牛站(駅)麻辣火鍋放題

天氣開始涼涼地又想打邊爐，最鍾意就係旺角創興廣場度食《牛站麻辣火鍋放題 》，放題大滿足，全部任飲任食🥰湯底有10多款選擇，今次我哋揀咗冬瓜瑤柱豬骨湯，清清地又夠鮮甜！喺牛站食火鍋放題真係超級滿足呀！呢度唔單止肉類選擇多，仲有好多唔同嘅海鮮俾你揀！呢個價錢任飲任食真係超抵呀！🔥特上牛小排 - $348任食兩小時🔥🔸肉類🔸🐮澳洲M5和牛非常肥美嘅M5和牛，入口即溶嘅油脂🐮美國特上小牛排油脂分布平均，肉質細緻，牛味濃郁🐮SRF美國極黑和牛片牛肉味最為突出，口感柔軟🐮美國安格斯牛板腱🐮美國牛肩胛片🐮封門柳🐏澳洲羊肉片🐷美國豬梅肉片🔸海鮮🔸🦐大頭蝦：大頭蝦唔單止蝦膏多，蝦肉結實彈牙，夠晒新鮮，絕對係回本之選啦！🦪蠔：非常肥美嘅蠔，夠creamy，食落新鮮鮮甜鮑魚：大大隻鮑魚，爽口彈牙仲有其他海鮮包括象拔蚌、花膠、青口、蘭花蚌、貝柱仔、白鱔、鮮甜海蝦、沙白🔸小食🔸🐧乳鴿、🐔炸雞翼、小龍蝦🦞、蘿蔔牛腩、西蘭花、炸蟹鉗自助bar:自助調味料吧：多達20多款調味料任君選擇飲品：多款自家製茶飲、罐裝汽水、熱羅漢果水、菊花蜜、椰青水、蔗汁、豆漿、果汁、罐裝啤酒、清酒、梅酒、白酒、紅酒、燒酌火鍋配料：多款蔬菜、丸類、菇類甜品及水果：Häagen-Dazs雪糕 （開心果味、焦糖味）、多款雪條、軟雪糕、乳酪、糯米糍、小蛋糕、泡芙、西瓜🍉等等…查看更多

每次想到要打邊爐，第一時間想起「牛站(駅)麻辣火鍋放題」。這間長期人氣爆棚的火鍋店，絕對是香港火鍋放題中CP值數一數二的選擇，尤其是大頭蝦任食。豐富湯底與精選肉類這次我選擇了SRF美國極黑和牛片套餐。湯底方面，我選了蟹皇海鮮鍋，海鮮味鮮甜而不膩。肉類方面，SRF美國極黑和牛片油脂分佈均勻，肉味濃郁，輕輕一燙即可入口。除了主打的和牛，安格斯牛板腱和美國肩胛肉也相當不錯，肉質新鮮。重點推介：驚艷海鮮與熟食必食大頭蝦這次最讓我驚喜的絕對是任食大頭蝦，這可能是全港最平有大頭蝦的火鍋放題。這些大頭蝦每隻都超飽滿肥美，肉質鮮甜爽口。燒乳鴿皇另一亮點是他們的燒乳鴿皇，這在火鍋放題中實屬罕見。乳鴿雖然細細隻，但肉量一點都不少，外皮香脆，內裡肉質嫩滑多汁。其他海鮮與熟食除了大頭蝦，海鮮還有鮑魚、帆立貝、象拔蚌片等。熟食區的麻辣小龍蝦和芝麻雞翼也是不容錯過的選擇。豐富自助區與飲品自助區真的是眼花繚亂，提供近100種食材選擇。特別值得一提的是他們的蔬菜區有羽衣甘藍、冰菜、水蓮等較少見的食材。丸類、餃類選擇也多不勝數。除了一般罐裝飲品，還有自家製冷泡茶、珍珠奶茶，啤酒、清酒、梅酒等酒精飲品全部任飲。甜品任食Häagen-Dazs雪糕任食確實令人滿足，還有韓國Melona雪條等多款選擇。…查看更多

