黑木亭居酒屋 (金馬倫道)

家人為我慶祝生日，自己選了去黑木亭晚飯。到店才知道一星期前展開Cinnamoroll期間限定主題，所以店內有不少親子食客，候位的人也好多，幸好我們提前了訂座，訂了7:30pm的時段。餐廳提供期間限定菜單，本人對玉桂狗並沒特別鍾愛，從一般餐牌點餐就是了。火焰鵝肝和牛青蘋果卷，以和牛包裹飯卷，面層鋪上鵝肝及魚子醬，口感及味道好豐富！軟嫩的和牛、細滑的鵝肝、微微鹹鮮的魚子醬，各有其味道，又不會太過突出，配合得很好。刺物盛 寶藏。八點の覓食，有八款刺身及三隻生蠔。法國St. Martin生蠔，蠔肉飽滿，帶淡淡海水味。刺身都是常見款式，每款都算鮮甜。海膽份量不少，味道甜而不腥。沒嚐過的是飛機魚薄切，口感柔軟的白身魚刺身，味道清甜。流心芝士玉子燒，玉子燒面層灑上大量木魚碎，加上紫菜及醬汁，猶如御好燒的風味。玉子燒富蛋香，加上流心芝士，夠滋味。真燒蟹甲羅，用蟹蓋形的器皿盛載的甲羅燒，底下的蠟燭令甲羅燒保持微暖溫度，蟹膏上鋪滿蟹肉、蟹籽及蔥花，拌勻後可塗抹於多士上吃。略嫌調味偏淡，不夠濃郁。三味鐵板A5和牛鵝肝，熱石上有厚切和牛、大蔥蒜蓉和牛及鵝肝，和牛比起鵝肝出色。 半熟的厚切和牛充滿油脂香卻又不會

在尖沙咀的黑木亭居酒屋，我們享受了一場令人難忘的美食盛宴。在這裡，不僅能品嚐到精緻的料理，還能在晚上享受Live Band Music和Busking ，為用餐增添了不少氛圍。三味鐵板A5和牛鵝肝這道菜的和牛肉質鮮嫩，搭配鵝肝的醇厚口感，讓人一試成主顧。每一口都能感受到肉汁的滋味，搭配新鮮的蔬菜，讓人回味無窮。草莓南蠻醬吉列炸蝦炸蝦外脆內嫩，搭配特製的草莓南蠻醬，甜中帶鹹，口感豐富，非常適合喜歡創新口味的食客。柚庵燒美腿乳鴿這道乳鴿肉質鮮美，外皮烤得酥脆，搭配柚子醬的清香，讓整道菜更顯清新。北海道士多啤梨牛乳乳酸這款飲品清新可口，帶有濃郁的士多啤梨香氣，讓人感覺如同置身於北海道的草原之中。藍蝶花佛手柑熊茶這款茶飲香氣撲鼻，佛手柑的酸甜味道與藍蝶花的獨特風味交織，讓人眼前一亮。在晚上，黑木亭居酒屋會有現場的Live Band和Busking表演，音樂的旋律伴隨著美食，讓整個用餐體驗更加愉悅。無論是與朋友聚會還是約會，這裡都是不錯的選擇。

前陣子同屋企人去吃了頓燒烤，體驗感幾唔錯，有Live band現場唱歌，串燒放題 + 汽水啤酒任飲，有D驚喜 脆燒豆腐一定要點，外皮酥脆酥脆的，都幾大份下😝 雞翅表皮烤得金黃酥脆，一口氣吃了好幾串 ꈍ◡ꈍ 雞軟骨串口感爽脆，在嘴裏“咔咔”作響，越吃越上癮😄 薄切牛舌烤得恰到好處，嫩而不失嚼勁，兩串根本唔夠😂黑豚荔枝卷則是特別的組合，荔枝的清甜中和了豬肉的油膩👍 黑松露白汁燒蝦，蝦很新鮮，彈彈的，配上黑松露挺不错。 沖繩黑糖燒菠蘿，菠蘿烤後更甜了，黑糖的香甜😍好味指數：10/10  性價比指數：9/10餐廳名稱：黑木亭居酒屋餐廳地址：尖沙咀金馬倫道58-60號國鈀大廈地舖至1樓

推介佢哋嘅「三味鐵板 A5 和牛鵝肝」。一上枱已經聞到香味撲鼻，賣相超吸引❤️成道菜用鐵板上，夠哂儀式感🤪A5 和牛真係冇得輸，油脂平均到好似雪花咁，輕輕一咬就即刻溶喺口度，唔需要咬太多已經好有牛味。鵝肝外面煎到少少脆，入面滑，冇腥味又唔會膩，完美平衡晒和牛嘅油香。無論你係和牛控定鵝肝控都唔會失望😏「草莓南蠻醬吉列炸蝦」成個feel似少女心爆棚💖 金黃色炸蝦，上面仲有草莓粒😆炸蝦皮🍤脆！炸蝦本身冇得輸，蝦肉彈牙，酸酸甜甜嘅草莓味，清甜得嚟又解膩！驚喜飲品：北海道士多啤梨牛乳乳酸🍓🥛飲落超滑！士多啤梨味天然唔假甜，牛乳超濃，乳酸微微酸好開胃，甜度剛好唔漏，似高級版草莓奶，正過普通紙包飲品！有料到～👍藍蝶花茶 + 佛手柑，紫色💜！花香撞柑橘香，味道清新帶少少酸，好啱夏天飲😍仲有隻熊仔！打卡必備📸！

