芝加哥串燒酒場

最近同朋友去蘭桂坊玩行過見到有間門口色彩繽紛店舖叫做芝加哥串燒酒場自成一角氣氛環境都很好 一於試吓先！ 入面主打係食串燒同埋飲酒鍾意同朋友傾偈食嘢睇球賽不容錯過用QR code落單，方便快捷 而且佢可以俾你揀咗辣度先人氣雞皮墨魚滑+芝士雞肉串+雞肉軟骨棒加蜜糖雞翼雞皮脆口墨魚滑彈牙 好impressive!送酒一流燒雞皮 呢個個人認為係必食 雞皮，燒到好似薯片咁脆 每一口都好滋味黑松露醬燒牛油果 呢個真係牛油果愛好者嘅至愛 牛油果燒到溶溶地加埋黑松露同埋沙律醬食口感豐富creamy極品即燒乳豬 外皮燒到薄脆 肉質嫩滑不臊 而且有啲香甜嘅叉燒醬汁 估唔到喺呢度都食到高質嘅串燒炭燒豬頸肉外皮燒到好香脆加埋嗰啲油脂香濃彈牙極品紅東升斑柳 魚肉質地結實 充滿魚香油脂 一定要趁熱食！招牌茄子燒 茄子燒到軟綿綿加上大量蒜頭醬汁同吃 又係送酒神器汁燒京蔥串 醬汁香濃甜甜地甜 京蔥爽脆無渣 正炸厚切薯片 熱辣辣卜卜脆最鍾意食薯仔！咖喱魷魚串 唔會燒到老曬咬唔開外脆內軟 鹽燒鮮淮山 好開心喺呢度可以食到鮮淮山 厚切咁燒 外面焦香 入邊甘甜帶清香我哋都點咗sangria 同月桂冠 濁酒pinot Noir Gustave Lorentz Reserve 去襯吓啲串燒個人認為月桂冠 濁酒 的口感及稻米香味重口綿滑 配搭肉類及燒烤料理最佳最後我哋食咗日本一口番薯仔燒 作為甜品番薯仔黃心燒得綿密 ，為呢一餐畫上甜蜜句號下次會再嚟試吓其他款式嘅串燒，而且呢度服務甚佳 也會為我哋介紹串燒值得一讚…查看更多

今晚收工就同朋友去位於蘭桂坊的呢間餐廳，之前去過佢大埔的分店覺得好好食，貪佢又有串燒食又有酒飲🤭極品即燒乳豬+荔枝豚肉串+椒鹽日本黑豚+炭燒豬頸肉 $98個乳豬真係必食👍個皮好脆，肥瘦比例適中。荔枝豚肉串個荔枝的甜同個肉味做到平衡。豬頸肉估唔到好爽口。炭燒牛板腱估唔到肉質超淋，仲有少少肥膏位，好邪惡。蜜糖雞翼甜甜的，好似食緊BBQ時的雞翼咁紙鷂雞皮 佢真係做到好似紙鷂咁，做十字方法穿起佢黎燒，薄得黎又好脆口，一啲都唔油，送酒一流。煙燻和牛牛舌好淋，加埋少少檸檬汁食，好好食。招牌無骨白鱔串燒到個魚皮脆身，魚肉一D都唔腥，最重要係真係無骨。燒明太子多士有兩塊，多士烘到脆身，加上咸咸的明太子醬，好夾。鳳梨燒呢個好甜有驚喜牛油半熟帶子有三粒，帶子燒到半生熟，口感一流。宮崎去骨雞腿雞皮整到香脆，雞肉彈牙。食完咁多肉叫返啲蔬菜食下先，粟米燒同日本一口蕃薯燒，都好好食。CHICAGO LOGO BEER食串燒點可以唔飲啤酒，呢到唔同日子有唔同啤酒做買一送一，大大杯真係抵。CUBA LIBER以RUM做BASE，加上檸檬汁同可樂。NOTHING甜酒加埋菠蘿汁，女士們一定中意，好易入口。…查看更多

[ 芝加哥串燒酒場 ]喺中環收工想搵個地方chill吓，同朋友嚟咗蘭桂坊呢間串燒酒場，唔同日子仲有推出不同啤酒優惠🍻。✿ 極品即燒乳豬+荔枝豚肉卷+椒鹽日本黑豚＋炭燒豬頸肉拼盤 $98✿ 招牌雞皮墨魚滑+芝士雞肉串+雞肉軟骨棒＋蜜糖雞翼拼盤 $89拼盤價錢實惠，而且肉質燒得剛好，入口夠juicy🤤🤤。海鮮✿ 香蒜燒鮮鮑魚 $82✿ 招牌燒法國鵝肝 $82鮑魚夠爽口彈牙，調味十分惹味，送酒一流👍🏻👍🏻鵝肝油脂感滿滿，食落勁滿足❤️。肉類🍖✿ 招牌雞皮墨魚滑卷 $33✿ 牛油果豚肉燒 $28✿ A5 品和牛粒 $128推薦必點雞皮墨魚滑卷，外層雞皮烤得香脆，內裏墨魚滑彈牙，層次豐富😋😋。蔬菜類🥬✿ 玉子燒 $38✿ 黑松露芝士焗雜菌 $53✿ 韮菜燒 $16✿ 新鮮翠肉瓜 $16酒類🍺✿ 麒麟生啤 $99✿ 生力清 $99📌逢星期一麒麟生啤買一送一優惠📌逢星期二生力清買一送一優惠📌嘉士伯全日買一送一優惠總結🫦串燒價錢經濟實惠，而且仲有好多唔同款式選擇，好啱收工嚟飲返杯食吓串燒🤤🍢🍢。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿芝加哥串燒酒場地址：中環榮華里12-14號榮華大廈B座地下L及M號舖電話：9777 7532✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿…查看更多

