202
4
2
營業時間
今日營業
12:00 - 16:00
17:00 - 23:00
星期一至日
12:00 - 16:00
17:00 - 23:00
公眾假期
12:00 - 16:00
17:00 - 23:00
以上資料只供參考, 請與餐廳確認詳情
食家推介
今日黎到旺角既牛站食120分鐘火鍋放題~揀左SRF美國極黑和牛片套餐 $288, 價錢都合理~呢道好旺場超多人, 我地6點幾入座, 食完之後仲見到好多人等緊位分自助區同QR CODE落單~食物種類超級豐富!!! 有多個凍櫃自取火鍋配料~蔬菜款式都幾特別, 有好多少見既紫色蔬菜, 另外又有水蓮菜&羽衣甘藍入冬最正就係食蛇羹喇~蛇羹配料豐富, 飲完好暖胃飲品有啤酒, 果汁, 汽水, 冷泡茶, 珍珠奶茶, 清酒梅酒, 水果酒等.....乳鴿王色澤金黃, 外皮炸得香脆, 肉質嫩滑多汁芝麻雞翼外皮酥脆, 芝麻又香又脆, 雞翼肉質鮮嫩, 非常入味鹽酥雞外皮金黃酥脆, 每一塊都帶有微微咸鹹香~ 鴛鴦鍋: 冬瓜瑤柱豬骨鍋 & 龍蝦頭鍋冬瓜瑤柱豬骨鍋湯底鮮甜, 加上瑤柱嘅鮮香, 令整個湯底更加美味!!龍蝦頭鍋則有濃郁嘅海鮮味道, 龍蝦頭嘅鮮味完全融入湯底~~海鮮非常新鮮, 食左幾款全部都好正!!好驚喜有田雞腿食, 肉質仲好嫩滑, 正到encore左幾次SPF美國極黑和牛片和牛片色澤鮮紅, 紋理分明, 肉質細嫩juicy~~美國肩胛肉&美國安格斯牛板鍵薄薄的肉質軟腍幼嫩, 牛味濃郁~~甜品選擇豐富多樣有多款雪糕雪條, 連haagen dazs雪糕都係任食架!!另外仲有cake, mousse, 豆腐花, yogurt等等
繼續閱讀
天氣轉涼了, 又係時候瘋狂咁打邊爐, 早排我同屋企人去左依間火鍋店食做節飯, 一食即愛上, 所以前兩日約朋友食飯就提議又黎依度食, 一早上網訂左位, 以免等位等到頸都長餐牌內分左三個不同價錢既套餐, 我地揀左2號餐, 食SRF美國極黑和牛片, 依個餐可以食埋1號餐既美國精選牛, 另外仲有美國安格斯牛板腱、西班牙豬五花片、手打墨魚滑、手切封門柳、帆立貝同象拔蚌片, 我叫依個餐既其中一個原因係因為今期有限定任叫任食燒乳鴿皇! 除左依啲食材之外, 丸類、小食熟食、菜類、飲品、甜品都係自取任叫任食, 火鍋配料材都好乾淨又新鮮, 仲有本地及日本啤酒、清酒、梅酒都係任飲一入座就先揀湯底, 有十款選擇, 我地叫左胡椒豬肚鍋, 好快就送到上枱, 已經聞到好香濃胡椒豬肚味, 而且湯鍋入面既豬骨配料都好大件, 非常足料! 而且個湯底愈滾得耐, 愈濃味, 連食其他火鍋配料都有勁既胡椒豬肚香美國極黑和牛片SRF肉質鮮嫩帶粉, 脂肪分怖平均, 食落牛味突出, 夠哂軟熟! 小食炸物有芝麻雞翼, 鹽酥雞同榴槤炸彈等等, 炸得好香脆又唔會過份油膩全晚最期待既燒乳鴿, 送到黎嗰時仲係熱辣辣, 真係即炸, 食落仲保持住肉汁, 一啲都唔乾, 仲要外皮脆肉嫩, 超有誠意, 淨係黎食返幾件燒乳鴿都回返本, 真心推介!整體性價比高, 食材選擇種類非常多, 而且質素對得住價錢, 任食時間好充足, 不得不讚店員態度好之外, 收野速度都好快, 食得開心仲要食到捧住個肚走!
