影片
更多
2024-01-24
45 瀏覽
朋友仔生日，想揀間靚靚餐廳食個lunch，可以傾下偈又食下嘢，一定揀Omakase ，揀咗銅鑼灣三原，地點近利園，裝修仲好靚💗全店都係日本師傅主理，今次呢位師傅嚟自日本銀座☺️Lunch menu有兩個，分別係$480同$780，後者會多一道龍蝦或鮑魚。今日唔算太餓，揀咗個480試下，都好有驚喜！🔸前菜｜季節のサラダ簡單嘅沙律前菜，用咗新鮮芒果汁做醬汁！小清新得嚟好開胃🔸汁物Soup蟹籽蟹肉茶碗蒸天氣有少少轉涼，第二道菜就食熱嘢，茶碗蒸個蛋非常嫩滑亦都唔會太鹹，食得出滿滿嘅蟹肉味道，鮮味十足。🔸進肴Entrée｜北海道産ホタテ貝柱のカツレツ奈良漬タルタルソース師傅雖然係日本人，唔識中文，但係旁邊嘅店員非常好，每一道菜都會介紹。呢度菜超有心機，首先將春卷皮切成絲，包住日本嘅帶子煎香，top係奈良漬配上少少蛋黃他他，另外仲有少少三文魚子，層次分明，口感非常好。🔸追行Seafood｜本日の魚料理銀鱈魚，師傅將魚簡單煎香，魚皮脆卜卜！最特別嘅係佢旁邊嘅紫菜汁，鹹鹹香香得來同個魚好夾。🔸主来Main｜A4宮崎和牛サーロイン薄焼き揀咗和牛薄燒，油脂唔算好肥，加上壽喜燒汁。再加上蛋黃，整件事好好👍🏻好
朋友仔生日，想揀間靚靚餐廳食個lunch，可以傾下偈又食下嘢，一定揀Omakase ，揀咗銅鑼灣三原，地點近利園，裝修仲好靚💗全店都係日本師傅主理，今次呢位師傅嚟自日本銀座☺️
Lunch menu有兩個，分別係$480同$780，後者會多一道龍蝦或鮑魚。今日唔算太餓，揀咗個480試下，都好有驚喜！
🔸前菜｜季節のサラダ簡單嘅沙律前菜，用咗新鮮芒果汁做醬汁！小清新得嚟好開胃
🔸汁物Soup蟹籽蟹肉茶碗蒸
天氣有少少轉涼，第二道菜就食熱嘢，茶碗蒸個蛋非常嫩滑亦都唔會太鹹，食得出滿滿嘅蟹肉味道，鮮味十足。
🔸進肴Entrée｜北海道産ホタテ貝柱のカツレツ奈良漬タルタルソース師傅雖然係日本人，唔識中文，但係旁邊嘅店員非常好，每一道菜都會介紹。呢度菜超有心機，首先將春卷皮切成絲，包住日本嘅帶子煎香，top係奈良漬配上少少蛋黃他他，另外仲有少少三文魚子，層次分明，口感非常好。
🔸追行Seafood｜本日の魚料理銀鱈魚，師傅將魚簡單煎香，魚皮脆卜卜！最特別嘅係佢旁邊嘅紫菜汁，鹹鹹香香得來同個魚好夾。
🔸主来Main｜A4宮崎和牛サーロイン薄焼き揀咗和牛薄燒，油脂唔算好肥，加上壽喜燒汁。再加上蛋黃，整件事好好👍🏻好夾。
🔸御飯Rice Garlic Rice🔸止腕Miso Soup 赤出汁
🔸香物Pickles
食到炒飯已經開始好飽了，簡單嘅蛋炒飯，粒粒分明！好乾身好香，師傅又好巧妙配返個赤味噌湯，平衡兩者。
🔸水菓子Dessert｜Homemade Gelato最後加埋餐廳自制嘅gelato，今日係焦糖味，味道好濃厚又唔會死甜，質感好好！最好用好好味嘅雪糕作結，全餐lunch都好完美!!
張貼