今日去旺角牛站打邊爐 冬瓜瑤柱豬骨湯 湯底清甜，鍋內有冬瓜瑤柱 好消暑清甜 好啱夏天自助區好多款式，有小龍蝦, 燒肉, 水果, 甜品, 飲品, 菜, 丸類, 麵類 雪糕 超多選擇雪櫃有各式茶飲，汽水，果汁，又有暖櫃提供清熱飲料，酒類有三款，梅酒，清酒，啤酒 🌸乳鴿真係犀利 連火鍋放題都有乳鴿食 即叫即炸 熱辣辣好好食🌸SRF 美國極黑和牛片SRF美國極黑和牛片雪花分明 淥5-6秒秒就食得 口感軟淋 好滑呀🌸美國特上牛小排肉味比較濃 肉嫩多汁 入口即化 美味满足 肉味濃郁嫩滑 🌸澳洲M5和牛牛肉切得很薄，肉色鮮明，油脂分佈平均，淥5秒就食得🌸蠔必食 呢度啲蠔好高質 一啲都唔腥 每隻都脹卜卜 🌸蝦滑蝦滑真係好新鮮超級彈牙 必食🌸大頭蝦大頭蝦任點任食 每隻蝦都爆曬膏 由火鍋店任食大頭蝦 回本之選🌸水蓮唔係度度有得食水蓮 台灣水 蓮 淥幾淥 就食得 好脆口 必食🌸即炸鬆脆響鈴 真係即炸架 好有誠意 即炸響鈴真係鬆脆10倍 食到即炸鬆脆響鈴同魚皮 仲有午餐肉 👍🌸Häagen-Dazs雪糕甜品好多款式除左Häagen-Dazs雪糕外, 仲有楊枝甘露,馬卡龍......, 牛站性價比係超高, 款式又好多 Bookmarked 📍 牛站(駅)麻辣火鍋放題 (旺角)旺角彌敦道601號創興廣場2樓…查看更多

依架個個都話北上食野, 但老實我唔係好鐘意, 始終都係香港既食物先係最岩口味, 所以我同朋友都成日會去香港不同既地方食野, 咁先係支持香港的香港人麻今次去到係旺角既牛站打邊爐, 黎到門口真係哇左一聲, 係超級人山人海, 勁多人排緊隊, 好彩我朋友醒目, 一早BOOK定位, 我地就可以直接埋位等開餐等用餐就梗係出去巡下有咩好食啦, 真心正喎, 前菜有小龍蝦, 燒肉, 水果, 甜品, 飲品, 邊爐既菜, 丸, 麵全部都齊全, 我地幾個都好開心拎左一大堆野返去, 而我覺得最有驚喜既加分位係醬料區, 除左一般應該有的有之外, 仲有青檸, XO醬, 辣椒油等等出面唔係間間有既, 我好似飲思樂冰咁咩都加晒落去, 好開心, 係呢D小節位真係加晒分點食物同湯底係用QR CODE落單, 幾方便。湯底我地叫左係胡椒豬肚既湯底, 胡椒味幾濃下, 少少辣, 吊起到食物既味道。係度等緊個湯底滾起既時候, 就梗係要叫D熟食食下啦, D度有驚喜的炸乳鴿, 外脆內軟多肉汁, 任食邊爐食到D個質素既乳鴿超正因為我地係叫最多野食既餐, 所以牛都有好多款, D和牛真心多油脂, 食落又滑又嫩, 我地叫左好多碟, 如果去凍肉鋪買咁高質既牛應該唔平除左牛之後梗係必叫海鮮啦, 除左食普通既蝦外, 一定要勁點大頭蝦, 超級好味, 另外有帶子, 扇貝, 鮑魚, 象拔蚌等等高級既海鮮, 呢D海鮮將成餐既性價比推到好高!總結, 不論岩岩入場好, 出去拎野食好, 或者係走果陣好, 都係見到超多人係度等緊, 證明香港仲係好有活力, 只有性價比做好, 顧客自己會黎的, 好想比牛站一個讚, 另外都想同所以香港人打打氣!…查看更多

