影片
更多
2023-05-23
148 瀏覽
唔好見我呢排成日食鐵板燒就以為我係最鍾意食鐵板燒，其實壽喜燒先係我至愛，近排俾我發現尖沙咀開咗一間新餐廳，專食日本壽喜燒，仲要由資深日籍師傅主理，一定要去試下。餐廳門口比較簡約，但一拉開門就好似走進了一個日本庭院，而座位就有bar枱位同卡位，我就揀咗坐bar枱位，可以近距離睇住師傅即席烹調，格外吸引。午市套餐有三種，分別有伊勢熊和牛壽喜燒、伊勢熊北海道四元豚壽喜燒同阿波酢橘雞壽喜燒。我地就揀咗伊勢熊和牛壽喜燒同伊勢熊北海道四元豚壽喜燒。午市套餐有五道菜，分別有前菜、茶碗蒸、壽喜燒、白飯、漬物同甜品。前菜/漬物有京都豆腐和醋水雲，京都豆腐入口滑溜，醋水雲入口爽口，味道酸酸地，非常開胃。茶碗蒸茶碗蒸入口順滑，裡面有魚蛋同明太子，明太子份量都幾多，明太子嘅鹹鮮味，令味道層次更豐富。伊勢熊北海道四元豚壽喜燒北海道四元豚由日本最佳豬種混種育成，呢個餐會有兩個唔同嘅部位，分別係一片豬腩片同一片肩胛肉，腩肉片脂肪比較豐富，食落香口肥美，而肩胛肉油花較細緻，肉質嫩滑，較有咬口。伊勢熊和牛壽喜燒餐廳選用香川橄欖和牛同京都姬牛，香川橄欖和牛係雄性嘅牛，牛以小豆島橄欖餵飼，吃起來油香滿滿，入口即化。而京都姬
餐廳門口比較簡約，但一拉開門就好似走進了一個日本庭院，而座位就有bar枱位同卡位，我就揀咗坐bar枱位，可以近距離睇住師傅即席烹調，格外吸引。
午市套餐有三種，分別有伊勢熊和牛壽喜燒、伊勢熊北海道四元豚壽喜燒同阿波酢橘雞壽喜燒。我地就揀咗伊勢熊和牛壽喜燒同伊勢熊北海道四元豚壽喜燒。午市套餐有五道菜，分別有前菜、茶碗蒸、壽喜燒、白飯、漬物同甜品。
前菜/漬物
有京都豆腐和醋水雲，京都豆腐入口滑溜，醋水雲入口爽口，味道酸酸地，非常開胃。
茶碗蒸
茶碗蒸入口順滑，裡面有魚蛋同明太子，明太子份量都幾多，明太子嘅鹹鮮味，令味道層次更豐富。
伊勢熊北海道四元豚壽喜燒
北海道四元豚由日本最佳豬種混種育成，呢個餐會有兩個唔同嘅部位，分別係一片豬腩片同一片肩胛肉，腩肉片脂肪比較豐富，食落香口肥美，而肩胛肉油花較細緻，肉質嫩滑，較有咬口。
伊勢熊和牛壽喜燒
餐廳選用香川橄欖和牛同京都姬牛，香川橄欖和牛係雄性嘅牛，牛以小豆島橄欖餵飼，吃起來油香滿滿，入口即化。而京都姬牛係雌性嘅牛，肉質嫩滑而且比較少油脂，蘸上蛋汁入口更嫩滑。
另外配上四款精選醮料，包括有沖繩椒絲、柚子、芥末同意大利松露醬，可以自由配搭出自己喜愛嘅口味，而我就比較鍾意原汁原味。
日本季節蔬菜
蔬菜包括京都豆腐、山形香菇、京都水菜等等，同肉類以梅花間竹方式奉上，可以清清油膩感。
白飯
呢碗其實唔係一碗普通嘅白飯，原來煮嘅時候加入咗昆布，入口會有昆布嘅香氣，最特別係加入咗日本糯米，所以會有黏黏嘅感覺，配上烤紫菜吃，特別滋味。
柚子雪芭
雪芭中有柚子粒粒，令味道更豐富，有這甜品作總結，十分滿足。
張貼
