宴 尖沙咀

紀念日同老公嚟咗呢間餐廳食放題，真係超抵食。由星期日至四任何時間都有85折，一個人先至500++，食足120分鐘。無限任食和牛，松葉蟹，等多種肉類海鮮同埋蔬菜。成個放題套餐食得我哋好滿意，唔單止環境舒服，食物都非常之好食，真係值得嚟試吓。【醬油湯拼豬骨湯】湯底唔止有鹹香味十足嘅醬油湯，仲有豬肉味好濃郁嘅豬骨湯，兩種湯底都有日本地道湯汁嘅味道，味道香噴噴，而且仲非常好飲。【松葉蟹】松葉蟹嘅肉質軟嫩，味道清甜，味道係蟹入面最鮮最好食，食落去感覺好軟滑，令人回味悠長。【三點刺身拼盤】一碟好靚嘅三點刺身，味道係幾咁新鮮，柔嫩鮮美嘅口感，當中最好食係三文魚刺身，口感細膩，鮮香嫩滑。【特上宮崎和牛】宮崎和牛口感緊緻滑順，霜降均勻分佈喺中間，好有獨特嘅牛肉風味，正因為佢嘅品質高級，所以宮崎和牛比起其他肉類價錢比較貴，可以任食宮崎和牛真係好抵啊。【時令野菜拼盤】時令野菜味道鮮美，而且營養豐富，口感都係非常之爽脆，豆腐嘅口感夠晒鬆軟，食落去非常美味。