有一個老BEST生日, 佢好鐘意食高質既任食邊爐,其中有個朋友之前試過痛風, 但呢一晚佢爆左句"痛風都要食埋佢!", 之後我地全枱爆笑, 呢一晚真係好開心呢一間牛站位於創興中心, 位置方便, 所以一上到就見到超多人好彩我地之前訂左位就唔洗等, 直接入左去, 入到去都覺得張枱幾逼, 叫多少少野成枱已經冇位, 好彩佢地職員夠晒勤力, 成日都過黎主動問下有冇碟收, 咁仲可以保持坐係度夠位放野食, 夠晒舒服係等食既時候就梗係要出去行下啦, 出面既飲品種類算幾多, 雪糕就有回本之選既哈根大師, 而熟食就有炸雞, 燒腩仔等等, 而驚喜位係有生啤飲, 超正呀!另外除左出去拎既熟食外, 仲有唔少熟食係可以用APP叫的, 例如係乳鴿, 肉質鮮嫩多汁, 絕對唔會輸比出面的酒樓我地今次揀左最貴果個SET, 其實同最平果個都係爭$100內, 爭咁少都冇謂再諗啦, 入面既美國精選牛同黑毛和牛真係冇得輸, 牛味足, 口感好, 我地叫左勁多碟食, 係牛D個位已經嬴左其他某呢任食邊爐幾條街除左牛好正之外, 牛站既海鮮都係無敵的, 凡立貝超高質, 我地每人都起碼食左十粒以上, 而且仲有蠔, 鮑魚, 象拔蚌等等, 食唔停, 我仲想推薦另一個回本之選! 大頭蝦! 每隻都好新鮮, 啖啖肉, 呢個出去食都幾貴! 出去自助區竟然有大大隻的沙白拎, 隻隻又大又新鮮!甜品除左雪糕外, 仲有楊枝甘露,馬卡龍等等, 我地食到勁滿足先走, 超開心! 我地每個人都覺得牛站性價比係超高, 唔怪得咁多人黎食, 絕對可以再約朋友過來食多幾次!…查看更多

天氣凍就梗係打邊爐，今次去旺角牛站，有得任食Häagen-Dazs雪糕幾抵食。試吓新嘢叫咗個龍蝦頭鍋底，配埋秀珍菇一齊滾，蝦味突出。肉類方面，特上牛小排同兩款和牛，SRF美國極黑和牛、澳洲M5和牛質素都唔錯，油脂分布勻循，淥完入口好軟腍小食特別推介芝麻雞翼同乳鴿，雞翼炸得香口惹味，乳鴿就夠晒入味，兩樣都整得幾好。蔬菜特別鍾意食冰菜同青瓜花，呢兩款平時都好少見，淥完之後仲保持到爽脆口感，青瓜花嘅味道都幾特別飲品絕對係驚喜位，估唔到火鍋店嘅珍珠奶茶都咁出色，所以都好受歡迎。另外仲有Asashi啤酒，打邊爐飲真係一流。最後食返杯Häagen-Dazs雪糕作結，曲奇同焦糖餅兩隻味都咁正💕…查看更多

