YAKINIKU KAKURA (新城市廣場一期)

營業中

休息中

今日去沙田食日式燒肉! 懶得諗所以直到叫左2位起既omakase 燒肉set。套餐包左沙律，3款泡菜，肉類，野菜，冷面同埋甜品。醬汁有3款，有檸檬汁，特製辣椒醬同埋招牌醬汁。我自己比較鐘意檸檬汁，配肉食冇咁膩。牛腹柳 我都幾鐘意呢個部份，油脂比較多 ，食落肉質係好滑嫩。和牛赤身呢款就脂肪分布較少，牛味好突出。鹽味牛舌平時唔太食牛舌既我都覺得呢款OK，因為佢好易咬開，唔會韌。呢個我鐘意配埋蔥絲食!蔥鹽味雞兩款雞肉都有驚喜，本身有調味，所以唔洗點醬都好食，而且雞肉燒完都仲好嫩滑。到我最期待既大判燒 ! 姐係黑毛和牛西冷~一塊都好大! 店員話呢個可以配溫泉蛋食，燒完既和牛西冷點少少蛋漿，食落口真係有種入口即溶既感覺，呢塊一定係今晚既MVP! 呢個set仲有冷面，燒肉配冷面好解膩。甜品係杏仁豆腐同埋朱古力雪糕糯米糍，好精緻都好好食。