影片
更多
2025-03-31
0 瀏覽
2025年3月12日 星期三聽日早咗喺尖沙咀收工，所以打算喺附近早啲食飯，費事夜啲要排隊等位由於太掛住日本嘅關係，最後選擇咗一間新開張嘅日式壽喜燒餐廳入到去發現餐廳環境十分空曠，可能係因為樓底高嘅關係，完全唔擔心空氣唔流通，而且採光好充足，有落地大玻璃，令人坐得好舒服餐牌主要係提供壽喜燒套餐，有三種唔同嘅肉可以選擇，最後我要咗特選肩胛套餐，再另外追加多一份赤身，店員話一定夠食，因為成個套餐除咗牛肉之外，仲有蔬菜盛合同讚岐烏冬添等左一陣食物就已經黎齊晒，擺滿晒成張枱，十分豐富最吸引眼球當然係牛肉，呢個肩胛部位即時睇得出油脂分布好平均，油花好靚，完全係上等貨色加左油同壽喜燒汁放落個鑊到燒一陣，然後再放牛肉落去燒，香味已經即刻飄出嚟，唔使等好耐已經半熟狀態，可以即刻夾起上嚟放到新鮮嘅蘭王蛋汁點埋一齊食，除咗食到蛋香之外，仲食到濃郁嘅牛肉味，牛肉入口即溶，幸福感即時湧出嚟，食到停唔到口至於追加嘅牛肉赤身雖然油脂冇咁多，但反而更有口感，咬落去牛味更濃，各有千秋套餐仲有提供前菜，分別有蜆肉同青瓜，兩款食物味道都酸酸地，容易入口得黎又開胃，份量一個人岩岩好另外仲有蔬菜盛合同讚岐烏冬，食完牛肉再放蔬菜
聽日早咗喺尖沙咀收工，所以打算喺附近早啲食飯，費事夜啲要排隊等位
由於太掛住日本嘅關係，最後選擇咗一間新開張嘅日式壽喜燒餐廳
入到去發現餐廳環境十分空曠，可能係因為樓底高嘅關係，完全唔擔心空氣唔流通，而且採光好充足，有落地大玻璃，令人坐得好舒服
餐牌主要係提供壽喜燒套餐，有三種唔同嘅肉可以選擇，最後我要咗特選肩胛套餐，再另外追加多一份赤身，店員話一定夠食，因為成個套餐除咗牛肉之外，仲有蔬菜盛合同讚岐烏冬添
等左一陣食物就已經黎齊晒，擺滿晒成張枱，十分豐富
最吸引眼球當然係牛肉，呢個肩胛部位即時睇得出油脂分布好平均，油花好靚，完全係上等貨色
加左油同壽喜燒汁放落個鑊到燒一陣，然後再放牛肉落去燒，香味已經即刻飄出嚟，唔使等好耐已經半熟狀態，可以即刻夾起上嚟
放到新鮮嘅蘭王蛋汁點埋一齊食，除咗食到蛋香之外，仲食到濃郁嘅牛肉味，牛肉入口即溶，幸福感即時湧出嚟，食到停唔到口
至於追加嘅牛肉赤身雖然油脂冇咁多，但反而更有口感，咬落去牛味更濃，各有千秋
套餐仲有提供前菜，分別有蜆肉同青瓜，兩款食物味道都酸酸地，容易入口得黎又開胃，份量一個人岩岩好
另外仲有蔬菜盛合同讚岐烏冬，食完牛肉再放蔬菜落去燒，蔬菜吸收晒牛肉嘅油脂同壽喜燒汁，非常入味，加上本身蔬菜都好新鮮，食落去好爽脆，而烏冬都好有咬口又夠彈牙
最後仲有甜品蕨餅，分別有抹茶同焙茶口味，正好可以解去剛才食物嘅油膩感，作為最後嘅餐點就啱晒
埋單$300有找，食得好滿足，好似去咗一轉日本咁，一定會再幫襯
張貼
