Kyoto Joe (已改名) 查看

老婆幫自己慶生, 搵到呢間位於蘭桂芳嘅高級日本餐廳, 原來裡面有個素食menu。呢個素食menu, 由前菜到卷物、串燒、主食、天婦羅都有。安排上會由餐廳順序逐一送上, 每道菜都好有驚喜, 除咗擺盤充滿心思, 亦相當美味, 食材全屬天然, 沒有製成品類。由於食到天婦羅類已經夠晒, 我哋叫經理唔使安排任何熱盤(即餃子/雜菌/雜菜/炒飯/烏冬), 反而想再食某幾道前菜/卷物同燒物, 就再安排送上。臨走前跟經理Carol傾談, 原來餐廳為呢項素食menu做咗多番研究, 因應不同素食群體, 而作出多次修訂, 佢哋嘅團隊好有心, 堅持保留素食menu, 值得欣賞和支持。最後補充, 呢度環境一絕, 位於23樓, 可飽覽中環風景, 餐廳內係傳統日式裝潢, 而顧客們都彷彿來自上流社會, 如果想約朋友慢慢品嘗日式料理, 絕對推薦。