同好朋友去咗旺角嗰間牛肉火鍋放題，真係要同大家開心share下～地點超方便，就喺旺角鬧市，行完街直接上樓啱啱好。一坐低就發現個湯底好足料，我哋揀咗花膠雞湯，滾起時已經聞到好香。最驚喜係個點餐系統，用手機篤一篤就落到單，唔使舉手叫人～牛肉款式多到眼花撩亂㗎！美國安格斯牛板腱雪花好靚，輕輕淥5秒就食得，入口即化好似食緊棉花咁～SRF極黑和牛片仲得意，得一片片咁上，擺到靚靚似花瓣，打卡一流！封門柳好有驚喜，咬落去又爽又嫩，個肉汁係口腔爆開，我忍唔住encore咗兩轉。海鮮真係冇得頂～沙白蜆大隻得嚟冇沙，鮑魚仔彈牙鮮甜，最得意係象拔蚌片，淥兩淥就捲起身，好似食緊脆脆嘅雲耳。海螺片我專登叫咗三轉，因為切到薄薄透光，淥完都唔會韌，仲keep到海洋嘅鮮味。羊肉片都值得讚，完全冇羶味，同個湯底出奇地夾。牛脷托就係驚喜位，平時好少食到，原來淥完係爽口得嚟帶少少脆，口感好過癮。環境方面要特別稱讚，抽風系統做得好好，食完成晚火鍋都唔會成頭油煙味。餐廳好細心湯底已經喺枱面上面隨時都可以自己加超級方便！…查看更多

同班friend去咗旺角試咗間麻辣火鍋放題，個湯底我哋揀咗「金湯花膠雞鍋」，一上枱已經聞到好香濃嘅雞湯味，飲落好順喉，花膠份量都足料，用嚟淥海鮮特別夾。講到肉類，我個人最推介係「SRF美國極黑和牛片」，油脂分布好似大理石紋咁靚，放入湯底輕輕一淥，入口即化，牛味好濃郁。「澳洲M5和牛」都唔錯，肉質軟淋得嚟帶少少咬口。至於「封門柳」就真係驚喜，雖然每張單限叫一件，但個種濃厚牛味同獨特口感，食完真係會念念不忘。海鮮方面，鮑魚同大頭蝦都好新鮮，鮑魚彈牙得嚟唔會韌，大頭蝦仲有好多膏。鮮白鱔件切得夠厚身，魚皮爽脆，魚肉肥美。象拔蚌片同蘭花蚌就勝在夠爽口，淥十零秒就食得。…查看更多

牛站(駅)麻辣火鍋放題 (旺角) 📍旺角彌敦道601號創興廣場2樓相約朋友黎到旺角創興廣場二樓，吃網上充滿好評的牛站（駅）麻辣火鍋放題，佔地全層，枱與枱之間夠闊落，當天惠顧SPF 美國極黑和牛片套餐，有三大款牛任食 而且包括任食美國安格斯牛板腱、帆立貝、封門柳、田雞腿、海螺片、黃喉、蘭花蚌、爽脆墨魚、海參等。湯底單鍋不用加錢，揀了金湯花膠雞鍋，濃郁、鮮美、醇厚、膠質感極強、溫潤滋補。湯底通常用整隻老母雞、金華火腿、豬骨等長時間熬製，萃取出最純粹的肉類精華。這種鮮味深沉而自然，帶有肉類本身的甘甜，花膠（魚肚）本身沒有強烈味道，但會為湯汁帶來獨特的海產風味和濃稠的膠質感。有時湯底也會加入乾貝（瑤柱）等海味，花膠和雞皮都富含膠原蛋白，經過熬煮後，湯汁會變得非常濃稠，口感滑溜，近乎「羹」的狀態。喝起來能明顯感覺到湯汁的「掛唇感」，每一口都充滿了膠質。調料區有達20多款醬料，任君選擇甜酸苦辣、有青檸🍋‍🟩、沙姜碎、炸蒜、芫荽、辣椒仔等，沾上剛灼熟的牛片，也太好吃了吧。凍櫃內有各式各樣茶飲汽水，自家製泡茶、啤酒清酒梅酒、羅漢果茶、港式奶茶、啤酒、餐後可以享用一杯咖啡用咖啡機沖製、好多選擇！最誇張有自家製珍珠奶茶🧋，大癲。自助區分布區域大，有齊晒熟食、生食、水果、小食、甜品雪糕，包羅萬有、人多時不太擠迫。有藤椒魚皮、油炸鬼芝麻雞、炸魚皮，鵪鶉蛋、小酥肉、鬆脆響鈴等，小龍蝦、燒肉任君選擇。最回本必定係任食美國和牛。美國安格斯牛板腱充滿牛肉鲜香，带有淡淡的堅果奶香，油脂分怖平均，肉味濃郁嫩滑、也有羊肉片和豬肉片可點，整體肉質新鮮。推介大家必定食首創泰式大頭蝦，平時出去食大頭蝦都二百幾蚊，今次可以任點唔嬲，絕對回本。乳鴿肉質極其细腻、鲜嫩和独特的脂肪分布均匀，表皮酥脆如玻璃，肉質嫩滑，调味以五香為主。甜品方面竟然有häagen-daz，食幾杯都回本。仲有楊枝甘露馬卡龍，食到捧住個肚走。總結：性價比超高有任食雪糕大頭蝦乳鴿絕對回本 #香港美食 #香港美食 #香港必食 #香港探店 #香港打卡 #香港旅游 #香港必喝 #香港放題探店 #香港放題店 #香港好去处 #香港推荐食品…查看更多

