海膽、魚子醬
好豪華 味道好rich
每一種材料嘅味道都好突出 但mix埋後就係一個形容詞：新鮮！
非常建議大家嚟到點呢款！
黑門令龍蝦湯煮海鮮
湯底係超香濃嘅龍蝦湯 香得嚟唔會過咸
海鮮有蝦、魷魚、螺、蠔
蝦同魷魚都好爽脆 蠔好大隻好鮮味
海老天婦羅5本
新鮮炸起 炸粉唔會過多
海老大大隻 有5隻唔洗就住就住 食得好開心
加埋炸青椒同菇 so good~
大阪木津海鮮丼
又一個豐富到滿瀉 鋪滿晒成個丼
超多刺身 三文魚、吞拿魚、海膽、三文魚籽、蟹籽、帶子、魷魚、油甘魚
數都數唔晒 完全滿足晒想食多款刺身嘅強烈慾望
丼飯係壽司醋飯 2個人share 食好有飽足感
酥炸雞軟骨
即叫即炸 好酥脆好香口
加咗檸檬汁 唔會覺得油膩 食到停唔到口
值得一提店員好貼心
會keep住睇下要唔要加水、收碟
高質！
張貼
