影片
更多
2025-03-23
251 瀏覽
上星期放假又同老婆大人去食好嘢！呢次去食香港比較少有嘅正宗福建菜，仲要喺酒店入面食好鬼高級囉。呢間喺港島香格里拉酒店8樓嘅茗悅原來開咗成年！餐廳入面嘅裝修好新派唔會老土坐得好舒服。一坐低侍應就送咗杯玫瑰花茶過我哋！飲落去好清香仲要冇咖啡因好鬼健康。嘆完杯茶之後行出外面泳池原來旁邊仲有啲戶外嘅枱，鍾意嘆清新空氣嘅朋友可以坐喺呢道食都好舒服。返入餐廳坐低之後揀咗個靚茶嘆我就揀咗宋種單叢！清澈明亮嘅茶色好通透香氣馥郁飲落香醇有天然嘅花香，滋味濃厚潤喉回甘好茶好茶。有茶又點可以冇酒啊！叫咗支Pinot Noir Barda Bodega Chacra Patagonia Argentina2022同朋友一齊嘆吓，呢杯紅酒莓味好香濃口感夠圓潤幾啱配呢晚啲嘢食。人齊就上菜先嚟一個福建特色拼盤，足足有五款特色嘅前菜好豐富啫。先食咗呢個福州老酒醉蟶子！蟶子爽口彈牙夠鮮味好正，但除咗鮮味之外仲會食到朕朕酒香味道做得好細緻。呢個係詠春老醋海蜇凍！凍糕係用花雕同埋紅酒醋嚟整又酸又香好開胃，入面係爽脆嘅海蜇加咗佢口感冇得輸啦。呢個咁精緻嘅係蟹粉蟹肉小金杯好香脆！金杯入面擺滿咗蟹粉同蟹肉，當然好鮮味但仲加咗少少
呢間喺港島香格里拉酒店8樓嘅茗悅原來開咗成年！餐廳入面嘅裝修好新派唔會老土坐得好舒服。
一坐低侍應就送咗杯玫瑰花茶過我哋！飲落去好清香仲要冇咖啡因好鬼健康。
嘆完杯茶之後行出外面泳池原來旁邊仲有啲戶外嘅枱，鍾意嘆清新空氣嘅朋友可以坐喺呢道食都好舒服。
返入餐廳坐低之後揀咗個靚茶嘆我就揀咗宋種單叢！清澈明亮嘅茶色好通透香氣馥郁飲落香醇有天然嘅花香，滋味濃厚潤喉回甘好茶好茶。
有茶又點可以冇酒啊！叫咗支Pinot Noir Barda Bodega Chacra Patagonia Argentina2022同朋友一齊嘆吓，呢杯紅酒莓味好香濃口感夠圓潤幾啱配呢晚啲嘢食。
人齊就上菜先嚟一個福建特色拼盤，足足有五款特色嘅前菜好豐富啫。
先食咗呢個福州老酒醉蟶子！蟶子爽口彈牙夠鮮味好正，但除咗鮮味之外仲會食到朕朕酒香味道做得好細緻。
呢個係詠春老醋海蜇凍！凍糕係用花雕同埋紅酒醋嚟整又酸又香好開胃，入面係爽脆嘅海蜇加咗佢口感冇得輸啦。
呢個咁精緻嘅係蟹粉蟹肉小金杯好香脆！金杯入面擺滿咗蟹粉同蟹肉，當然好鮮味但仲加咗少少辣味嗰下幾過癮喎。
閩南五香卷係傳統嘢嚟不過我就第一次食！腐皮入面包住咗好多爽口嘅馬蹄粒同埋蘿蔔仲有五花腩，淨係睇材料就知道有幾惹味啦。
最後師傅安排咗呢個百香漬金瓜！食落酸酸香香即刻胃口大開。
呢個係廈門風味潤餅送嚟嘅時候好鬼大堆頭勁吸引。
呢盤係潤餅嘅餡料入面有包菜、紅蘿蔔、五花肉、鮮蝦、豬油渣、紫菜同埋花生糖超級無敵勁豐富。
潤餅當然唔少得梗係呢個餅皮啦，好煙韌放耐咗都唔乾有料到。
仲有三個唔同口味嘅醬俾大家點，勁鍾意大蒽整出嚟嘅醬料掃可愛到呢。
潤餅可以自己落手包又可以好似我哋咁叫侍應幫手！我咁論盡梗係交俾專業人士做啦哈哈。
呢個潤餅塞到滿滿嘅餡料咬落去口感勁豐富！煙靭嘅餅皮加埋香口嘅餡料真係好好味，不過食晒呢兩件都幾飽㗎。
帝王蟹肉魚肚羹好鬼足料，個湯羹入面有好多蟹肉同埋魚肚，直頭將個大海吞落肚一樣鮮味強勁。
閩式醬油水煮日本鮮魷原條上枱好鬼有霸氣！師傅用咗好濃郁嘅醬汁嚟煮呢個餸，食落去柔軟彈牙嘅魷魚加埋濃郁嘅醬汁好食到停唔到口。
焦糖洋蔥汁燒A4牛三角整得好焦香！半熟嘅牛肉顏色好粉嫩，香甜嘅焦糖洋蔥味再加少少桔仔汁吊起晒啲肉鮮香，鍾意食牛肉嘅朋友要試呢個呀。
紅糟本地三黃雞個樣鮮紅色好嬌艷！食落去有啲甜甜嘅酒香味道都幾特別，最緊要係雞肉仲係嫩滑多汁勁好食喎。
食咗咁多邪惡嘅嘢梗係要嚟番碟健康嘅蔬菜！朋友好鍾意食青瓜苗餐廳有貨一拍即合叫番碟，口感好清爽嘅青瓜苗食落香甜冇青味真係唔錯好介紹呀。
嚟到呢晚重頭戲單尾嘅飄香紅鱘飯！平時我對羔蟹一啲興趣都冇不過呢度嘅蟹羔竟然做到好似糖心蛋嘅質地，食落去鮮甜又甘香真係好正斗，加埋軟熟嘅糯米真係食得我好滿意。
最後我哋仲有甜品芋泥冰豆花同埋開心果椰蓉卷做飯後甜品！呢碗芋泥冰豆花有好多材料勁豐富，凍嘅豆花食落去好有豆香，配埋綿綿嘅芋泥食落去甜而不膩好唔錯。
開心果椰蓉卷就啱晒開心果粉絲食！咬落去口感好煙靭軟糯入面有好多粒粒嘅開心果仁好夠味。
張貼