繼續閱讀
宜家天氣凍凍地，好啱食火鍋，咁試試哩間bookmark咗好耐嘅臺灣火鍋啦。成層樓都係哩間火鍋店，晚市都幾full。店鋪裝修得唔錯，好有臺灣feel。晚市提供數款火鍋放題，我們揀咗SRF美國極黑和牛，可以任食2個鐘。牛肉，湯底同部分配料QR code落單，其他都係出面櫃檯取。飲品櫃勁豐富，唔單止有汽水珍珠奶茶等飲品，仲有數款啤酒葡萄酒同清酒提供，鐘意飲酒嘅一定唔好錯過哩個任飲機會。湯底揀咗麻辣鍋底，食火鍋最鐘意食辣，湯底仲搭配一罐芝麻油，好正。今次叫咗數款牛肉，SRF美國極黑和牛一定要試，牛肉好薄身，燙咗10-15秒可以食，入口肥瘦相間，牛味好重又嫩滑，好味。出面嘢食好豐富，多款火鍋食材都係台灣直送，今次揀咗企鵝丸,蟹柳，魚皮等。食材品質唔錯，特別係水蓮，食落好新鮮鮮甜。最得意係哩間火鍋都提供數款小食任食，尤其提供埋乳鴿同麻辣小龍蝦TIM，乳鴿質素好高，燒到脆啵啵，肉仲好嫩，好驚喜。最後都要食下甜品，甜品種類好豐富，除咗臺灣芋圓，仲提供數款cake同雪糕，芒果布丁唔錯，食落好幼滑，唔會好甜。哈格達斯雪糕一定要食，食多幾杯都抵啦。今日哩餐勁豐富，食到好飽都係300上下，勁抵食啦！
繼續閱讀
平日晚上都爆滿的放題店，終於讓我約到跟朋友來試試了！價錢根據牛肉種類及時間而定，我倆選了第二級SRF美國極黑和牛，每人＄288加一，就可以任飲任食兩小時。掃完QR code落湯底、牛肉及海鮮就出去看有甚麼好拿。沒想到自取區域超大，整個範圍有冷氣十足的凍櫃放滿不肉蔬菜、台式丸類，連前菜、小菜都有。中間這排是醬料及其他配料區，真的花多眼亂。一直都有好多人取料，refill速度都算快，仍能保持清潔這點很好。回去剛好上了所選的椰子雞湯及其他食物。湯底足料有大件雞肉，還有紅棗、杞子等滋補食材，味道清甜。點了三款炸物芝麻雞翼、鹽酥雞及醬爆糍粑都即叫即炸好有水準，冷盤醉雞雞卷更是濃淳花雕酒香，質素甚高。然後當然來嚐牛肉。最重牛味的必然是最深色的封門柳，還有爽口的安格斯牛板腱及牛舌、帶不少脂肪的肩胛肉以及重點SRF和牛。它的雪花量不多但分佈平均，薄薄大片很快熟，入口柔軟有牛香，一定要encore。另外讓我倆超有驚喜也點了幾次的就是乳鴿王。賣相吸引，燒得非常香口惹味，皮脆肉滑，超高質。有點渴就去拿喝的，有一整排櫃滿是不同汽水、果汁、茶、涼茶、珍奶甚至啤酒果酒都是任取。另一邊沒拍到的更誇張，還有紅白酒、梅酒，清酒還有加熱裝置，全都是任飲！我直接裝了一整壺熱清酒及一杯梅酒回去慢慢啖。酒都可以任喝實在太開心了，選擇還要那麽多。加單除了和牛還再點了小食，藤椒魚皮如海哲般爽口；少有的田雞腿更是啖啖嫩滑的肉，後悔太遲點沒能encore呢。最後當然少不了甜品，一整櫃杯裝甜品中，我倆最喜歡木槺布丁及有乳牛圖紙的3.6牛乳布丁，夠香滑又濃郁。雪糕類也有一整個雪櫃，除了雪條、香港品牌雪糕，還有哈根大師及昂貴品牌Ekselence的雪糕批，超重本！加一後每人300多元是正常放題的價錢，但這裡勝在有兩小時時間，食物及飲品種類都非常之多又高質素，值得再來戰！如果是大胃王就更物超所值了。
繼續閱讀
🚇旺角呢間牛站地方又大又🤩闊落，午市SRF美國🇺🇸極黑和牛放題都只係💰$228一位，而且仲可以食到4點🕓添，真係勁抵食！呢度嘅湯底🥣款式都十分之豐富，今次我哋就揀咗用料十足嘅🥥清甜椰子雞🐓鍋，椰子味香濃又十分之清甜有🐔雞味。SRF🇺🇸美國極黑和牛🐂油花豐富又均勻，美國特級肩胛肉眼🥩就香嫩肥美，呢兩款牛🤤都十分之高質美味。佢哋仲有好多唔同嘅😍台式火鍋配料同埋小食，我就比較😋鍾意藤椒魚皮🐟同埋鹽酥雞🐓。💪自助區有好多不同🍲火鍋配料任夾，而且有唔少係台灣🥰特色食品。呢度另一個🤩賣點係有多款🍻酒類飲品任飲，有🥂白酒、提子燒酌🥃同埋清酒🍶。🥗沙律同埋鮮果🍉種類亦都幾☺️豐富。🍮甜品櫃有多款唔同嘅😍甜品，但最得我心嘅當然係❤️三色芋圓，入面仲有仙草、🫘紅豆同埋椰果🥥，十分之吸引🤤。另外仲有🥰多款杯裝雪糕🍨同埋軟雪糕機🍦，最正嘅就係有😋 Häagen-Dazs 添！
繼續閱讀