影片
港鐵尖沙咀/尖東站 N4 出口, 步行約1分鐘
繼續閱讀
電話號碼
37978839
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
✐☡ ┈┈┈┈┈┈┈┈┈┈ᡣ𐭩💕 情人節多數都會食扒，今年情人節同米菲轉下新意唔鋸扒，改食The JANG － 「韓式」情人節餐。$588抵食情人節set，已經有齊前菜、主菜、烤肉、飲品，仲有韓式配菜無限添加。[ 韓式前菜四宮格 ] 有生牛肉他他、粟米初雪炸雞、醬油漬油甘魚生魚片、韓式蒜香醬油炸鰻魚。 其中生魚片、同鰻魚好有驚喜，完全食唔到魚腥味，生魚片帶微甜一啲都唔腥，而炸鰻魚炸到好酥香。[ 主食2選1 - 海鲜炸醬麵 ] 嚟到主菜部份有兩個選擇，因為下一味就係烤牛，轉戰海鮮炸醬麵。炸醬麵份量十足，而且有好多海鮮 – 蝦、青口、魷魚等。[ 主食 - 牛肉拼盤 ] 最期待就係呢個牛肉拼盤，一次過可以試晒唔同款式牛肉-牛膈肌、霜降牛肉、菲力牛排，重牛味油香十足，每個部位肉質感唔同，仲有oppa 教路，唔同嘅肉可以配唔同嘅醬汁，提升牛味。[ 精選飲品 ] 飲品叫咗兩杯特飲士多啤梨奶昔、西柚梳打， 兩杯都唔會好甜。[ 海陸空紫菜卷 ] 仲貪心嗌咗個紫菜卷小食，店員話紫菜係即烤，有五款唔同嘅配菜包住嚟食，貪心人士之選。———————————————─ 𝑀𝑜𝑟𝑒 𝐼𝑛𝑓𝑜𝑟𝑚𝑎𝑡𝑖𝑜𝑛 ─📍 The JANG - Pocha & Korean Cuisine(香港) ｜ 香港尖沙咀河內道18號K11購物藝術館1樓107號舖
繼續閱讀
唔知大家決定好情人節食咩未呢😆？ 如果嘅另一半鍾意食韓國菜，我有好推薦！呢個疸戈餐超多嘢，絕對超飽，而且只係$588😝！🍡 韓式前菜四宮格呢個四宮格好有驚喜！裏面有醬油改油甘魚生魚片🍣、粟米初雪炸雞🍗、生牛肉他他🐮、韓式蒜香醬油炸鰻魚🐠，本身以為韓式嘅生肉唔會好好食，結果兩款都好好味😋！仲有炸雞同炸鰻魚都好有特色🥰🍛 主食之後可以揀一個主食，有海鲜炸醬麵或者卡邦尼牛排年糕（+$18），我哋揀咗我一直心心念念嘅炸醬麵😆 呢個麵超級大份，仲有好多大大隻嘅蝦、青口、魷魚等，十分足料🥳🥳🐮 牛肉排盤套餐仲有個牛肉拼盤係燒肉食嘅，裏面有牛膈肌、霜降牛肉、菲力牛排🥩，比晒機會男方展現細心嘅一面、女方展現賢良淑德嘅一面，互相燒肉😝！ 牛肉燒出嚟嫩滑唔韌，幫大家攞滿分！🥤 精選飲品飲品方面我哋叫咗好清新嘅士多啤梨奶昔🍓、西柚梳打🍊～🍙 海陸空紫菜卷 （+$168）大食嘅朋友仲可以選擇唔同嘅add on💕
繼續閱讀
26/10/2024📍The Jang - Pocha & Korean Cuisine呢間餐廳集合咗幾間韓國餐廳嘅野食 所以野食嘅選擇多好多 餐廳入面空間好大 好多位 星期六中午去到都唔洗排隊⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨前菜前菜係可以refill 嘅～款式都唔少 有醃蘿蔔、豆皮、豆芽、泡菜、牛蒡、海帶 算幾有誠意✨豬脊骨湯炒飯其實係泡菜芝士炒飯嚟 仲有紫菜添 雖然好好食 但真係唔知同佢聲稱嘅豬骨湯炒飯有咩關係😂用鐵板上 熱辣辣 連飯焦都出埋嚟 ✨馬場洞脊骨土豆鍋湯底揀咗小辣 🙍🏼♀️都食到 入面有7、8件脊骨 啲肉煮到超腍但有啲柴 幾乎煮到係骨肉分離😂但係冇汁可以點 所以唔係咁夠味配料比得好足 有薯仔、西洋菜、娃娃菜、金菇、蘑菇、豆腐、芽菜、粉絲、即食麵呢啲配料都好索汁 所以好夠味！