正九清湯腩 (餘慶大廈)

營業中

休息中

今日終於食到佢出名嘅清湯腩同埋牛筋。清湯腩河加配牛丸（$50+$8+$6=$64）：我哋加咗$8轉做崩沙腩。崩沙腩比起一般嘅牛腩林啲滑啲。呢$8都加得值得。湯底望落清得黎有飲落好有牛肉嘅鮮味。另外，我哋以加配價$6加左兩粒牛丸。牛丸彈牙多肉汁，牛味濃郁。牛筋伊麵加配蘿蔔（$42+$4+$6=$52）：牛筋炆嘅時間夠，夠晒林。我加咗$4轉伊麵，伊麵煙煙韌韌，口感唔錯。以加配價$6加咗三舊蘿蔔，蘿蔔清甜，易咬冇根。我哋另外再加左一個炸排骨（$33），排骨唔會好厚粉，炸嘅時間亦啱啱好，入邊仲好有肉汁。我哋下午茶時間嚟，每人消費滿$40，每位客人可免費贈送熱飲（凍飲加$3）或汽水一客。好抵！