유명진의 육미정담 肉味情談

（絕對老實食評）想食韓燒，又見到呢間好多好評。叫咗個700幾蚊嘅dinner set。得件和牛同雞肉係稱得上好食（都係講緊合格水平），其餘嘅五花肉，同牛肉望落去個樣幾吸引，但係又硬又冇肉味，五花肉咁多油分嘅嘢，都可以無肉味。真係可以講係喺香港食到數一數二難食嘅韓燒。要refill前菜要錢，生菜要錢（喺香港食飯，真係呼吸都要錢。）冇嗌嘢飲。兩個人買單最後都要$1000。好食都算，但真係唔好食，真係好失望，大家要三思。同埋攞位必須要輸入你嘅電話號碼，感覺電話即將多幾個scam 電話打黎。…查看更多

之前來吃過幾次午餐， 多數都是吃鍋飯， 覺得質素不錯， 便再去。 今次試晚餐， 叫了一牛肉燒烤拼盤， 再叫了鍋飯和湯。 但很失望， 五款牛肉沒有一款是不堅韌。 試第一款以為是自己沒有好好照顧火侯， 但再試每一款都是好靭。 好失望， 只有放棄不再去。。。。。。。。。。。。。。。食店食物質素最重要。 另外要留意， 如果不叫燒烤食物只有60分鐘堂食時間， 有叫才有90分鐘。 很準時的， 90分鐘會有人來埋單。夠鐘前30分鐘會有溫馨提示的。 …查看更多

去咗九龍城 AIRSIDE 嘅 유명진의 육미정담 肉味情談，試咗佢哋嘅 冬柏名物盛宴套餐 ，真係完全無失望！😍首先一坐底就有多款前菜放喺你眼前🍖 牛肉，豬肉同雞肉全部都係靚料，肉質超嫩，入口爆汁！此外套餐入面仲有大牛骨，「大牛骨」採用牛的肋間部位，油脂豐富，又能吃到骨邊濃郁的牛肉鮮味，是其中一款不能錯過的肉品美食。🥘 最後仲有冷麵或者炸雞🍗比我地選擇，我哋就叫咗炸雞，成個套餐份量十足，四個人share都食唔唒～✨ 店內環境時尚寬敞，好啱打卡！📍 九龍城啟德協調道2號 AIRSIDE 5樓 L506📞 2330 1028👉 網上訂座享85折優惠＋賺Rice Dollars！#韓燒 #九龍城美食 #AIRSIDE #肉味情談 #韓國名廚 #聚餐推介 #香港…查看更多

朋友生日，好彩預先經openrice訂枱，除外叫左個4人燒烤set有85折外，其他主餐牌食物都可享85折。職員話星期一至四係冇限時交枱，所以想坐耐啲傾吓偈嘅人要留意。當時我地7點前已經入座，未滿客前職員仲會幫你燒埋，職員燒嘅時間控制得好好，食材質素都唔錯，樣樣都好食。值得推介係呢度嘅冷盤小碟，5款都好食，每枱只要加$40，就可以無限任fill，抵！另一樣推介就係牛肋骨煲，牛肋骨煮到好入味，韓式甜甜地嘅湯汁撈飯一流，朋友個個都讚好食。…查看更多

近年食過最差嘅餐廳，未試過特登開帳號留負評8點入場，未夠9點就催埋單特別某男店員態度惡劣，聽到生日飯有蛋糕黑面換衫趕收工嘅款餐廳收10點，最尾9點15分左右急住走作為燒肉店chur到咁，食幾千蚊貼錢買難受呢個價錢可以食間質素同態度更好嘅餐廳…查看更多

演唱會睇波前喺啟德唔知食咩，發現Airside有一間高質韓國料理仲要唔一定食燒肉，驚喜見韓式配菜有好味嘅薯仔沙律🥔同醬油秀珍菇🫢❐ 泡菜豬肉湯配白飯 $98⟰泡菜多過湯🥬五花腩厚過豬扒💥⟰湯底濃郁配料完全融入湯中，味道甜酸辣適中，滿足感十足✨絕對係數一數二好味嘅泡菜豬肉湯🙊❐ 燉牛肋骨配白飯 $115⟰牛肋骨肥瘦均勻，咬落去又淋又嫩💦油脂連埋肉香一次過爆出嚟，直情淋到唔黐骨😰⟰ 鍋底有入晒味嘅紅蘿蔔同白蘿蔔，讚！⟰個汁醬油味少少甜個餸飯一流~🍚🍚🍚❐ 海鮮煎蔥餅 $138⟰香脆小燶邊🔥厚切但唔會剩係得粉漿✨香脆可口⟰海鮮同蔥嘅比例分配平均令口感豐富完全唔會覺得滯🤟🏻❐ 韓式牛腱辣拌冷麵 $98⟰整體較遜色，牛腱偏乾🫣⟰味道小辣偏甜，麵質偏腍好易就會滯🫠…查看更多

