CHUTNEY

香港有唔少印度餐廳，呢間行優雅路線，以金黃色為主調，彷彿置身於印度宮廷一樣，食物當然唔少得多款正宗又特色嘅印度料理，價錢合理，適合打卡，服務態度友善，值得到訪一試！先送上Plain Papad，紅菜頭、芒果菠蘿同薄荷醬，天然醬料，配上脆脆薄餅，正😍 前菜有Raj Kachori，傳統小食，球型雜錦脆餅，香脆又薄身，上面以薄荷酸辣醬、羅望子醬同乳酪醬調味，五顏六色 賣相精緻，切開後有滿滿嘅粒粒生果、薯仔、雞肉等，十分開胃🤤Tandoori Octopus打卡一流，上枱時香味四溢，帶燒烤香氣，咬落爽口彈牙，旁邊仲有甜甜地嘅粒粒粟米！唔洗點薄荷乳酪辣醬都OK～ 蔬菜有Dal Tadkewali，未必個個鍾意，扁豆香口惹味，不過唔建議點薄餅食，因為會蓋過曬啲味😂印度菜必食Butter Chicken，牛油雞咖喱香濃可口，松露乳酪增添口味，入面有好多雞塊，採用黃油雞，又大又嫩，完全唔嚡口，而且好掛汁！Naan嘅話大大力推Truffle Cheese口味，上面鋪滿松露醬，比出面更加濃郁，好正好好味！最後以Passion Fruit Coconut Cake作結，滿足😌