影片
開飯介紹
環境舒適優雅，牆上掛滿日本風情壁畫，提供多款和風小食及定食，色香味俱全，性價比高。
繼續閱讀
營業時間
今日營業
12:00 - 16:00
17:00 - 23:00
星期一至日
12:00 - 16:00
17:00 - 23:00
以上資料只供參考, 請與餐廳確認詳情
有關餐廳
-
網上訂座服務暫停
相關文章
之前已經bookmark左呢間居酒屋好耐🤤見人介紹先知原來出左A5宮崎和牛拖羅放題，平時叫個刺身都唔平，出左放題姐係可以一次過試到好多款居酒屋食物🤩睇下係咪keep到居酒屋質素先😏#刺身 已經有成13款咁多😚全部都新鮮😍當中日本直送拖羅🐟好impress到fafafoodie 😋雪花般既脂肪分佈，入口即溶又甘香～叫第二轉都keep到質素😎見隔離枱既一樣咁靚，一次過叫好多排得好靚#壽司 /卷物🍣有試左佢主打既A5宮崎和牛火焰壽司☺️和牛軟嫩，壽司飯好夠醋味令fafafoodie眼前一亮🤩新派薄脆Taco🌮好特別，有4款，但我地只係試左2款鵝肝牛肉同鰻魚配飯包係脆Taco入面幾特別～A5宮崎和牛海膽牛角包🥐牛角包放左一陣先食都仲脆🙂仲有牛油香添😍另外推介磯煮鮑魚、厚切鵝肝多士、脆炸日式九肚魚、椰子雞湯😙諗起都想食#串燒 有6款，牛舌芯、蜜糖雞翼、雞軟骨、免治雞肉棒、黑豚荔枝卷、燒菠蘿🍍全部都好好食🤤大推牛舌芯同免治雞肉棒😙fafafoodie 自己食左3串牛舌🤪甜品呢～鐘意 #榴槤 既朋友有口福喇～有馬來西亞D24榴槤同脆炸貓山王，2款都有濃郁榴槤味😌唔食榴槤都唔驚😛另外仲有haagen-dazs🍦Dreyers🍨雪條、雪糕糯米糍、日式/意大利甜品同水果除左QRcode落單🍤🍢🍡自助區內有前菜、沙律🥗煙三文魚、Pizza🍕蒸炒、熱食🥘熱湯、各式罐裝飲品、清酒🍶梅酒、紅白酒🍷啤酒🍺即磨咖啡☕️都有😲推介梅酒😚整體上菜速度好快，食物夠熱，略嫌2人枱有啲細🙈好快放滿晒🤣不過好彩職員收碟速度都快👍🏻如果想食#放題 ，黑木亭不錯喔😌希望keep到水準💪🏼中午任食4小時12-4pm，$333起晚市限時2小時，$361起加一服務費#黑木亭#fafafoodie_尖沙咀
繼續閱讀
家人為我慶祝生日，自己選了去黑木亭晚飯。到店才知道一星期前展開Cinnamoroll期間限定主題，所以店內有不少親子食客，候位的人也好多，幸好我們提前了訂座，訂了7:30pm的時段。餐廳提供期間限定菜單，本人對玉桂狗並沒特別鍾愛，從一般餐牌點餐就是了。火焰鵝肝和牛青蘋果卷，以和牛包裹飯卷，面層鋪上鵝肝及魚子醬，口感及味道好豐富！軟嫩的和牛、細滑的鵝肝、微微鹹鮮的魚子醬，各有其味道，又不會太過突出，配合得很好。刺物盛 寶藏。八點の覓食，有八款刺身及三隻生蠔。法國St. Martin生蠔，蠔肉飽滿，帶淡淡海水味。刺身都是常見款式，每款都算鮮甜。海膽份量不少，味道甜而不腥。沒嚐過的是飛機魚薄切，口感柔軟的白身魚刺身，味道清甜。流心芝士玉子燒，玉子燒面層灑上大量木魚碎，加上紫菜及醬汁，猶如御好燒的風味。玉子燒富蛋香，加上流心芝士，夠滋味。真燒蟹甲羅，用蟹蓋形的器皿盛載的甲羅燒，底下的蠟燭令甲羅燒保持微暖溫度，蟹膏上鋪滿蟹肉、蟹籽及蔥花，拌勻後可塗抹於多士上吃。略嫌調味偏淡，不夠濃郁。三味鐵板A5和牛鵝肝，熱石上有厚切和牛、大蔥蒜蓉和牛及鵝肝，和牛比起鵝肝出色。 半熟的厚切和牛充滿油脂香卻又不會令人滿咀油，大蔥蒜蓉和牛好惹味。海膽和牛粒石鍋飯，石鍋飯內有和牛粒，大量蟹籽及少許海膽，享用前連生蛋黃一起拌勻。比較吃到牛肉粒及蟹籽，有飯焦，但整體口味偏淡。黑松露牛油野菌珍寶燒蠔 (原價：$68/隻)，珍寶燒蠔有買一送一優惠。本來落單的是蛋黃醬芝士焗蠔，售罄了也沒職員通知，直至我們追單才知道，店員才問我們要不要轉另一款口味。黑松露牛油野菌珍寶燒蠔的賣相不討好，野菌好碎，再加上黑松露，烏卒卒的賣相。蠔殼珍寶，蠔肉卻不是，所以只覺得吃了一堆牛油碎菌。提拉米蘇配奧利奧雪糕，沒有賣相可言，即使有一隻熊仔冰，也絕對不是打卡able。Tiramisu及Oreo雪糕的味道也好普通。這頓晚飯的食物質素參差，有好吃的也有味道一般般的，所以覺得價位上不太值。加上店面不小，而店員又不多，所以服務也是一般。過了最繁忙的時段，才會有職員主動添茶加水。