黎食過幾次，覺得食物質素唔錯，今次特登帶朋友黎慶祝生日🥹我地6點50分行入餐廳，其實入座時間90分鐘，提早30分鐘埋單係好正常亦都好理解。但係神奇既地方係，食左大概半個鐘左右，就有位職員小姐黎同我哋講要截單。我個吓真係黑人問號左😂 啱岩先燒左一碟肉，連生菜都未知夠唔夠食就要截單😓 都算啦，竟然係未夠60分鐘嘅時候，已經行黎叫我埋左張單先。成個食飯體驗係極度差，莫講話係黎同朋友慶祝生日，真係冇下次。呼籲大家唔係鯨吞速度嘅人真係唔好黎食啦，唔係比人趕鴨咁趕😂…查看更多

黎左呢間餐廳3次 因為覺得都幾好食 但係今次會係最後一次因屋企人生日想食韓燒 打左電話去book 7點6人食晚飯 去到餐廳要等15分鐘先俾我地入 入到去一睇 見到係平時我4個人坐開既枱 我地6個大人坐得勁辛苦 如果係walkin 都算 我地係有打去book 你一早如果有講明得4人枱 咁我實唔黎 airside 星期日晚 間間餐廳都要等位 唯有只可以硬食 做生意做到咁 真係唔會再有下次…查看更多

【🔥啟德新蒲點！冬柏韓燒勁正😍】 今次殺入AIRSIDE試吓呢間「冬柏」🔥 真係有驚喜！首先必嗌「是日新鮮魷魚」🦑 彈牙到癲仲帶炭香，海鮮控必mark！「嚴選極長牛舌」真係名不虛傳👅 厚切到成塊牛排咁，咬落爽脆爆肉汁，連食三塊都唔夠喉！ 重頭戲「花卷五花肉2.0」全份上枱嚇親👀 肥瘦相間嘅豚肉，邪惡度爆燈💥 韓式兩大經典「馬鈴薯煎餅」脆到似薯片、「炒粉絲」夠鑊氣仲落足料，完全冇伏！ 甜品控注意‼️「意大利芝士蛋糕」質感輕盈唔漏喉，仲有「焦糖布甸」🍮 面頭脆脆焦糖片撞埋滑溜蛋香，perfect池！ 人均$500左右，坐得舒服🌆 約班friend嚟chill就啱晒～ 唯一缺點：食完會心思思想encore啊！🤣 …查看更多

Airside咁多餐廳揀，今次朋友就揀左食韓燒，係Openrice book位套餐有85折，感覺上幾抵，我哋就一於試吓。一共有兩款肉同埋一款海鮮，我哋今日係有新鮮魷魚，隻魷魚超大隻，燒起嚟有啲海水嘅味道，質感彈牙，好新鮮🦑 其中一款肉係嚴選極長牛舌Omg條牛舌勁長，厚薄都切得啱啱好，店員幫忙剪成一塊塊，燒到微焦香口，口感Q彈又有肉汁，絕對係今晚嘅至愛🥰另一款係豬，花卷五花肉2.0，燒完肥而不膩，絕對值得一試😋小食方面，店員推介嘅韓式馬鈴薯煎餅真心好食，同埋一定要趁熱食，咁樣先夠脆！主食有韓式炒粉絲，炒得好入味，大大碟份量十足👍🏻甜品時間都好有驚喜，有意大利芝士蛋糕同焦糖布甸，鍾意個焦糖布甸，奶味香濃😻…查看更多

啟德AIRSIDE匯集不同菜式餐廳, 而且相連港鐵站, 絕對係gathering好選擇。今晚就同多年冇見嘅舊朋友選擇了這間主打烤肉嘅餐廳, 品嚐了一頓豐富又美味嘅烤肉dinner。入座後, 店員協助加入泡菜爐邊蛋同埋芝士粟米, 呢兩款係免費無限任加, 而其他韓式配料只供一次性, 追加需額外收費。我地點了數款烤物同埋熟食share。【鹽燒新鮮魷魚】HK$110魷魚不能烤太過火, keep到口感爽滑同埋有少少鹽帶出鮮味。【嚴選極長牛舌】HK$188超長厚切牛舌賣相有特色, 烤嘅過程滲出血水, 表面烤至微微金黃, 香口爽滑有肉汁, 牛脂香氣濃郁。【花卷五花肉2.0(全份)】HK$268肥瘦比例平均, 五花肉薄切粉嫩, 每片肉夾起好易散, 所以店員特意於網燒上放咗個鐵板for 烤五花肉, 烤至帶些少焦濃, 入口不會感覺過於油膩, 食到淡淡肉香。【韓式馬鈴薯煎餅】HK$128外層微脆, 不覺半點油, 薯香味十足, 沾上酸甜醬汁更開胃。【韓式炒粉絲】HK$92韓式粉絲熱辣辣, 散發香氣, 粉絲盡索鹹甜汁料, 搭配多款蔬菜絲, 口感豐富。【意大利芝士蛋糕】HK$58蛋糕鬆軟細膩, 散發陣陣Tiramisu而不會有苦澀味。【焦糖布甸】HK$45布甸軟滑, 近乎入口即化, 甜甜地, 超正。食熱辣辣烤肉, 配上冰凍梳打, 降溫又解渴, 兩款同樣果味突出, 清新解膩。【菠蘿梳打】HK$42【青檸梳打】HK$42…查看更多