終於等到牛站出返大頭蝦任食梗係受歡迎先會再次重推無論 weekend定平日都係全場爆滿店舖環境同座位都很寬闊選了野菌養生湯底，味道十分之清甜而海鮮種類非常多選擇，大頭蝦，海蝦，沙白，鮑魚，生蠔等大頭蝦好多隻都爆曬膏，好滿足牛肉方面都保持到水準有牛小排，美國極黑和牛，澳洲和牛等等油花適中，肉味濃郁熟食必點乳鴿，同黑糖糍粑外面自助區食物種類多飲品有自家製花茶、珍珠奶茶、汽水啤酒各款甜品有奶凍、榚點、雪條、雪糕的Haagen-Dazs，同埋軟雪糕最特別有原個新鮮芒果雪條，必試！…查看更多

去咗旺角牛站(駅)打邊爐，佢係任食放題形式，選擇真係多到眼花🤩。我哋揀咗沙爹同椰子雞鴛鴦鍋，沙爹湯底香濃帶辣，滾耐咗更惹味；椰子雞就清甜清香，飲落仲有椰子味，食完完全唔膩🥥🐔。兩個湯底一濃一清，配搭得好正，邊打邊換口味超過癮。火鍋方面我哋叫咗特上牛小排套餐，幾款牛肉片油花靚靚，落鍋輕輕涮幾下就好嫩滑😍。入口油香同肉味平衡，配沙爹湯底更香濃，落椰子雞湯底就清爽。仲有多款海鮮可以叫，必叫生蠔，大隻好食無臭味！大頭蝦大隻鮮甜！仲有多款小食任食，推薦乳鴿一定要食！自助區，甜品、飲品同火鍋小食一應俱全🍦🥤🫕。汽水果汁任拎，仲有丸類、麵類、蔬菜，自己揀自己煮，好有自由感🙌。最後食返個Häagen-Dazs雪糕收尾好滿足，呢個放題火鍋抵食又多選擇，食物質素高，自助區豐富，無論同朋友聚會定宵夜都啱晒🍲✨。…查看更多