繼續閱讀
黑木亭以前都有食過（元朗店已結業）現在只剩餘尖沙咀金馬倫分店，YouTube嘅美食頻道介紹咗黑木亭嘅放題，睇就好吸引但好唔好食就要試過至知，正所謂一試便知龍與鳳，我和寶寶訂咗位（最好訂位都幾多人）去到都開始有人排隊餐廳係樓上舖，地方有限或者搵個代表排隊好啲！入到去要先收費先（好少有🤔）之後至安排入座，入到去睇下有咩飲品食物先基本嘅沙律前菜，和一啲小食都有。飲品紅白餐酒，清酒梅酒啤酒及果汁氣水連咖啡機都有，但就無冷泡茶。飲品小食等就無大集團選擇咁多，但作為小店算做得唔錯食放題必點刺身壽司，壽司比想像中出色，啲醋飯唔錯，或者之前係居酒屋壽司比出面啲放題店好食，必食推介和牛和海膽壽司，刺身方面拖羅有水準，松葉蟹都唔錯（第二轉有叫）其他就正常發揮囉！鮑魚花膠之類調味和出面唔同，其實平時有錯覺就食唔同嘅放題但食物味道都十分相似不過呢度啲花膠就無出面做得咁好，鮑魚就叫咗幾次（都幾好食），串燒和燒烤類太少，味道又麻麻（無影相）鵝肝正常唔算油膩，波羅牛柳粒都唔錯，係羊㗎有啲怪，本身無貨鎖機後來又開返未點囉！後來嚟咗兩件唔似羊㗎嘅食物又無咩味（我鍾意食羊㗎所以對羊㗎要求比較高）唔知係未無貨又開咗機所以是但拎兩件嘢交差就算？後來點咗個海鮮桶，無蟶子（視頻有）啲青口又唔開口，感覺一般唔算驚喜，另外海鮮可以自選，有蝦、魷魚、蜆、鮑魚和青口等。如果海鮮推介清酒煮蜆幾好食，做得唔錯幾鮮甜視頻推介嘅壽喜燒和牛得一兩片，感覺有點孤寒，另外吞拿魚蓉軍艦唔見，至於另外一個招牌榴槤因為我們飲酒關係不宜進食所以不作評論，認真價錢比出面貴少少，中午就比其他餐廳多一個鐘（外面嘅放題店中午多數食到15:00）如果晚餐就唔係太值呢個價錢，之前係居酒屋應該有啲特別菜式，但就唔見有囉！吸引唔到我再幫襯（除非轉菜單）環境方面我ok嘅！但寶寶覺得燈光太暗和座得唔太舒服。評分ok
繼續閱讀
店內環境充滿日式居酒屋風情，木質桌椅搭配暖黃燈光，氛圍感十足 食物方面，拖羅肥美，入口即融，當晚下單了5次，只上了3次，共12塊。其他刺身和大喜屋等質素差不多，帶子一開四，蟹腳正常水平。 和牛方面薄得透光，與之前食評和介紹不符，未知是否假日客流量大，以此減低成本，而且上餐時間也十分緩慢。店員會主動幫忙收拾，惟出餐時間緩慢，整場體驗有很多時間在等待，對比其他放題店，早早上齊食物，食客食完就走，店家也可提早翻台。整體食物精緻，環境優美，但出餐緩慢，數量有限制，有漏單情況，首次上食物時間點餐後15分鐘。相同價錢，居酒屋或其單點性價比更高。
繼續閱讀
由串燒放題轉左做日式放題，有刺身、壽司、串燒、天婦羅、揚物卷物等等，仲有特別食物，例如D24榴槤同薄脆Taco，當然仲有自助食物區同埋飲品區。D24榴槤質素高，肉黃肉香味濃幼滑，無任限供應。薄脆Taco有四款口味，鵝肝牛肉薄脆、鰻魚薄脆、雞尾酒醬吞拿魚蓉薄脆同海膽魚籽薄脆，每款口味好值得試，而且份量吾係大大份。剌身款式亦很多，一般三文魚、油甘魚、帶子、北寄貝、馬刀貝、希靈魚等都有，仲有大赤蝦、吞拿魚（赤身及中拖）、松葉蟹腳同池魚王，每款刺身新鮮鮮甜，特別推介大赤蝦同吞拿魚。壽司同剌身款式差吾多，當然直接叫刺身，才能夠回本！不過有一款必食，A5宮崎和牛火焰壽司，油脂軟稔入口即溶！食物區有熟食（石班、蟶子、湯水等）、沙律生果、甜品（蛋糕、雪糕、糖水等）。飲品區除左汽水、茶、啤酒，仲有紅酒、白酒、清酒同埋梅酒。待應收碟速度很快。大赤蝦、吞拿魚、D24榴槤、Haagen-Dazs雪糕，回本快，性價比高！
繼續閱讀