影片
更多
2023-03-02
22 瀏覽
工作關係暫時未去到日本旅行，慳返啲錢梗係要食豪啲啦，網上見呢間餐廳啲評語都係話高質及食材新鮮，所以就決定試下😋，叫咗呢個set👇宴 special menu $1280季節前菜（2款）🥢鱈魚白子白子綿滑有蛋香，像豆腐布甸般軟綿，配合口感清爽如啫喱般的蓴菜以及柚子醋啫喱一齊食，配合不過🥢螢光魷魚螢光魷魚外面爽脆，中間爆膏十足，綿密鮮甜又鹹香，配埋日本薑蓉及蛋黃醬一齊食，增添風味先付🥢日本昆布森真蠔大大隻脹卜卜，爽身鮮甜，肚位微微creamy，淡淡礦物味，蠔味濃兼餘韻悠長； 配上醃製過嘅三文魚籽，鮮鹹卜脆，夾埋偏甜橘子醋，無得輸嘅配搭季節刺身（3款）🥢鯛魚－味比較清淡，但質地爽口又滑溜🥢鰤魚－一片網燒，另一片原味，網燒滲出油脂香味，濃香肥美，原味那片爽滑鮮甜🥢中拖羅－肥美鮮甜嘅中拖配上獨特惹味醃咗三個月嘅辣子蒜頭，再加埋醋醬油一齊食，完全冇油膩感手卷🥢燒右口魚邊身金槍魚腩手卷口感豐富，燒過魚邊油脂豐盈甘香，金槍魚腩蓉鮮甜軟綿，加埋鱈魚脆片，口感特別鐵板燒🥢香草牛油紐西蘭海螯蝦刺身級海螯蝦無加鹽烹煎，新鮮爽彈又鮮甜，而且師傅煎得啱啱好非常juicy🥢宮城縣帆立貝配三文魚籽刺身級帆立貝大粒又厚
宴 special menu $1280
季節前菜（2款）
🥢鱈魚白子
白子綿滑有蛋香，像豆腐布甸般軟綿，配合口感清爽如啫喱般的蓴菜以及柚子醋啫喱一齊食，配合不過
🥢螢光魷魚
螢光魷魚外面爽脆，中間爆膏十足，綿密鮮甜又鹹香，配埋日本薑蓉及蛋黃醬一齊食，增添風味
先付
🥢日本昆布森真蠔
大大隻脹卜卜，爽身鮮甜，肚位微微creamy，淡淡礦物味，蠔味濃兼餘韻悠長；
配上醃製過嘅三文魚籽，鮮鹹卜脆，夾埋偏甜橘子醋，無得輸嘅配搭
季節刺身（3款）
🥢鯛魚－味比較清淡，但質地爽口又滑溜
🥢鰤魚－一片網燒，另一片原味，網燒滲出油脂香味，濃香肥美，原味那片爽滑鮮甜
🥢中拖羅－肥美鮮甜嘅中拖配上獨特惹味醃咗三個月嘅辣子蒜頭，再加埋醋醬油一齊食，完全冇油膩感
手卷
🥢燒右口魚邊身金槍魚腩手卷
口感豐富，燒過魚邊油脂豐盈甘香，金槍魚腩蓉鮮甜軟綿，加埋鱈魚脆片，口感特別
鐵板燒
🥢香草牛油紐西蘭海螯蝦
刺身級海螯蝦無加鹽烹煎，新鮮爽彈又鮮甜，而且師傅煎得啱啱好非常juicy
🥢宮城縣帆立貝配三文魚籽
刺身級帆立貝大粒又厚肉， 爽口彈牙又鮮甜，而醃製過嘅三文魚籽鮮鹹卜脆
🥢法國鵝肝配自家製藍莓醬
鵝肝外面煎得焦香甘脆，裏面粉嫩軟腍，非常juicy；配上自家製藍莓醬，清甜解油膩，再食埋日本黑豆，香甜軟腍又綿密，滋味感覺滿分
Menu裏面可以揀選牛肉或豬肉，我哋當然一人一款share食喇
🥢美國特選牛肉
煎得啱啱好，有肉汁又有口感，配埋洋蔥沙律食更為清爽
🥢西班牙黑毛豬
外面煎得甘香，肉質軟腍得嚟又有咬口感，juicy有肉味，自家製蒜片薄脆香濃脆口
吸物
🥄日本淮山鮮濃魚湯
魚湯味香濃，淮山綿腍
🥢黑松露蟹肉炒飯
用新鮮一粒粒嘅黑松露炒飯，加入份量十足嘅蟹肉，炒起再撈白松露油，香氣四溢，雖然已經飽，不過都停唔到口😛😋
🥢炒雜菜
雜菜上有芝麻及炸蒜嘅脆脆蒜香油非常惹味香口
甜品
🍮抹茶布甸－抹茶味非常濃郁奶味香濃兼且質地幼滑，蕨餅軟滑q彈，黑豆綿腍香甜
🍦海鹽雪糕－濃濃雲呢拿味中有點鹹味，好特別
非常滿足的一餐，餐廳有個露台仔，可以欣賞到維港景色；師傅之間嘅默契非常好，服務非常到位，整個用餐氣氛歡愉
魚堅總評
性價比 5👍
(以5👍為滿分)
張貼