✨炸雞4件炸雞外皮好厚 大大扣分！有好多款口味揀 我哋揀咗青芥末白郡主+蒜香醬油宜家先知白郡主炸雞係指 加咗乳酪同洋蔥做topping😂食落有啲奇怪 甜嘅乳酪擺係熱嘅炸雞上面 有啲格格不入 仲有最怕嘅生洋蔥🙂↕️下次唔會再揀呢隻味蒜香醬油就正常啦✨鮮奶紅豆冰好大杯 好多紅豆🫘甜度適中 ⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單$427（收加一）我哋食晒真係飽到傻咗 呢個set 應該夠三個人食😂野食味道不過不失 都可以試下嘅推薦指數🌟：3.5/5📍尖沙咀河內道18號K11購物藝術館1樓107號舖
繼續閱讀
這間韓式美食廣場位於尖沙咀的K11 ART MALL，內有五個知名品牌，能一次過品嚐正宗又地道的韓式料理。店內環境寬敞舒適，有壁畫塗鴉及霓虹粒裝飾等充滿韓風，適合多人聚會。韓式前菜前菜可免費無限任添。韓式辣豆腐細嫩柔軟；西蘭花爽身鮮甜；韓式泡菜集酸辣甜好有層次。韓式部隊鍋套餐 - $398韓式部隊鍋採用松炭式部隊鍋風格，陣陣濃郁的韓式泡菜香氣噗鼻而來，兩片芝士慢慢溶化平衡辣度，再加入惹味的大蒜，酸辣得好有層次。一粒粒免治牛肉嫩滑多汁增添肉香、一片片司華力腸外脆內軟，帶有濃郁的豬肉鮮味，又有一條條厚切午餐肉爽滑彈牙。韓式部隊鍋湯底炒飯炒飯充滿著泡菜香氣及半溶化的芝士，富有濃郁的韓式風味。即食麵波浪型的公仔麵非常掛汁，又吸飽部隊鍋的精華，煙煙韌韌充滿彈性。炸雞兩件Nene Chicken王牌炸雞金黃酥脆且毫不油膩，咬開雪白的雞肉嫩滑多汁，可蘸上芝士醬。水果梳打(兩杯)包兩杯無酒精飲品。豐富的碳酸氣泡清爽怡人，又有濃厚的水果香氣。牛油黑松露養生釜飯 - $88傳統韓國飯食之一，粒粒圓潤分明的珍珠米，有牛油增添奶香之餘，又有飄香的黑松露及其他菇菌，再加入香脆的紫菜絲、韓式生蛋，還有木耳絲、南瓜蓉及韓式韭菜等配料，鬆脆鍋巴有些許焦味更具口感。
繼續閱讀
尖沙咀K11 Art Mall 有間餐廳集合咗幾間韓國知名韓食品牌提供多元化的韓國地道美食，呢間餐廳就係「The Jang」，餐廳入面設計幾時尚，有壁畫塗鴉及霓虹粒裝飾等充滿韓風，空間都好大，有唔少坐位，坐得舒服😌。連週末都有不同套餐優惠有韓燒烤肉，韓式火鍋，特選The Jang 二人套餐，真係幾多選擇，梗有一款啱你心水，我就試咗特選The Jang 二人套餐（$318），有兩個主菜，一個小食同兩杯水果梳打，都幾抵食。下單後，店員送上前菜泡菜、醃蘿蔔、豆皮重可以refill添，泡菜同醃蘿蔔都唔錯，我哋都有encore 😬。石鍋拌飯（魷魚）熱辣辣石鍋拌飯上枱，拌飯除咗有魷魚，重有菠菜、冬菇、翠玉瓜、豆芽等等拌菜，撈埋一齊食又幾好味。芫島鮑魚粥 +$15個芫島鮑魚粥都有唔少鮑魚粒粒，足料，個粥調味道幾好。韓式甜辣烤雞 有少少辣的烤雞炸得幾脆，雞肉嫩滑多汁好好味。水果梳打（兩杯）叫咗西柚同杧果梳打，兩款味道清新，滿滿水果香氣。
繼續閱讀