芝加哥串燒酒場

又黎芝加哥到chill下啦， 今次我地早黎食人唔算太多，大電視播緊奧運好有氣氛。 叫左2杯mocktail, 我果杯happy hour 係青檸加蜜糖， 酸酸甜甜好開胃。男朋友果杯Wednesday 賣相靚，打卡一流😆今次都係叫左多款串燒大推- 雞拼盤，有齊雞皮墨魚滑，雞肉軟骨棒，芝士雞肉串同蜜糖雞翼。 全部燒得勁香。 雞皮墨魚滑彈牙有口感再加埋香脆既雞皮，口感豐富。蜜糖雞翼皮脆肉嫩. 雞肉軟骨棒,雞軟骨剁碎，混入免治雞肉,所以口感過癮。椒鹽日式黑豚肉-用咗少量鹽調味，豚肉薄薄燒得香脆，好好食。鰻魚串- 鰻魚肥美， 肉配上香甜鰻魚醬，encore 👍🏻一口和牛串- 燒完都勁嫩，接近入口溶。芝士焗雜菌同新鮮翠玉瓜，食完禁多肉，要返d菜去下膩。降火龜苓膏燒-呢個必點， 初初諗住試伏心態，估唔到禁正，口感煙煙韌韌，再配上煉奶， 甜中一點苦澀， 好好食。