WM Café & Bar (雅濤居購物商場)

營業中

休息中

今日約左朋友在馬鞍山食飯，WM Café & Bar每次都會係我嘅首選。餐廳分店多，區區都有，地點又就腳，價錢又親民。餐廳地方好大，枱同坐位都非常寬落，乾淨又舒服。餐牌選擇種類多，可單叫或散叫，同時亦有幾款套餐。我哋就揀左個超抵食二人套餐 ($288)，套餐包精選餐湯、沙律、主菜、WM自家製蛋糕同熱飲，另外仲叫左款小食。龍蝦湯：味道濃，表面加左忌廉，攪勻佢幾香。前菜：有兩款選擇，我哋叫左煙三文魚凱撒沙律，煙三文魚有三大塊，另外灑上芝士粉就更加鹹鹹香香，麵包糠好脆，沙律菜乾淨，經典之選。烤檸檬雞槌：雞槌烤得金黃脆身，有少少黑椒辣味，仲有檸檬嘅清爽味道，烤得幾好。三文魚籽味噌 • 松葉蟹 • 蟹肉意大利麵：三文魚籽咬落爆汁，鹹鹹地有鮮味。意大利麵內藏蟹肉，醬汁用左味噌，整體好夠味。迷你薄餅：餐廳免費贈送，之前去其他分店試過，次次都唔同，充滿驚喜。黑松露野菌薄餅：薄餅餡料多，餅底好脆口，幾好食。雪糕心太軟 (+$30)：切開有流心，好重黑朱古力味道。而旁邊雪糕都係朱古力味，勁開心，冷熱交溶，食完好滿足。巴斯克芝士蛋糕 (自家製蛋糕)：呢款蛋糕係我至愛，口感厚實，芝士味濃，甜度剛好，唔錯。飲品

西餐十分講究配搭和細節烹調技巧。這次到雅濤居WM Cafe，吃了一餐超傳奇地好食嘅西餐。上桌的龍蝦忌廉湯，龍蝦的鮮甜完全融入其中，每一口都是海洋的饋贈。湯中配料豐富，龍蝦味口感層次分明。 重頭戲來了，三文魚子.味噌松葉蟹.蟹肉意大利麵.簡直是封神之作！濃厚松葉蟹香味充斥你整個味蕾，味道層次分明。三文魚子粒顆飽滿，入口爆汁，松葉蟹肉鮮嫩多汁，肉質緊實，與三文魚子搭配，鮮上加鮮。味噌醬的加入，與海鮮的鮮味完美融合。意大利麵煮得恰到好處，保持了良好的嚼勁，充分吸收了醬汁的味道。是一道值得推薦的創意料理。另外，烤大啡菇野菌芝士意大利飯都做得好出色，大啡菇經過烤制，表面微焦，與野菇的鮮美完美融合。芝士拉絲，濃郁的奶香與菌菇的鮮香交織，讓人回味無窮。整體層次豐富，濃郁而不膩，是菌菇愛好者的不二之選。甜品叫了個心太軟雪糕，雖然心太軟未算做到好流心。可能火喉太多。但味道很不錯，一樣都甜入心

馬鞍山海濱長廊附近🏞️ 有一間抵食西餐🍕💖 套餐價好抵，早餐$40-50🥪☕️、晚餐$70-100🍝🥗 餐廳座位舒服有卡位～🛋️ 閑時嚟食吓真係唔錯🌟1. 日本帶子巴馬火腿卡邦尼煙肉扁意粉 🍝🥢 帶子鮮嫩、巴馬火腿就鹹鹹香香😋 再加上卡邦尼煙肉🍖 多重味道醬汁～都幾匹配🎉2. 焗煙三文魚帶子牛油果意大利飯 🍣🥑 焗煙三文魚、帶子仲有牛油果🏆 整出嚟嘅Risotto好特別✨ 牛油果Risotto好滑順🍚 再搭配三文魚的咸香氣👌3. 提拉米蘇 🍰🍴 平時WMCafe最鍾意食自家製蛋糕🥳 不過今晚已經賣晒😂 所以就轉食呢個方形嘅Tiramisu💕 都係食返自家製蛋糕最好！

