牛舞日本燒肉‧涮涮鍋放題 (利舞臺廣場)

今日無意中發現 只要去銅鑼灣四洲食品體驗館 購買任何產品 就可以得到一張牛舞嘅現金券‼️ (無論金額幾多 每次交易都係俾一張) 想知道更多詳情 歡迎係底下留言⬇️攞到現金券之後 就即刻去咗牛舞試下🫣 因為有兩張現金券 所以試咗佢哋嘅套餐B—樂天澳洲和牛放題 (原價: $428 + 10%)🙂‍↕️ 用餐時間有兩小時～食物種類都算多 可以一邊打邊爐 一邊食燒嘢食 多重享受😌 肉類質素唔算特別高 但係以優惠價嚟講 真係冇得輸🤭　個人比較推薦以下呢幾款：樂天澳洲和牛肋肉、美國極上牛板腱扒、美國封門柳、牛舌、雞心雞肝同埋雞腎串燒🤤 整體燒肉嘅肉質比涮涮鍋嘅肉質稍為好啲 不過某啲和牛肉類都係偏韌少少🤏🏻 其他配料正正常常都可以接受 另外有個冷柚子烏冬都幾特別 酸酸地 而且烏冬都有啲咬口🤓有優惠券嚟講 佢嘅性價比係極高😎 (不過如果要俾原價就唔太值啦👉🏻👈🏻)…查看更多

1 ) 我問職員可唔可以碌卡？ 職員即刻不滿既表情對住我仲話：我地食滿100元先可以收卡。佢好似睇我唔起咁🤨🤨 2) 我去日本雪條櫃見到牆上貼左全部唔同口味既雪糕， 但我見到有兩款外型係一模一樣， 只係裏面味道唔同， 試問我點可以分辨邊支打邊支呢？個職員仲理直氣壯咁話我地已經貼曬喺牆上面㗎啦！如果我知我就唔洗問職員啦！我覺得好似玩緊盲盒一樣囉！但我就係唔想食果隻味， 但你地放既位置都唔岩， 我已經好聲好氣俾個提議佢地話： 不如雪條上面插個字提醒d客分辨邊支打邊支啦！因為有d 誤導成分！ 3) 放題位好少野食選擇！P.S. 唔會再去幫襯！ ！ ！ 😡😡😡…查看更多

今時今日服務算係超級好，同埋入嚟送咗一人一包麵除咗呢兩樣嘢毫無優點。第一價錢貴，$400一個人食呢啲咁嘅質素嘅嘢。啲嘢食質素真係好差，打邊爐啲肉係最cheap嘅嗰隻牛肉，其他幫你調咗味嘅燒肉全部都好鹹，同埋本身都唔新鮮。出邊攞嘅嘢食所有熟食都係凍嘅所有冷盤都係暖嘅。。。。。唔怪之得完全冇乜人咁滯完全唔建議任何人喺度食，真係唔怪之得佢冇人好合理。我諗全部人食完一次都唔會有下一次，唔好俾佢啲優惠呃咗入嚟…查看更多

昨天晚上和朋友一起到這間餐廳吃晚餐，但非常失望😞食物質素很一般，牛肉沒有味道，火鍋的款式，，很少。其他的配菜例如蔬菜，甜品亦是款式不多，甜品只有零零星星一兩件蛋糕仔，放置在櫃上面的格仔餅更好像已經放了很久，至於雪條雪糕只是一般的雪條，雪糕是小型裝的本地雪糕品牌。飲品亦是款式不多。服務質素很差，經理的態度是全程沒有笑容，詢問有關手機程式上的優惠時，只是敷衍作答！至於其他的侍應，很多都是部份時間，有關餐廳的資訊也是不清楚！我們除了吃牛肉放題涮涮鍋，還加錢吃了日本魚生放題，但質素一樣很差！全晚餐廳超過一半的枱是空置的，竟然給予這種服務！今次的經驗很失望，以後也不會再去這間連鎖餐廳吃放題☹️…查看更多

友人呢晚帶咗我嚟銅鑼灣食放題，呢間提供120分鐘嘅涮涮鍋加燒肉放題😮 呢晚叫嘅係樂天澳洲和牛肋肉B餐，有啲後悔冇嗌高一級嘅套餐，因為原來高一級除咗啲牛肉再靚啲之外，仲係無限時㗎，咁就唔使兩個鐘頭裏面咁忙啦😂肉類一入座先有一份排列得好整齊嘅樂天澳洲和牛拼盤，啱晒打卡，又可以先試咗邊款肉類好食再落單。套餐基本嘅豬、牛、雞都有供應，而且肉類有分開涮涮鍋同埋燒肉嘅肉類🥩 呢個套餐嘅肉類供應都幾多選擇，大部份都係半肥瘦咁雪花分明😛 ♦️燒肉肉類全部都係有調味嘅，另外都較為厚身，唔會咁輕易燒到一嚿炭咁😗 淨係澳洲和牛都有幾種選擇，我就特別鍾意佢嘅和牛肋肉，肉質較實淨，肉味香濃。除咗肉類，餐廳仲有提供內臟都，雞肝、雞腎同埋牛舌味道都唔錯👅♦️涮涮鍋湯底有三款可以選擇，我地今次試咗黑松露牛骨湯，入面仲有啲秀珍菇，湯底清清地更能食到肉嘅香味🍄‍🟫火鍋嘅肉類比較大片同埋薄身，真係淥幾秒就食得，入口比較嫩滑。炸響鈴同埋炸魚皮都係QR code可以落單。海鮮種類都有好多，虎蝦有好多蝦膏、蒜香牛油帆立貝、香草芝士燒生蠔、蒜蓉牛油燒生蠔，隻隻都好飽滿🦪 墨魚仔同埋鹽燒多春魚，兩款都係必食嘅推介🐟串燒燒肉嘅部份仲有串燒可以選擇，都幾特別😮 雞軟骨串、雞尾串、雞橫隔膜串同埋豚肉芫荽卷串四款都各具特色，我就最鍾意燒雞軟骨串啦🥰炸物自助包有幾款雜物可以選擇，另外可以用QR code即叫即炸嘅炸水牛芝士條、榴蓮炸彈、朱古力流心炸彈、菠菜芝士薯餅同埋日式炸蝦天婦羅🍤蔬菜餐廳提供蒜蓉牛油雜菌、牛油粟米同埋燒菠蘿🍍最鍾意就係佢嘅燒菠蘿，菠蘿非常多汁。自助吧仲有得夾沙律，輕鬆可以整一份日式嘅粟米沙律🥬溫泉蛋和牛肉醬飯雖然食放題好少食主食，但係呢一個溫泉和牛蛋飯真係好吸引，嗌咗一份嚟試吓🐮 牛肉嘅味道好濃郁啊🍳呢一餐可以滿足兩個願望，又可以燒肉，又可以打邊爐，啱晒一大班朋友過嚟各有各嘅喜好😉…查看更多