爵樂印度餐廳

營業中

休息中

同朋友去尖沙咀食印度咖喱自助餐！超級期待呢一間米芝蓮嘅印度咖喱自助餐呀！真係印度咖喱嘅天花板全部嘢都好好食！前菜有個好得意嘅圈圈原來係羊肉嚟嘅真係非常之有趣又好食！所有前菜都好香口品質keep得好好呀！咖喱有好多唔同嘅品種選擇好似印度馬莎拿雞咖喱，咖喱羊肉，咖喱蝦，菠菜芝士咖喱，鷹嘴豆咖喱！好多款唔同嘅咖喱啊，全部都好好食！好鍾意食咖喱蝦，因為個蝦呢真係好新鮮好好食！芝士菠菜嘅芝士都高鈣又好食！鷹嘴豆都真係好好食呀，又多蛋白質！自助餐範圍係拎咖喱同埋小食而Naan就係當場order嘅～ 我哋叫咗黑松露同埋芝士Naan! 又煙靭又好食，真係第一次食咁好食嘅Naan! 由於我哋兩個唔算好大食，所以兩個味道要一份就已經超級超級飽啦！小食嘅話，仲有一個波波可以加香料，然之後再加埋印度嘅綠色汁一齊食，非常之打卡！小食入邊仲有好開胃嘅燒菠蘿！平衡返油膩感覺，所以我都食咗好多啊！不得不提提有一個超級好食嘅甜品係黃色好似小米糕咁樣跟住係好食到爆炸！非常之好食！然後其他嘅印度甜品都好味！