🩵墨西哥雞肉芝士烤餅烤餅超級薄身，烤到微脆，中間夾住半溶既芝士同雞肉，再配左牛油果醬同微辣茄醬，點曬兩種汁一齊食，好夾🤤🩵WM焗安格斯牛肉醬芝士千層麵配薯蓉澱粉爆炸，千層麵同薯蓉既份量可能兩個女仔都未必食得曬，面頭仲舖左滿滿既牛肉醬同芝士，超足料！薯蓉焗到好軟棉，牛肉醬同千層麵係好好既配搭～🩵WM雙層安格斯牛肉芝士漢堡漢堡包有焗過，微脆，雙層安格斯牛肉再加炙燒過既芝士，好邪惡😍🩵心太軟配雪糕朱古力味超濃，食到淡淡既香蕉味，幾特別～ 配左朱古力雪糕，雙重朱古力，滿足！

餐廳就係屋企附近，經常都會來食早餐，性價比好高。其實夜晚都Ok架。💪辣味鷄翼個皮炸得幾香脆，味道不會濃🐮焗安格斯牛肉醬芝土千層麵配薯蓉名好邪惡，但其實味道好清淡既，薯蓉又不會有好有牛油味，醬料都好清既味道。🥗三文魚牛油果沙律呢個係健康之選，三文幾好味，牛油果如果甜D就更好。🍫心太軟正常發揮，有流心。🥢WM Café & Bar (雅濤居購物商場) 🌏馬鞍山鞍駿街15號雅濤居購物商場地下G01B號舖

每次入去馬鞍山都會去馬鞍山鞍駿街15號雅濤居購物商場地下MW Cafe & Bar 食嘢。喜歡呢間餐廳座位非常闊落又舒服。食物多選擇。今次晚餐就叫咗：✅意式辣肉腸薄餅$108薄餅焗得，非常熱辣辣，好味。✅青蘋果牛油果醬雞肉沙律$98滿滿一大碟沙律，鋪滿牛油果及新鮮青蘋果🍏✅小食拼盤$148小食拼盤非常之豐富😍包括：雞翼、炸蝦、炸洋蔥、炸薯條，意式炸肉丸及吉列墨魚餅粒。每樣食物都炸得非常之香脆。地址：馬鞍山鞍駿街15號雅濤居購物商場地下

收工番屋企附搵食 行到雅濤居星期六日啲時間經過好多次都要排隊 所以一路無試過 今晚就單叫A La Carte🐥炸雞翼6件（德州香辣味）新鮮炸起 皮脆肉嫩 仲好juicy加咗辣粉夠惹味🐮焗安格斯牛肉醬芝土千層麵配薯蓉好邪惡嘅lasagna 🤭 每𢳂一吓 都拉晒絲好香芝士味 如果一個女仔食 食完呢個已經飽晒 份量頗大🐷美式豬仔骨(半份）配田園沙律 薯條其中加咗38蚊轉套餐🦪吉列炸蠔 有2粒炸蠔 🥗沙律清新 有西柚喺面頭👍🏻🦞龍蝦湯 平時出面餐廳升級做龍蝦湯要另外加錢呢度唔使 正呀喂豬仔骨半份都好大條骨 切到3大條肉出嚟肉質嫩滑

網上見食評評價好似幾好，今日12點黎到同屋企人3大1BB，先叫住兩個餐，包湯同飲品。叫左一個忌廉龍蝦湯，一個是日餐湯雜菜湯，仲有2塊硬多士，唔熱，感覺似隔夜面包。一上枱忌廉龍蝦湯全凍，雜菜湯係暖。 之後佢再俾個龍蝦湯我，一飲就知道係叮返熱，因為有D仲係凍有D又熱，好難飲，個下已經好失望，好彩食物嚟到都唔錯。紐西蘭炸魚柳川忌廉芝士漢堡配薯條 $72芝士唔係溶嘅，似係炸完個魚柳，之後放塊芝士生菜上去，味道一般般三文魚籽忌廉明太子煙三文魚孖辮粉 $68 俾人食左D先影相😂最好食就係呢個，夠creamy夠熱。最後，因為屋企人有事，所以食完兩個餐就走啦