黑木亭居酒屋，位置便利，從港鐵尖沙咀 / 尖東站 B2 出口步行約 5 分鐘即可到達。店內環境充滿日本風情。餐牌豐富多樣，提供各類和食，像 A5 宮崎和牛、海鮮、各國生蠔等，還提供卡拉 OK 設備，Live Band 演奏。前菜叫咗，薯茄2支，非常有創意嘅賣相好似雪茄咁，外皮酥脆，內部柔軟，香脆口感。廚師發辦壽司（8貫），非常高質嘅魚生，發現都非常新鮮，食材精心製作，配特製醋飯，每一口都充滿了鮮美與米飯的香甜。熊之壽喜鍋（A5宮崎和牛100g+爽脆豚肉片）特別選用了日本A5級宮崎和牛與爽脆的豚肉片。壽喜鍋湯底濃郁鮮美，牛肉入口即化，豬肉則保持了獨特的嚼勁。配菜豐富多樣，包括新鮮蔬菜、豆腐等，共同營造出一個層次分明、口感豐富的用餐體驗。這道鍋物不僅是溫暖身心的佳餚，更是對食材極致追求的體現。叫咗兩杯嘢飲，賣相都好靚。紅火龍佛手柑熊茶，結合了紅心火龍果的鮮豔色澤與佛手柑獨特清香的創意茶飲。茶底選用優質茶葉，將火龍果的甜美與佛手柑的清新完美融合，不僅色彩奪目，還富含維生素和抗氧化成分，既美觀又健康，是視覺與味覺的雙重享受。紫幻檸檬青瓜梳打，紫幻檸檬青瓜梳打以其獨特的紫色調吸引眼球，採用新鮮檸

串燒放題得好少嘢可以選擇，跟住啲串燒黎到係凍嘅，最好個串都只係微暖🙂‍↔️我叫咗個燒豆腐，超難食！又硬又凍，我食到一半就放棄🤢呢個都唔係最誇張，最恐怖係個豚肉串係生嘅！本身見到舊豆腐咁嘅質素都驚驚地，我都怕啲串燒嘅肉唔熟，點知一睇就真係奶嘢，舊豬肉係生嘅🤮🤮🤮餐廳燈光好暗，勸大家睇清楚你叫嘅串燒係咪生🙃我同朋友叫完1 round都冇食晒就走左🙂‍↕️餐廳連最基本嘅食物安全都做唔好，真係好失望！希望大家唔好中伏！

兩個人三樣菜式埋單$885，Openrice折扣優惠都唔抵。食物質素還可但偏咸，味精好重，所以完全不吸引，不值咁貴價錢。餐廳另外做緊放題，環境勁逼勁嘈，啲人係咁催單，行出行入行步路都會撞到隔離枱。總括而言性價比極低 唔會再去第二次。

我去嗰陣時已經滿座，訂左位喺門口等咗15分鐘先至有得入，雖然好多差評都想自己親身體驗下，唔知係咪我好彩，我叫嗰啲串燒全部都有嚟，每一轉只係等15分鐘左右，最尾嗰次等耐少少就是20分鐘左右，串燒$198嚟講合格！氣氛好有live band聽，雖然唔係好到好似歌星咁，有得聽就當bonus啦。 我食嗰陣時仲有個熱爐放喺度，如果啲串燒凍咗，仲可以擺上個爐度燒添。兩個人全程起碼食咗40串，乜都抵返啦不過雞皮、豆腐同冬菇串我就唔鍾意食，其他都幾好

五月真係多人生日，我個好朋友都係五月壽星。每個星期一我哋都會去佐敦上堂，通常會一齊食晚飯。今次趁佢生日，我特登約早少少，帶佢去食日本嘢慶祝。 我個朋友好鍾意日本，平時每年都會去旅行，但今年太忙去唔到。見佢咁掛住日本，就諗住搵間有日本風味嘅餐廳同佢食飯。上網睇咗好耐，最後揀咗黑木亭。 間餐廳嘅裝修幾有心思，一入門口就見到日式風格嘅樓梯，上到去仲有啲日本海報同擺設，感覺幾舒服。我哋叫咗個宮崎和牛加豚肉壽喜燒，原價要五百幾，但咁啱有優惠，三百幾就有得食。上枱嗰陣見到個湯底做咗隻小熊仔嘅造型，幾得意，朋友都話好驚喜。 另外叫咗個前菜，係用Oreo脆片包住嘅薯仔沙律，外形似雪茄，食落幾特別。仲叫咗廚師發辦壽司，魚生幾新鮮，師傅嘅手勢都唔錯。 食到一半嘅時候，餐廳有Live Band表演，唔係講笑，唱得好好聽氣氛昇華左好多，我哋一邊食一邊聽歌，好有氣氛。見到朋友食得開心，我都覺得今次揀呢間餐廳係正確決定。 👍🏻

