極尚大瀛喜日本料理

營業中

休息中

今日觀塘收早同同事諗住搵嘢食，經過觀塘道見姐姐派傳單，極尚大瀛喜午市時段優惠＄258任食， 仲好似好多嘢食咁， 所以決定上去食呢間。刺身種類非常多 ， 有三文魚、油甘魚、希靈魚、池魚、 北寄貝、八爪魚、北海道帶子 、赤蝦、甜蝦、赤貝等， 三文魚厚切肥美， 象拔蚌爽口鮮甜 ， 仲有松葉蟹腳、磯煮鮑魚， 每樣刺身都好新鮮 ，朋友最鍾意食刺身啱曬佢。我就好鍾意食佢嘅川燒珍寶鮮蠔燒： 鮮蠔嘅外皮烤得恰到好處， 微微焦香， 內裏肉質肥美鮮嫩多汁， 配搭特製嘅香蒜調味， 令人忍唔住一口接一口。黑松露忌廉珍寶虎蝦配蝴蝶粉： 黑松露醬汁香濃， 蝴蝶粉唔會過腍，虎蝦肉質彈牙， 美味。乳鴿都烤得好靚， 外皮焦脆肉質嫩滑， 味道調教得恰到好處唔會過鹹， 送上枱嘅時候熱辣辣超正。另外佢嘅甜品雪糕，種類都好多好吸引，雪糕仲有日本版Häagen-Dazs及movenpick任食， 我都食咗2杯大滿足。