名門私房菜

營業中

休息中

難得一次去到食順德私房菜，就一定要嗌個兩人餐試下啦。今日就嗌咗個商務套餐。 第一道頭盤，就有冰鎮鮑魚燒汁醬。我諗隻鮑魚應該都有四頭，用咗日本酒浸一晚再另上燒汁同辣汁配wasabi，就咁食落都酒味唔會太嗆口，而個汁都較得好夾 第二道，冰燒雞。師傅就用咗海哲、雞絲、青瓜、芋絲同紫薑涼拌製成。食落口感冰涼爽脆加上wasabi，但又有紫薑唔怕太寒涼。不過呢道餸要提早跟餐廳要求 第三道，鮮蟹肉瑤柱焗釀蟹蓋。呢道餸好多餐廳都會有啲cream加芝士做填充，但呢道真材實料，用咗蟹肉、洋蔥、瑤柱再用人手製成。