影片
更多
2024-10-03
189 瀏覽
《🌟推介😋 晴晴港飲港食 #misshcfoodie 》泰國菜唔一定要去九龍城，最近去咗西灣河海旁嘅泰越菜館發現一樣可以食到高質泰菜😚除咗嘢食正之外，呢度嘅cocktail絕對係我會再嚟嘅原因🥂價錢抵飲仲真係有酒精唔係糖水🤭附近環境清幽，呢排天氣開始轉涼🍂食完晚飯仲可以去海邊散吓步都幾寫意◆香茅雞翼 $88 👍呢個雞翼真係好好味，直頭係皮脆肉嫩❤️咬落去陣陣香茅味，一碟6隻令人回味無窮◆炭烤香茅西冷牛肉 $138 👍呢個牛魔王一定要叫！真係好正，本身以為係普通西冷，上菜先見到原來係薄切西冷經炭烤後卷住原條香茅😲食落肉質嫩滑，帶有滿滿嘅肉汁仲好惹味😍配生菜同米粉，想講米粉索晒啲牛肉汁同燒汁，可以再點埋魚露酸汁，真係食唔停口❤️◆串燒沙爹 $138 泰國菜經典沙爹串燒，一次過食到牛雞豬🐮🐷🐤🤤全部燒到啱啱好，熱辣辣之餘仲keep到肉汁而且一啲都唔韌🤗配埋個沙爹花生醬好惹味◆泰式椰菜苗 $108唔係好鍾意食菜但對椰菜苗情有獨鍾🤭爽口又蒜味十足◆Blue Hawaii $68👍顏色夢幻💙💙個base係Rum同Vodka再溝菠蘿汁🍍同檸檬汁，酸酸甜甜好易入口◆Mango Margrita $78◆M
泰國菜唔一定要去九龍城，最近去咗西灣河海旁嘅泰越菜館發現一樣可以食到高質泰菜😚除咗嘢食正之外，呢度嘅cocktail絕對係我會再嚟嘅原因🥂價錢抵飲仲真係有酒精唔係糖水🤭附近環境清幽，呢排天氣開始轉涼🍂食完晚飯仲可以去海邊散吓步都幾寫意
◆香茅雞翼 $88 👍
呢個雞翼真係好好味，直頭係皮脆肉嫩❤️咬落去陣陣香茅味，一碟6隻令人回味無窮
◆炭烤香茅西冷牛肉 $138 👍
呢個牛魔王一定要叫！真係好正，本身以為係普通西冷，上菜先見到原來係薄切西冷經炭烤後卷住原條香茅😲食落肉質嫩滑，帶有滿滿嘅肉汁仲好惹味😍配生菜同米粉，想講米粉索晒啲牛肉汁同燒汁，可以再點埋魚露酸汁，真係食唔停口❤️
◆串燒沙爹 $138
泰國菜經典沙爹串燒，一次過食到牛雞豬🐮🐷🐤🤤全部燒到啱啱好，熱辣辣之餘仲keep到肉汁而且一啲都唔韌🤗配埋個沙爹花生醬好惹味
◆泰式椰菜苗 $108
唔係好鍾意食菜但對椰菜苗情有獨鍾🤭爽口又蒜味十足
◆Blue Hawaii $68👍
顏色夢幻💙💙個base係Rum同Vodka再溝菠蘿汁🍍同檸檬汁，酸酸甜甜好易入口
◆Mango Margrita $78
◆Mint & Basil Specials $78
人均價錢： $400
味道：9/10
環境：8/10
服務：8/10
回頭率：8.5/10
👍=必食
*所有價錢以餐廳為準
#misshcfoodie_港島東
📍 Mint & Basil (鯉景灣)
地址: 西灣河鯉景灣太康街55號蘇豪東A期地下GA04-07號舖
張貼
