喰楽

營業中

休息中

好耐冇食過壽喜燒了，見呢間餐廳好評都幾多，是日約咗朋友二人一齊試。一黎就上咗一個壽喜燒鍋，入面有西洋菜、娃娃菜、豆腐、菇等，仲有一碗飯同一個生蛋（可以撈入飯度食），另有一個茶碗蒸（幾好味）。我地分別叫咗一碟北海道牛同一碟豚肉（漏咗影）。肉質新鮮，每碟大槪8～10塊，薄片淥幾下就熟，個湯較甜，所以好入味其間侍應會添水同加火，服務冇得輸食完仲有甜品（又漏咗影），係抺茶奶凍，抺茶味好出，唔會太甜。兩個女仔食完已經飽到頂胃，好滿足，值得Encore唯一要講嘅係，餐廳位置不大，得3～4張枱，book定較好。可能係想客人坐得舒服啲，而且內有闊落嘅洗手間，非常貼心