貊炙

營業中

休息中

貊炙主打韓式燒肉，除咗單點同每日供應既套餐，星期六日既晚市仲有供應韓牛精割品味體驗，廚師會係手推車上表演切牛，同時一邊講解唔同牛既部位。韓牛精割品味體驗 $720/位🌟韓國酒 有三款韓國酒可以揀一款，店員會先介紹各款酒，我地揀咗米酒同柚子酒🌟韓式前菜有5款韓式前菜，泡菜、菠菜、蘿蔔同海帶都可以無限refill，海鮮芽菜就冇得refill🌟稀少韓牛部位（5款）廚師會推住韓牛過黎，會簡單介紹韓牛既部位，再切牛。仲會俾時間你影相打卡。全程都會有店員幫手燒牛肉，會由淡至濃味既次序去食🥩板腱肉 呢個部位比較瘦，肉質會較有咬口🥩翼板肉 肉質軟腍多汁，肉味幾重🥩沙巴當 霜降油花，肉味濃，最後先食呢個部位，都係我地最鐘意食既位🥩肩胛里肌 油脂比例適中，食落唔會太過油脂🥩特級牛小排 油脂豐富，肉質軟嫩🌟韓式小食拼盤小食拼盤每日都唔同，今日係炸薯條同炸年糕，炸年糕脆脆地幾煙靭🌟韓牛脂飯食完燒肉會有個韓牛脂飯，以石頭鍋飯既方式上，底下焦香有飯焦。店員會將韓牛同蛋黃撈勻。調味好香🌟蜂蜜雪糕 +$38最後仲可以加甜品，甜甜既蜂蜜雪糕。