影片
更多
2024-07-02
287 瀏覽
好耐之前邊爐閨蜜已經不停同我講話牛站嘅火鍋好多嘢食好好食，今次繼續趁住生日叫佢帶我過去食返餐 😍 一去到已經見到好多人等緊位，好彩閨蜜醒目book咗位，入到去就嗱嗱聲揀個湯底開餐啦 😋 今次我哋揀咗龍蝦頭火鍋湯底，一上枱已經見到好大個龍蝦頭 😍 個湯超鮮甜龍蝦味超濃厚，未開始打邊爐之前已經飲咗一大碗 🤤 正式打邊爐之前當然要出去拎醬料先啦，佢個醬料自助架簡直係花多眼亂，除咗一般嘅豉油、蒜蓉、辣椒醬同蔥芫荽嗰啲之外，仲有好多款例如蠔油同埋烤脆蒜蓉醬等等嘅醬，仲好貼心咁樣教你整唔同嘅配搭去配唔同嘅食物 🫶🏻 至於肉類方面，我地不停 encore SRF 美國極黑和牛片、美國安格斯牛板腱同埋封門柳，啲牛肉好新鮮好好味，仲有西班牙豬五花片同埋花雕醉雞翼都好正，個雞翼淥熟咗之後中間仲有淡淡嘅花雕香味 👍🏻 海鮮方面都好吸引，有蝦同帶子，仲有300同埋花膠，而且居然仲有田雞 🤩 全部都好新鮮甜味，食海鮮都食到好滿足呀 🤤另外仲有手工餃同埋鴨血，更加可以叫到熟食例如乳鴿、鹽酥雞同埋紅糖糍粑（呢個必食，我哋食咗好多舊！拍得住出邊餐廳嘅水準 😍）去到自助區仲驚喜！兩大櫃嘅新鮮蔬菜，仲有我最鍾意食嘅萵筍同
今次我哋揀咗龍蝦頭火鍋湯底，一上枱已經見到好大個龍蝦頭 😍 個湯超鮮甜龍蝦味超濃厚，未開始打邊爐之前已經飲咗一大碗 🤤
正式打邊爐之前當然要出去拎醬料先啦，佢個醬料自助架簡直係花多眼亂，除咗一般嘅豉油、蒜蓉、辣椒醬同蔥芫荽嗰啲之外，仲有好多款例如蠔油同埋烤脆蒜蓉醬等等嘅醬，仲好貼心咁樣教你整唔同嘅配搭去配唔同嘅食物 🫶🏻
至於肉類方面，我地不停 encore SRF 美國極黑和牛片、美國安格斯牛板腱同埋封門柳，啲牛肉好新鮮好好味，仲有西班牙豬五花片同埋花雕醉雞翼都好正，個雞翼淥熟咗之後中間仲有淡淡嘅花雕香味 👍🏻
海鮮方面都好吸引，有蝦同帶子，仲有300同埋花膠，而且居然仲有田雞 🤩 全部都好新鮮甜味，食海鮮都食到好滿足呀 🤤
另外仲有手工餃同埋鴨血，更加可以叫到熟食例如乳鴿、鹽酥雞同埋紅糖糍粑（呢個必食，我哋食咗好多舊！拍得住出邊餐廳嘅水準 😍）
去到自助區仲驚喜！兩大櫃嘅新鮮蔬菜，仲有我最鍾意食嘅萵筍同埋冰菜 😍 另外仲有大量得意嘅丸類，有企鵝造型嘅丸，仲有巨型蟹棒、炸豆腐串同埋韓式紫菜魚糕，另外亦都有個炸櫃放咗油炸鬼、魚皮、生根等等嘅炸物，出去自助區另一圈，真係可以拎到枱都冇位擺啊 😂
另外自助區仲有其他嘅熟食，例如小龍蝦、滷肉飯等等，我就最鍾意食佢嘅椒麻魚皮，炸魚皮平時就食得多，但係將新鮮嘅魚皮灼熟在撈調味料就比較少食，呢度整得好入味，直頭有出邊餐廳食嘅水準 👍🏻
飲品方面都好多選擇，除咗一般嘅啤酒汽水之外，仲有果汁酒同冷泡茶，另外亦都有珍珠奶茶，我覺得個珍珠奶茶都好驚喜，因為茶底好香，同出邊買嘅簡直冇分別，另外佢仲有清酒梅酒同埋蘋果氣泡酒，我仲見到有羅漢果茶等等，估唔到連飲嘢都可以咁多選擇 🙈
臨尾就食返個甜品，見到佢有啲生果可以攞，最正係有荔枝同埋紅毛丹，另外亦都有個乳酪雪糕機，當日係有芒果味，酸酸地食落去都幾舒服。另外仲有木糠布甸、牛奶布甸同埋楊枝甘露等等，仲有好多款嘅雪糕，我就發現咗有榴槤雪糕，嗱嗱聲整返杯，為呢一個豐富嘅邊爐之旅作一個甜美嘅完結 🤤
張貼
