家賀屋

慶祝情人節揀咗呢間日式餐廳，叫甜品可以有免費畫碟服務，畫得好靚，適合來慶祝。樓底夠高有窗採光，裝修有格調坐得好舒服。有多款套餐選擇，食物質素高質，店員服務亦親切有禮👍🏻叫咗2 款定食另外再加幾款新推介菜式，定食包括海帶味噌湯、田園沙律、海鮮蒸蛋。熱辣辣濃郁味噌湯好暖胃；沙律清新開胃；蒸蛋嫩滑亦有唔少蜆肉好鮮味。🔶竹 壽司定食一共有8貫壽司🍣，刺身食材都好新鮮，仲有特製玉子燒，特別喜歡赤身醬油漬、汁燒海鰻，好食到想encore🤭，主食選配蕎麥麵，麵條Q彈順滑。🔶鹽燒仙台熟成牛舌芯 定食牛舌芯很柔軟，熟成後加上調味令牛舌更滋味，外面燒到焦香裡面粉嫩，食落軟腍有嚼勁，牛味亦濃郁，沾芥辣醬更好食；主食配高野豆腐烏冬，高野豆腐好似海綿咁嘅質地好特別，烏冬清爽嫩滑。🔶黑松露煙燻帆立貝🔶火炙厚切鮟鱇魚肝這2 款新品也很不錯，帆立貝好厚身又鮮甜，加上黑松露食落好香；鮟鱇魚肝口感綿密細膩，入口即化，加上赤醋飯軟糯分明。🔶汁燒免治雞軟骨棒免治雞肉加雞軟骨燒得好香，配上月見醬汁，雙重口感超正！🔶甜品：千層雲呢拿蛋糕預早訂位就可以安排甜品免費畫碟，Chiikawa畫得好靚好可愛😍 千層蛋糕層次分明，加上雲呢拿