叫咗一盤$400嘅魚生，每樣野都係得兩片，性價比極低。叫左少少串燒食，冇一串係好食，雞肝好乾，雞腎係生嘅🙃牛舌芯一串$68，三片餅乾咁🥲和牛Tower等左好耐都未黎，嚟到之後成碟濕lup lup，下面全部舖左cheap cheap椰菜🥲就算有冇六折優惠都絕對唔抵食。。。(仲要埋單先知係五點入座先有優惠)初初本身book左位，都係要等10幾分鐘先入得，最後食到五成飽都冇，決定買單走人🙏🏼唔好嚟食🙏🏼唔好被廣告呃🙏🏼望周之

🔸 三味鐵板A5和牛鵝肝 原價428元，現價298元/份半熟嘅和牛鮮肉喺滾熱辣石板上霹靂啪嘞咁響，牛脂香氣四散，香味撲鼻，令人不禁胃口大增， 四件厚切A5和牛，油脂豐富，咬落爆汁；另外仲有三條大蔥蒜蓉和牛卷，好香口，兩大件燒鵝肝，夾住啲蒜蓉包同蘋果片一齊食，鵝肝入口即溶，鵝肝大件一啲都唔蘇，美味😚味道：8/10性價比：7/10🔸 草莓南蠻醬吉列炸蝦   $168 / 4隻呢個就係香噴噴嘅天婦羅炸大蝦，有四條炸蝦每條都用一個杯仔裝住，杯底下面就係微酸微辣嘅 南蠻醬，配個草莓做裝飾，賣相精緻。味道：7/10性價比：6/10🔸 柚庵燒美腿乳鴿  $48半隻燒乳鴿，造型好趣緻，伸高一條燒鴿腿，碟底墊有薯蓉，燒鴿肉好嫩口，味道偏甜。味道：7/10性價比：6/10🔸北海道士多啤梨牛乳乳酸   $68呢杯冰奶比較淡口，清清地都幾好飲，有少少士多啤梨碎但味道唔重。味道：6/10性價比：6/10🔸藍蝶花佛手柑熊茶   $78 厘款茶外型就已經十分靚，有塊冰係紅色熊仔，中間嗰層係藍色嘅，杯底下面係橙紅色，裡面放咗幾片檸檬，好香柑橘味，甜甜地好好飲。味道：7/10性價比：6/10▪️🔹環境： 由尖沙咀地鐵站出

我去嗰陣時已經滿座，訂左位喺門口等咗15分鐘先至有得入，雖然好多差評都想自己親身體驗下，唔知係咪我好彩，我叫嗰啲串燒全部都有嚟，每一轉只係等15分鐘左右，最尾嗰次等耐少少就是20分鐘左右，串燒$198嚟講合格！氣氛好有live band聽，雖然唔係好到好似歌星咁，有得聽就當bonus啦。我食嗰陣時仲有個熱爐放喺度，如果啲串燒凍咗，仲可以擺上個爐度燒添。兩個人全程起碼食咗40串，乜都抵返啦不過雞皮、豆腐同冬菇串我就唔鍾意食，其他都幾好

從未試過去一間咁嘅飯店，訂咗八點去到入座（侍應同我講等10分鐘）然後等到8:30，一去到就點餐，我哋點嘅係串燒放題90分鐘，坐低大概用咗5分鐘嚟點餐，我重點多個生蠔六隻，間唔中嚟一兩串串燒，生蠔用1小時先能夠送到，（有咁多客人就唔該請多兩個夥計啦）食物質素從未，食過燒烤燒雞皮可以係腍嘅（根本都未燒好）最好食嘅，應該係烚過嘅粟米😖😖真係唔知講咩好🤬🤬（一定唔會再去）從來未有這樣不愉快的經歷，多謝晒

Book 夜晚8點鐘 等到夜晚9點都冇得入去。聽得最多就係等多陣，客人陸陸續續埋緊單，waitress又冇禮貌。10個❌!! 千祈唔好信IG啲廣告！！超級差嘅體驗😡🤬

因為見到咁多Good食評，我哋專登去試吓，結果真係伏到無法形容！燒雞翼完全唔熱，皮唔脆。沙律唔凍，本來應該清新爽口，竟然食到一種悶熱感，的確有啲反胃😅然後燒雞皮又係唔脆，咬下去完全冇咩口感，嚇死～～（其他食物無咩補充，伏！）我哋坐咗唔夠40分鐘，難食到真係起身走咗！除返開人頭費每位$350，真心覺得唔值，食咗啲乜嘢地獄料理？🥲真係唔明點解咁多好評，有感奇怪。本來開心話慶祝生日，呢一餐真係幾難忘，真係幾失望，無乜嘢都唔會再食。太貴了！