影片
更多
2023-11-17
154 瀏覽
自從Airside開咗之後啟德食飯多咗好多選擇😆今次同屋企人食好啲，呢間精緻華麗中菜餐廳令我哋食得好滿意👍🏻北奇貝沙薑漬 $128賣相精緻，有乾冰仙氣效果😍北寄貝用咗過橋嘅方法，所以特別爽脆，調味好特別有沙薑嘅香味，但係又唔會遮咗北寄貝嘅鮮味，成個感覺幾清新。下面仲有一啲萵筍絲墊底添。酒盗南非鮑魚 $88/位廚師已經細心將鮑魚切咗片，鮑魚肉質超級柔軟，配上嘅酒盜醬少少酒香加咸香帶起左鮑魚嘅鮮味😋鵝肝流心脆球 $108其實係黑芝麻煎堆仔，裏面包咗幼滑嘅鵝肝醬，外脆內煙靭，再加上甘香嘅鵝肝醬，口感一流👍🏻桔柚黑鱈魚 $288黑醋魚油香豐富，每一件魚外層都煎得金黃香口，裏面係嫩滑充滿油香嘅鱈魚肉，配上酸甜清新嘅桔柚醬汁同埋果肉，感覺清新開胃😋風月西班牙黑豚叉燒 $298店員話係用咗西班牙伊比利亞黑毛豬做嘅，所以肉質會比較鬆軟。果然一放入口叉燒好香有燶邊😍，有適量嘅油香，又有蜜糖嘅甜味，然後係軟稔嘅叉燒肉，勁正！半碟仲有一啲梅嘅果乾，可以清油膩感，勁細心👍🏻墨魚汁燒BB羊鞍 $98/位呢個羊鞍名副其實肉質真係好似BB咁嫩滑，充滿肉汁，有羊味又唔會羶😋配上嘅墨魚汁洋蔥粉雖然味道唔係太突出，但係配
北奇貝沙薑漬 $128
賣相精緻，有乾冰仙氣效果😍北寄貝用咗過橋嘅方法，所以特別爽脆，調味好特別有沙薑嘅香味，但係又唔會遮咗北寄貝嘅鮮味，成個感覺幾清新。下面仲有一啲萵筍絲墊底添。
酒盗南非鮑魚 $88/位
廚師已經細心將鮑魚切咗片，鮑魚肉質超級柔軟，配上嘅酒盜醬少少酒香加咸香帶起左鮑魚嘅鮮味😋
鵝肝流心脆球 $108
其實係黑芝麻煎堆仔，裏面包咗幼滑嘅鵝肝醬，外脆內煙靭，再加上甘香嘅鵝肝醬，口感一流👍🏻
桔柚黑鱈魚 $288
黑醋魚油香豐富，每一件魚外層都煎得金黃香口，裏面係嫩滑充滿油香嘅鱈魚肉，配上酸甜清新嘅桔柚醬汁同埋果肉，感覺清新開胃😋
風月西班牙黑豚叉燒 $298
店員話係用咗西班牙伊比利亞黑毛豬做嘅，所以肉質會比較鬆軟。果然一放入口叉燒好香有燶邊😍，有適量嘅油香，又有蜜糖嘅甜味，然後係軟稔嘅叉燒肉，勁正！半碟仲有一啲梅嘅果乾，可以清油膩感，勁細心👍🏻
墨魚汁燒BB羊鞍 $98/位
呢個羊鞍名副其實肉質真係好似BB咁嫩滑，充滿肉汁，有羊味又唔會羶😋配上嘅墨魚汁洋蔥粉雖然味道唔係太突出，但係配上墊底嘅一啲洋蔥絲已經好好食。
帝王蟹脆米泡飯 $208
呢個泡飯真係極鮮味，佢嘅湯應該係魚湯，奶白奶白色咁樣，然後勁多材料，真係有好多鮮味嘅帝王蟹肉、牛肉碎、絲瓜粒，味道好鮮甜😋食嘅時候可以加入一啲脆米，增加口感，又有米香，真係好加分👍🏻
張貼