黎到芝加哥串燒酒場，最啱同朋友CHILL住食串燒飲杯嘢，MENU方面都有好多選擇😎今次我地叫左紙鷂雞皮($19)、豚肉串燒SET($98)、招牌茄子燒($42)、忌廉蟹肉薯餅($26)、招牌珍寶生蠔串($68)、燒肉鬆小貝吐司($19)、蔥燒半殼扇貝($55)、蜜汁燒黑豚肉($42)、汁煮牛舌($22)、炸饅頭($23)、蜜糖雞翼($22)、炭燒左口魚珍珠飯($128)、燒宮崎雞腿扒珍珠飯($88)、Peach Mojito($128)、Pina Colada($128)裝修型格得嚟又唔失親切感，幾有氣氛😉食物陸續送到，非常豐富🤩汁煮牛舌：牛舌煮得夠腍，汁料入晒味，食落去有啲似日式燉牛舌，唔係燒嘅但一樣好食😋燒肉鬆小貝吐司：小貝吐司燒到微脆，面頭鋪滿肉鬆，鹹甜交錯，食落去有啲似 fusion 版嘅港式早餐😄蔥燒半殼扇貝：扇貝新鮮，蔥香味濃，燒得啱啱好，唔會過熟，食落去 juicy 又有鮮味😋蜜汁燒黑豚肉：蜜汁燒得好均勻，黑豚肉油脂分佈靚，食落去甜中帶鹹，肉質嫩滑😋豚肉串燒SET：呢個 combo 有極品即燒乳豬、荔枝豚肉卷、椒鹽日本黑豚、炭燒豬頸肉，真係抵食又精彩！乳豬皮脆肉嫩，荔枝豚肉卷香氣十足，黑豚肉鹹香夠味，豬頸肉就啖啖肉汁，燒得啱啱好，四款口感層次豐富，各具特色😍蜜糖雞翼：雞翼燒得香口，蜜糖味唔會太膩，皮脆肉嫩😋招牌珍寶生蠔串：生蠔夠大隻，燒完之後仲保留到鮮味，配埋特製醬汁，鹹香中帶少少辣😉炸饅頭：外脆內鬆，炸得唔油，配埋煉奶一齊食，甜甜地好有童年回憶😄忌廉蟹肉薯餅：薯餅入面有蟹肉同忌廉，味道creamy得嚟唔膩，啖啖都食到蟹香👍🏻紙鷂雞皮：呢款真係薄得嚟脆得癲，入口即化，鹹香味勁突出，好似食緊炸紙咁，唔油膩，一啖接一啖，幾有驚喜😎招牌茄子燒：茄子燒得好入味，外皮微焦，內裡軟熟，配合埋微辣嘅蔥蒜香味，係素食之選都唔失禮😋炭燒左口魚珍珠飯：左口魚燒得油香好香，魚肉滑溜，配埋珍珠飯一齊食，飯粒煙韌，仲有少少醬汁拌飯😄燒宮崎雞腿扒珍珠飯：雞腿扒厚身 juicy，燒得香口，珍珠飯吸晒雞汁，食落去好滿足🤤Peach Mojito：呢杯cocktail清新得嚟有啲果香，桃味唔會太甜，薄荷味好醒神，飲完即刻 refresh，配串燒一流😎Pina Colada：椰香同菠蘿味好平衡，creamy 得嚟唔膩，飲落去有種度假 feel，係串燒場飲到呢杯真係 bonus😍食左一堆串燒同小食，款款都好有心思，味道唔止夠惹味，價錢合理，環境又舒服，下次再嚟一定要食埋佢其他特色串燒先得🔥🍢補MENU…查看更多

話說Happy Hour同朋友約去中環呢間串燒酒場飲嘢食串燒，聽住輕快的音樂都幾有feel吓。落單是用手機scan QR code，串燒款式有差不多過百款，我們order咗兩個串燒set，加一些串燒以及飲品。先來兩個set，包括有雞皮手打蝦滑、無骨白鱔串、芝士魚糕、燒魚肉燒賣。焦香嘅雞皮包住蝦滑，口感幾彈牙；如果食鱔的話，燒白鱔的肉感都幾豐厚，無骨放心食。另一個set有雞皮墨魚滑、芝士雞肉串、雞軟骨，同埋蜜糖雞翼。我自己幾喜歡個芝士雞肉串，燒烤的雞肉特別香，淋上一層芝士醬，十分creamy。再來用蒜蓉去燒嘅招牌茄子燒、燒韭菜、入口有即融口感嘅炭燒牛板腱、煙燻和牛牛舌，這個如果不是燒太耐會好少少，羊西冷、脆卜卜嘅燒乳豬，肉嫩多汁。海鮮亦order咗少少，彈牙的香蒜燒鮑魚、燒魚卜第一次食，口感有少少特別，煙煙韌韌咁。配番杯Chi Bubble，果味豐富，我自己覺得配串燒幾適合。朋友果杯Sake Highball 則比較清爽，解辣會是不錯的選擇。…查看更多