影片
更多
2023-05-08
36 瀏覽
十年都未去過土瓜灣，去附近食嘢都揀九龍城。如果唔係朋友介紹，都唔知土瓜灣有個咁高質嘅地方。呢間餐廳喺「啟岸巷子」，商場主要係木系裝修再配上日式吊燈，打卡一流，打卡打到又攰又餓就可以入餐廳食嘢抖下。餐廳環境寧靜舒適，下晝飲咖啡傾下偈夠晒chill，夜晚同朋友喺吧枱飲返兩杯又有另一番風味。餐廳職員唔多，不過仍然體貼照顧每位客人需要，滿分10分，我會畀11分。Set Lunch 有：湯/沙律+主菜，升級可以有埋飲品、甜品是日餐湯🥣南瓜蟹肉湯—驚艷之作。口感creamy，每啖都有濃濃嘅甜南瓜味，同埋豐富嘅蟹肉，食得出係真材實料。是日沙律🥗水牛芝士沙律—芝士味道香濃，再配上黑醋沙律油，所以碟沙律唔會太膩亦唔會太寡，係一個醒胃嘅前菜。主菜花甲王雞肉西班牙飯—花甲新鮮又大隻，個飯用唔同香料同醬汁拌製而成。飯嘅硬度偏硬，適合我呢啲鍾意飯係粒顆分明嘅人。Está delicioso！黑胡椒蟹肉培根長通粉—碟上嘅蟹睇住我一啖一啖將佢嘅肉放落口，好想同佢講多謝你犧牲自己，真係好好味。黑胡椒嘅味道偏辣，長通粉嘅醬偏甜，做咗一個中和作用，長通粉口感煙韌，唔會太淋。好食！飲品🍸招牌西班牙水果茶—入面有橙、青蘋果、
餐廳環境寧靜舒適，下晝飲咖啡傾下偈夠晒chill，夜晚同朋友喺吧枱飲返兩杯又有另一番風味。餐廳職員唔多，不過仍然體貼照顧每位客人需要，滿分10分，我會畀11分。
Set Lunch 有：湯/沙律+主菜，升級可以有埋飲品、甜品
是日餐湯🥣
南瓜蟹肉湯—驚艷之作。口感creamy，每啖都有濃濃嘅甜南瓜味，同埋豐富嘅蟹肉，食得出係真材實料。
是日沙律🥗
水牛芝士沙律—芝士味道香濃，再配上黑醋沙律油，所以碟沙律唔會太膩亦唔會太寡，係一個醒胃嘅前菜。
主菜
花甲王雞肉西班牙飯—花甲新鮮又大隻，個飯用唔同香料同醬汁拌製而成。飯嘅硬度偏硬，適合我呢啲鍾意飯係粒顆分明嘅人。Está delicioso！
黑胡椒蟹肉培根長通粉—碟上嘅蟹睇住我一啖一啖將佢嘅肉放落口，好想同佢講多謝你犧牲自己，真係好好味。黑胡椒嘅味道偏辣，長通粉嘅醬偏甜，做咗一個中和作用，長通粉口感煙韌，唔會太淋。好食！
飲品🍸
招牌西班牙水果茶—入面有橙、青蘋果、藍莓，最低有百香果醬，成杯茶好Fresh，而且醒神，最後食埋啲水果，有驚喜，因為原本以為會好酸，點知甜過平時食嘅橙🍊
蜜糖咖啡☕️ —飲咁多年咖啡，恕我孤陋寡聞，從來未試過呢個配搭，平時飲咖啡因為怕肥，所以走糖，宜家知道可以用健康嘅蜜糖代替。飲落唔係得個甜字，真係有蜂蜜味，而且咖啡唔酸，有少少焦澀味，特別嘅嘗試。
是日甜品🍮
自家製日式布丁燒—滑嫩布丁，唔會變咗蒸蛋，一啖食落去可以同時食到雞蛋布丁、蛋糕同焦糖，三種唔同層次。大満足！
去土瓜灣真係有好多好嘢食，唔一定要立食兩餸飯同去酒樓飲茶嘅🌝
張貼
