影片
更多
2024-05-03
53 瀏覽
好多人應該都好似我咁好鍾意食燒肉，但覺得要落手燒好唔方便，同埋好容易燒燶，最近俾我搵到一間可以選擇侍應幫手燒嘅韓燒餐廳，服務好好👍而且環境仲好有高級感✨前菜set (免費，任添需加錢)非常豐富，除左平時常有嘅泡菜、蘿蔔乾、芽菜、海帶，最特別係有南瓜蓉，甜甜地、入口即溶，唔錯👍另外爐邊嘅粟米芝士同埋泡菜蛋係可以無限refill，呢個爐受熱能力高，好快就可以食得再refill壺漬大牛肋骨 $388侍應幫我地燒左牛肋骨先，我地order要5成熟，牛肋骨起曬骨，係無骨痴住，啖啖肉嗰隻，肉質好有質感，而且牛味好重，朋友都讚😋 呢道菜特別配上粉紅色嘅喜馬拉雅山鹽，比平時嘅鹽無咁鹹，更加適合燒肉時蘸一級五花肉梅花肉拼盤 $428超級大份量嘅拼盤，有三種唔同嘅切法，做到唔同嘅口感。肥瘦相間，脂肪燒起嘅油味非常香，估唔到豬肉嘅肉質都咁軟嫩，記得配埋芥末醬，好合襯，味道更昇華🤩我地加左$38生菜盤配燒肉一齊食，健康一點🥗辣炒年糕 $98唔算太辣，年糕好煙韌，仲有配埋經典韓國食品魚糕，非常入味😋焦糖布甸 $45好有驚喜，質感好軟綿綿，入口即化，唔會太甜，值得一試🧡芝士蛋糕配雲呢嗱雪糕 $55朋友今個月生日，
好多人應該都好似我咁好鍾意食燒肉，但覺得要落手燒好唔方便，同埋好容易燒燶，最近俾我搵到一間可以選擇侍應幫手燒嘅韓燒餐廳，服務好好👍而且環境仲好有高級感✨
前菜set (免費，任添需加錢)
非常豐富，除左平時常有嘅泡菜、蘿蔔乾、芽菜、海帶，最特別係有南瓜蓉，甜甜地、入口即溶，唔錯👍
另外爐邊嘅粟米芝士同埋泡菜蛋係可以無限refill，呢個爐受熱能力高，好快就可以食得再refill
壺漬大牛肋骨 $388
侍應幫我地燒左牛肋骨先，我地order要5成熟，牛肋骨起曬骨，係無骨痴住，啖啖肉嗰隻，肉質好有質感，而且牛味好重，朋友都讚😋 呢道菜特別配上粉紅色嘅喜馬拉雅山鹽，比平時嘅鹽無咁鹹，更加適合燒肉時蘸
一級五花肉梅花肉拼盤 $428
超級大份量嘅拼盤，有三種唔同嘅切法，做到唔同嘅口感。肥瘦相間，脂肪燒起嘅油味非常香，估唔到豬肉嘅肉質都咁軟嫩，記得配埋芥末醬，好合襯，味道更昇華🤩
我地加左$38生菜盤配燒肉一齊食，健康一點🥗
辣炒年糕 $98
唔算太辣，年糕好煙韌，仲有配埋經典韓國食品魚糕，非常入味😋
焦糖布甸 $45
好有驚喜，質感好軟綿綿，入口即化，唔會太甜，值得一試🧡
芝士蛋糕配雲呢嗱雪糕 $55
朋友今個月生日，餐廳店員係甜品碟上寫左祝福語同埋畫左兩隻好靚嘅卡通人物，畫工都唔錯，如果有朋友生日記得同店員講呀😉
芝士蛋糕質感軟綿，不過不失
荔枝梳打 $42 & 梅子青檸梳打 $42
梳打唔會太甜，燒肉最好都係叫翻杯凍野飲先爽😙
張貼
