香江花月 (百誠大廈)

營業中

休息中

一入到門口，已經見到一架好懷舊嘅人力車。入到店內，五十年代嘅懷舊裝修超華麗典雅，以老香港同東京team lab 作靈感，打造咗幾個別出心裁嘅打卡位。卡位嘅牆身仲有好多懷舊電話，影相做背景都超級有型。想可愛嘅又可以入去team lab 的房，有玫瑰花、兔仔等，真係關顧到唔同年齡層同不同喜愛嘅顧客。最意想不到嘅係連火鍋嘅食物都好似藝術品一樣咁靚，真係色香味俱全。我哋今次試咗佢哋嘅招牌火鍋-牛乳玫瑰鍋🌹因為湯底用咗我同細佬仔最鍾意嘅北海道全脂牛乳，配蔬菜高湯、紅肉木瓜同日本玫瑰。小朋友同女仕一定超愛，愈滾愈甜又滋潤。「香江拼」包括牛肉粒、牛白肉、黑柏葉、牛𦟌、牛心椗、牛脷、手切肥牛、安格斯肥牛等。肉片砌成玫瑰花放在環形木盤上，方便挑選食物又夠氣派，打卡一流。「七色餃」🥟亦係一個好有特色嘅選擇。分別有蟹肉黑松露餃、午餐肉粟米餃、金華火腿菜肉餃、蟲草花餃、姬松茸野菌餃、和牛香茜餃、冬菜薺菜餃。飲品方面都相當有特色:🍹鳳琉香 -由鳳梨同薑味汽水沖調而成。鳳梨味的煙燻氣泡超可愛，味道又好夏日解渴。🍹香芳幻椰香蛋白泡沫配紅桑梅、酸奶同菠蘿汁，賣相超夢幻，連細佬仔都一見到就心心眼😍😛仲話好好飲添。