今日同朋友去馬鞍山交收🚶‍♂️，行過呢間餐廳🍽️，被佢套餐吸引。黑松露忌廉雜菌意粉套餐$78🍄。+$26芝士白汁焗西蘭花🥦+$2西柚蜂蜜綠茶🍵+$28自家製心太軟🍫。套餐有巴馬火腿田園沙律🥗，唔好睇餐廳細細，提供食物都好講究👍。淨係睇呢個沙律有parma ham，西柚🍊。真係要畀個like👍。套餐都可以揀龍蝦湯🦞。意粉大大碟🍝，醬汁好creamy，黑松露好香🖤🍄。雖然心太軟不是流心，但是做到外脆內軟，有香濃朱古力味，又不太甜🍫。今日做嘢太攰😩，嗌咗個$198澳洲焗豬安慰勞下自己🦘🐷。+$38轉餐有餐湯🍲、沙律和餐飲🥤。今餐真係食得飽飽大滿足😋。餐廳環境清雅闊落🏡，CP值很高，值得推介👍。

如果想喺馬鞍山搵一間性價比高嘅西餐，我會介紹呢一間😋唔係第一次食，每次嚟都心思思想食唔同嘅嘢，今次試咗兩款主食🙌🏻日本魷魚筒蒜香墨汁扁意粉❤️原本我好怕食墨汁意粉，因為食相唔好，你明㗎啦😂😂😂但原來墨汁意粉係咁好食，仲要呢間嘅魷魚真係好大件，配合蒜香，出奇夾🙌🏻🙌🏻烤大啡菇惹菌芝士意大利飯❤️呢間嘅意大利飯好特別，賣相好似好腍，但食落去出奇又爽口嘅感覺，而且芝士味濃，芝士控可以一試另外佢加$38有套餐：包括：吉列炸蠔、餐湯、沙律同一杯嘢飲，都幾值回票價👍佢啲小食都好大件，三五知己嚟到呢度聚吓都幾正❤️🙌🏻❤️WM Cafe & BAR

今日同朋友黎到呢間位於馬鞍山雅濤居附近的一間西餐廳食晚餐。餐廳環境舒適，卡位私人度高適合同朋友傾計暢談。呢度食物選擇豐富，如叫主食可+＄38轉套餐包湯，小食及飲品。忌廉龍蝦湯🦞🍲湯好滑身，味道香濃，開胃！吉列炸蠔🔥🦪炸得剛剛好，熱辣辣又香脆。凍西柚蜂蜜綠茶🍊🧋生津解渴又不太甜，岩我！日本帶子明太子扁意粉🍝帶子好大粒🤩，食落有爽口彈牙又唔靭，厚滑嘅明太子醬汁好creamy，扁意粉煮得好好軟硬適中👍，好食。烤澳洲豬鞍扒配時令蔬菜及薯蓉 🔥🐷🔥有驚喜，豬鞍扒烤到金黃色剛剛好，極有厚度又一點都不鞋口，肉質軟腍, 配上燒汁很惹味😋，配菜係西蘭花🥦同蕃茄仔🍅，味道都唔錯，一點都不馬虎。地址：WM Cafe & Bar （馬鞍山鞍駿街15號雅濤居購物商場地下G01B號舖）@chillchill_aloye#馬鞍山美食#豬鞍架#西餐#美食推薦 #朋友聚會#食好西#hkfood#香港美食#foodiehk #foodpics #hkfood #foodstagram #foodie #hkig #igers #foodblogger #foodislife #hkfoodie #hkigdaily #h