Airside 近年成了美食集中地，而且交通方便！所以都多左係airside 搵食冬柏係一間主打高質韓式燒肉餐廳另外有驚喜係甜品非常不錯有cafe 級數～～ 同其他韓燒餐廳無異，芝士粟米、泡菜爐邊蛋同韓式前菜都係無限任添～🔸嚴選極長牛舌牛舌一整條超級長，提供鐵板容易handle口感爽脆q彈都幾多汁🔸花卷五花肉2.0（全份）五花肉變成花卷狀態好精緻，用鐵板燒方便唔會痴底肉質鮮嫩Q彈🔸是日新鮮魷魚（鹽燒）大大隻，預先處理好薄片，口感Q彈新鮮～🔸韓式馬鈴薯煎餅比起一般韓式煎餅更愛呢個，薯仔香氣濃郁食落都焦香🔸韓式炒粉絲粉絲份量好多，另有菇、椰菜等一齊炒🔸意大利芝士蛋糕入口即溶仲好香芝士味🔸焦糖布甸香滑有蛋香，焦糖都濃郁梅子青檸梳打 &提子梳打梅子同青檸好夾，咸咸地感覺更爽3個人埋單1070…查看更多

見網上食評不錯，和朋友去試下晚餐。好不幸，幾位飲了梅子青檸梳打的朋友，當晚全部都陸續出現不適：胃痛、肚痾、頭痛甚至發燒。求診後確認為食物中毒😨。翌日隨即致電通知餐廳留意及處理，餐廳表示會向公司反映，叫我等待公司通知後續跟進。可惜，事發至今已一個星期，公司並無任何回應。曾嘗試致電客戶服務部，但長期無人接聽；亦已透過電郵向總公司反映情況，然而並無回音。。。😓😓😓對於餐廳和公司的處理手法，我感到非常失望。希望相關單位能嚴正審視餐廳的食物安全及質素問題，保障顧客的安全及健康，避免類似事件再次發生。各位去之前要三思！🤷🏻‍♀️…查看更多

今日同朋友行經airside，見到冬柏。醒起好耐冇嚟食過，一於係度醫肚啦是日新鮮魷魚 $110魷魚分別有兩隻口味，芝士燒/鹽燒，最後揀咗鹽燒，原條魷魚放係爐入面燒，口感煙韌彈牙嚴選極長牛舌 $188牛舌有四五塊，本身牛舌都比較厚身，所以中間再劃開一刀，方便烤熟，牛舌燒到啱啱好，入口軟淋，加埋泡菜一齊食正好花卷五花肉2.0 $268叫咗一份花卷五花肉，有半份同全份，今次揀咗全份黎食，五花肉整到好似朵花咁，用爐中間嘅鐵板，好快就燒得熟，五花肉肥瘦適中，入口有油脂香韓式馬鈴薯煎餅 $128馬鈴薯煎餅外邊煎到好香脆，薄薄地幾有口感，可以點埋一旁既醬汁，會更香口韓式炒粉絲 $92炒粉絲用料十足，除咗蔬菜、紅蘿蔔，仲加咗牛肉條，口感豐富，食到明顯嘅麻油香味意大利芝士蛋糕 $58芝士蛋糕口感結實，加埋雲呢拿雪糕食就啱啱好焦糖布甸 $45焦糖布甸滑溜香甜青檸檬梳打 $42柚子檸檬梳打 $42梳打口感清新，解膩一流…查看更多

食飯當日我同兩個朋友都係叫咗呢杯梅子青檸梳打，飲完當晚已經開始覺得肚痛，第2日就開始肚屙，頭痛同發燒。 我哋覺得有問題，所以打返電話去餐廳同佢講可能啲梅子有問題，餐廳聽完冇答我哋點樣處理呢個問題，打去客務服務部，冇人接聽，寫電郵都沒有回覆。我唔係想投訴啲乜嘢，我只係想餐廳正視呢個問題，唔希望其他嘅顧客食物中毒。…查看更多