牛舞日本燒肉‧涮涮鍋放題 (利舞臺廣場)

營業中

休息中

我地今次呢個餐係日本薩摩和牛放題，主打任食和牛，當然仲有其他肉同其他食物。🫶🏻牛舞拼盤呢個係送既牛肉拼盤，有幾種唔同既牛，每種都好新鮮，我最中意樂天澳洲和牛腹肉，牛肉紋理清晰，筋肉相連，肉質嫩而多汁，和牛黎講真係入口即化，每款肉都超正！👍🏻牛肉全部燒既肉都好正，薩摩牛肋肉同澳洲牛腹肉就最中意食，薩摩牛肋肉既花紋好清楚，膏紋分布好清晰，好肥美，肉質真係好嫩，而牛腹肉就有啲筋，同樣都係好腍，好好食！🫰🏻海鮮我地叫佐海蝦、鯖魚、鮑魚，海蝦好大隻，鯖魚亦都好厚肉，燒完出嚟完全唔會腥，鮑魚就好爽口彈牙，好好味！🤞🏻刺身拼盤刺身都係任食，我哋叫咗八爪魚、北寄貝、三文魚同埋魷魚，魷魚煙煙韌韌，三文魚亦好肥美好嫩，北寄貝嗰啲都好新鮮，全部都好正！🤟🏻小食我地叫佐甲羅燒同天婦羅(茄子、冬菇、南瓜、野菜)，甲羅燒好足料，蟹蓋入邊有好多嘅蟹膏同埋蟹肉，燒完出嚟好香，再撈埋落啲蛋黃度好惹味；另外炸天婦羅都炸得好好，炸粉唔會太厚，入邊啲材料又夠新鮮，茄子好冧，冬菇亦都好爽口好香口！