好友約我食晚餐，我地去左位於馬鞍山鞍駿街15號雅濤居購物商場地下G01B 號舖的 WM Cafe and Bar ，環境舒適，坐得舒服。我點左個 日本帶子明太子扁意粉 $158，好友點左個 烤大啡菇野菌芝士意大利飯 $128，兩個主菜都加 $38 轉套餐跟龍蝦餐湯、吉列炸蠔及廚房沙律，餐飲係 熱奶茶，凍西柚蜂蜜綠茶。整體黎講係高質素的菜色，主要係上檯時熱辣辣，尤其是冬天的氣温，好容易凍左就唔好味道又唔好食。日本帶子明太子扁意粉賣相不錯，有3隻香口的日本帶子，扁意粉軟硬適中又好食；大啡菇烤得味道香濃又有汁，意大利飯軟腍好食；吉列炸蠔好香脆好味。

食哂圖中 餐湯、前菜、主菜、蛋糕、飲品都只係$288！有追開我 為食羊 食評就知道我係WM cafe fans～今次臨近聖誕節 再食馬鞍山WM已經充滿聖誕氣氛啦～🎄☃️燈飾和裝飾品 令人彷彿置身於節日仙境～二人套餐$288內容包括兩份精選餐湯、WM自家製Cake及熱茶前菜-煙三文魚凱撒沙律🥗新鮮的煙三文魚與爽脆的生菜搭配，淋上特製的凱撒醬主菜🍣三文魚籽味噌松葉蟹與蟹肉意大利麵三文魚籽鮮美, 松葉蟹肉清甜意大利麵的口感滑順🍄‍🟫烤大啡菇的野菌芝士意大利飯大啡菇咬落 有汁 芝士的濃郁和香菇的香氣交織～飯不是正宗Risotto偏硬但卻剛好 迎合香港人口味WM自家製Cake巴斯克蛋糕 -必食！ 偏流質的蛋糕質地，入口即融！草莓🍓cake- 有淡淡草莓香 ～真材實料、厚實質地

睇完戲之後想找些食。但一個人不知道可以食什麼。呢排股市樓市暢旺。搵間貴小小有氣氛餐廳。獎勵下自己個胃。**牛油果沙冰**沙冰的質地細膩，入口即化，牛油果的天然香氣與清新的口感讓人感到無比舒適。這道沙冰的甜度恰到好處，沒有過於甜膩的感覺，反而讓人感受到牛油果的清新&健康。搭配的薄荷葉增添了一絲清香，讓整道甜品更加清爽，特別適合在炎熱的夏季享用。**雙層安格斯牛肉芝士漢堡**漢堡的外觀豐滿，兩層厚實的安格斯牛肉餅搭配融化的芝士，讓人一見就忍不住想要品嚐。牛肉的肉質鮮嫩多汁，咬下去時肉汁四溢，與芝士的濃郁相互融合，形成了絕妙的口感。漢堡的麵包外脆內軟，完美包裹住內餡，讓每一口都充滿了滿足感。搭配的生菜和番茄，增添了清新的口感，讓整道漢堡不會過於油膩，平衡了味道的層次。

今日約咗朋友去佢屋企樓下的WM Cafe食晚飯。呢間位於馬鞍山嘅wm cafe 座位安排好闊落，大門有個開放式bar枱，對於渣車嘅客人黎講好方便。主餐單唔算貴，套餐更係超值，所以我哋揀咗2人餐，貪佢夠丰富。首先係忌廉龍蝦湯，味道濃郁，配上香滑嘅忌廉，飲落去好滿意。前菜系煙三文魚凱撒沙律，搭配新鮮嘅沙律菜，口感清新。黑松露雜菌薄餅，薄餅底夠薄脆，雜菌同松露味道融合得好好。三文魚籽味噌松葉蟹配蟹肉意粉，意粉煮得剛剛好，蟹肉鮮甜，味噌醬提升咗整道菜嘅層次，好味。甜品方面，我哋揀咗雪糕配心太軟同巴斯克芝士餅。雪糕滑溜溜，加埋心太軟嘅香甜，一冷一熱搭配無懈可擊。巴斯克芝士餅唔會過甜，份量剛剛好，不錯。服務方面，店員都幾友善，尤其是帶眼鏡嗰位小哥，態度親切，令用餐感覺良好。