事原係朋友A同我及朋友B慶生...朋友A手快快click錯咗龍蝦頭湯(原來朋友B敏感龍蝦)。當時就即刻同職員講"落錯咗湯底想改", 黑衫女職員介入就話出咗餐唔俾改(明明湯底都仲未出現?!)。我地話未上+敏感點解唔俾改, 佢就話"俾改, 改咩? 改湯底要加$48, 雙併要加$96" (亂開價, 鴛鴦湯在餐牌上係加$48?!) 龍蝦湯推到嚟我地張枱後面, 我地堅持唔要龍蝦湯, 即刻阻止佢唔好放上枱。糾纏咗一陣, 女職員問我地轉咩湯底, 話特別改俾我地喎, 結果換嚟嘅係"有龍蝦味的野菌湯"! 聞同飲都係有陣龍蝦味, 女職員拎咗一啖湯話自己試唔出, 之後又拎咗另一啖湯要叫經理試! 我地都唔想再煩, 已經搞咗成20分鐘喇, 叫女職員上一個清湯就諗住算數啦...經理呢一刻終於介入, 話想我地食得開心, 叫我地揀返個湯底。 終於有個正常嘅椰子雞湯, 因為已經過咗30分鐘我地都未正式開始食野, 經理就無計我地入座時間! 經理真係算係咁(執生+埋尾+擺平件事)作為經理要照顧呢種質素嘅下屬, 真係辛苦哂...現今嘅餐飲業, 真係應該好好培訓員工服務態度+臨場應變...生日都俾你地搞到無哂mood!!! 3個人張單都成千蚊, 換嚟一個好難忘嘅生日飯囉!!! …查看更多

晚市台式火鍋放題套餐有3個級別，每個級別相差40蚊，最後揀咗最高級別3號套餐，湯底揀咗冬瓜瑤柱豬骨鍋及海膽海鮮鍋鴛鴦湯底，冬瓜湯有好多瑤柱味道清甜，海膽鍋加入芫荽味香濃。肥牛有特上牛小排油脂最豐富，澳洲M5和牛肉味最濃，安格斯牛板腱最腍，仲有美國極黑和牛同封門柳，咁多隻牛都有質素，我咁多隻牛都有再柯打，係唔同享受。海鮮方面有白鱔、牡蠣、鮑魚、沙白、海蝦同大頭蝦，大頭蝦任食嘅火鍋放題係比較少見，而且海鮮都好新鮮，又係可重點配料。其他配料都可落單或自助區自取，款式多，丸類質素味道好，最喜歡手打蝦滑有原粒蝦仁在內。小食有炸蟹鉗、芝麻雞翼、紅燒乳鴿任食，乳鴿真係好好味叫完又叫，最後當然唔少得甜品，甜品 最受歡迎嘅係häagen-dazs雪糕都係可以喺自助區任攞任食，仲有好多味道選擇。…查看更多

生日去邊度慶祝？趁着天氣轉涼，最想係約埋朋友去食一餐暖心火鍋。這次朋友預訂了旺角的「牛站(駅)麻辣火鍋放題」。踏進去已感受到熱鬧的氛圍，坐滿滿，聲音不斷，氣氛不錯。這裡的湯底選擇多到爆，無論想要麻辣、清淡、滋補的款式，都可找到心頭好。這次特別推介大頭蝦，鮮得嚟、彈牙，不可錯過！仲要食埋每次都必食嘅乳鴿，外脆內嫩，啖啖肉。而這裡的火鍋配料，亦應有盡有，海鮮、肉類、蔬菜，只要掃QR Code或在自助區裡選擇樣樣齊。最後當然要食埋甜品同Häagen-Dazs 雪糕，先至完滿。…查看更多

依家同朋友打邊爐都一定去牛駅，因為性價比高之餘，湯底同食物都無得輸今次點左蕃茄豬骨同胡椒豬肚雙拼，一甜一咸平衝下蕃茄豬骨夠香甜，胡椒豬肚咸咸辣辣夠惹味呢度最出名係任食乳鴿! 件件都仲熱辣辣，肉質嫩滑多汁，每次四分一件唔會食到膩。牛肉係主角，美國極黑和牛、美國肩胛肉、美國安格斯牛板腱。其中最鍾意肩胛肉，脂肪、肉味同肉質軟嫩程度都岩岩好 海鮮任點，鍾意嘅朋友一定食得爽！有蝦有鱔有貝殼類，可以話應有盡有自家珍珠奶茶值得一試！茶底幾濃幾好飲，唔會太甜，而且珍珠夠咬口甜品仲有häagen-dazs任食，仲有新款既一支芒果，好食又滿足…查看更多