The Platter (悦品酒店‧荃灣)

營業中

休息中

聖誕節就快到為免同人迫所以提早咗食聖誕餐，見酒店依家開始推出聖誕半自助同自助晚餐，加上正日要返工請唔到假，所以就試咗半自助餐。餐廳場地唔算大但係座位非常寬敞，一大班人聚餐都相當適半自助餐牌主菜六選一，識揀嘅我當然梗係叫日本岩手縣 A5 頂級和牛肉眼扒，而朋友就揀咗燒羊鞍伴松露薯蓉。海鮮有翡翠螺、蝦、青口同蜆，補貨速度好快，侍應見未滿就已經開始補新。另外沙律幾多款式，每款都試咗啲，味道非常好。部位本身都已經好食，再加上仲要係日本 A5 和牛級數，好味程度更加唔使講，成個口腔都充斥住和牛油脂嘅香味。朋友話份量好多請咗我食兩件，通常出面食羊架都係得兩件左右，估唔到有四件而且又大又厚肉，叫咗七成熟，肉質口感軟腍，羊羶味濃郁。