影片
更多
2024-04-25
103 瀏覽
【沙田區】【WM Café & Bar】細豬哥係馬鞍山友，而我亦都係沙田柚，大家屯馬線之友約食嘢就方便得多。今次同佢就喺馬鞍山食嘢，呢度出名美食沙漠，不過近年已經多咗好多好嘅餐廳進駐。去到福安嗰頭，都冇乜 idea，居然見到呢間我食過幾次嘅西餐，我覺得唔錯，不如一齊試。一睇就睇中 $198 嘅「WM精選下午茶」，係兩位用嘅，就係嗰啲港女三層下午茶，我哋由底層食起，底層係一個七吋薄餅，我揀咗「意大利辣肉腸薄餅」，幾好食，味道都幾濃，而且都估唔到幾大個幾飽，叫嗰陣都估唔到，所以最後都食唔晒剩咗一片呀。中層係鹹點，有「煙三文魚蟹肉牛油果多士」、「吉列墨魚餅」、「雞尾酒大蝦多士」同「柚子醬炸雞翼」，幾樣都唔錯。頂層係甜點，有「馬卡龍朱古力」、「英式檸檬果醬撻」同「是日精選芝士餅」，啲甜品都唔差嘅，細豬哥特別中意個芝士餅，哈哈。之後試埋 $39 嘅「蜜糖芥末炸雞配牛油酥餅」同 $42 嘅「吉列炸魚柳配薯仔碎蛋沙律」，前者個炸雞幾滑，後者個碎蛋沙律好邪惡。另外，細豬哥叫我一定要寫佢杯加 $28 嘅「芒果百香果青檸特飲」好好飲，我杯加 $20 嘅「奇異果風情」就正常，埋單 $360 唔貴。。。（地址
一睇就睇中 $198 嘅「WM精選下午茶」，係兩位用嘅，就係嗰啲港女三層下午茶，我哋由底層食起，底層係一個七吋薄餅，我揀咗「意大利辣肉腸薄餅」，幾好食，味道都幾濃，而且都估唔到幾大個幾飽，叫嗰陣都估唔到，所以最後都食唔晒剩咗一片呀。
中層係鹹點，有「煙三文魚蟹肉牛油果多士」、「吉列墨魚餅」、「雞尾酒大蝦多士」同「柚子醬炸雞翼」，幾樣都唔錯。頂層係甜點，有「馬卡龍朱古力」、「英式檸檬果醬撻」同「是日精選芝士餅」，啲甜品都唔差嘅，細豬哥特別中意個芝士餅，哈哈。
之後試埋 $39 嘅「蜜糖芥末炸雞配牛油酥餅」同 $42 嘅「吉列炸魚柳配薯仔碎蛋沙律」，前者個炸雞幾滑，後者個碎蛋沙律好邪惡。另外，細豬哥叫我一定要寫佢杯加 $28 嘅「芒果百香果青檸特飲」好好飲，我杯加 $20 嘅「奇異果風情」就正常，埋單 $360 唔貴。。。
（地址：馬鞍山鞍駿街15號雅濤居購物商場地下G01B號舖）
@wmcafebar
呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：
大埔區：1am1361
張貼
