影片
更多
2023-11-01
110 瀏覽
🍊 餐廳名稱：The Jang 🐝 味道：8/10環境：8/10整體分數：8/10/💰人均：$150~250———————————————————呢間韓式餐廳已經係第n次幫襯，地理位置方便，價錢上中等啦但勝在每份都好大碟，岩晒一大班朋友share食。一坐低就已經有三款前菜擺咗喺枱到，分別係泡菜，青瓜&芽菜。海鮮泡菜煎餅 💰108餅底煙靭有咬口，泡菜海鮮都好足料！燉牛排骨💰148呢碟好有驚喜，本身都驚呢類牛排骨會好難咬，但點知佢地燉到非常之冧，可以話老人家黎食都無問題，側邊仲有啲韓式年糕，味道亦very good!芝士炒年糕伴拉麵 💰98大大碟嘅芝士炒年糕，再配埋韓式拉麵，呢個組合邊有得輸㗎？4個人share都無問題！醬油蟹 💰208其實食醬油蟹先係我地黎嘅真正目的，因為坊間有啲韓式餐廳想食醬油蟹嘅話係需要預約，但呢間Walk in就可以食到！你會見到佢地將蛋黃放埋蟹蓋上面，方便大家撈埋一齊食。味道上我覺得如果齋食嘅話會比較鹹，所以我都一定會配我碗白飯撈埋一齊晒先過癮！大推！一定要黎試下！
味道：8/10
環境：8/10
整體分數：8/10
/
💰人均：$150~250
———————————————————
呢間韓式餐廳已經係第n次幫襯，地理位置方便，價錢上中等啦但勝在每份都好大碟，岩晒一大班朋友share食。一坐低就已經有三款前菜擺咗喺枱到，分別係泡菜，青瓜&芽菜。
海鮮泡菜煎餅 💰108
餅底煙靭有咬口，泡菜海鮮都好足料！
燉牛排骨💰148
呢碟好有驚喜，本身都驚呢類牛排骨會好難咬，但點知佢地燉到非常之冧，可以話老人家黎食都無問題，側邊仲有啲韓式年糕，味道亦very good!
芝士炒年糕伴拉麵 💰98
大大碟嘅芝士炒年糕，再配埋韓式拉麵，呢個組合邊有得輸㗎？4個人share都無問題！
醬油蟹 💰208
其實食醬油蟹先係我地黎嘅真正目的，因為坊間有啲韓式餐廳想食醬油蟹嘅話係需要預約，但呢間Walk in就可以食到！你會見到佢地將蛋黃放埋蟹蓋上面，方便大家撈埋一齊食。味道上我覺得如果齋食嘅話會比較鹹，所以我都一定會配我碗白飯撈埋一齊晒先過癮！
大推！一定要黎試下！
張貼
