黑木亭居酒屋 (金馬倫道)

之前係天后都試過黑木亭，今晚行完街就試埋尖沙咀店，尖沙咀相對鋪面較大，坐位較多，光線都較明亮少少。而且裝潢上都有好日式。今次我同閨蜜兩個人，試既野食唔多，但都好特別🤭天婦羅茄子田樂燒平時茄子多數都汁燒去烹調，但今次以天婦羅炸，炸到外層香脆，而且唔厚粉，重keep返靚靚既茄子肉、軟爛口感，好食😋帶子海膽青瓜卷日本海膽配上火灸帶子，青瓜卷內更有牛油果，成個配搭係我鐘意，而且好新鮮，而帶子重帶少少燒汁，單食都好夠味。石板A5宮崎和牛厚切👍🏻👍🏻👍🏻 必食一上枱見到白煙霧起，聽到發出治治聲嘅石燒，非常吸引，但食要快手，唔快手就好易熟晒。和牛已經切片，食嘅時候再輕輕咁樣印一印石板，入口即溶、牛味濃郁。日本啤酒拉麵其實同啤酒完全冇關係，上層嘅啤酒泡其實係打到好滑、口感綿密忌廉。下層就係秘製嘅冷麵汁配有口感既冷麵。食嘅時候我就撈勻晒，入口有少少似凍食既雪糕拉麵，好得意，出奇配合。蜜桃烏龍熊茶&北海道芒果牛乳乳酸今次朋友飲呢個蜜桃紅茶，小熊依然都咁Cute。而我就試乳酸系列，味道適中，有好多嘅芒果肉喺入面，相對熊茶系列少少甜，各有特色。