咖吔

營業中

休息中

去到沙田中心，試吓呢間咖吔，食新加坡菜。海南雞飯拼白胡椒肉骨茶。海南雞配三款醬汁，雞肉肉質滑溜。白胡椒肉骨茶，條骨好大條，胡椒味都重，所以都幾辣，我鐘意食辣，所以冇問題。馬來炒貴刁（附加辣粉在碟邊，可以撈埋麵條一齊食）貴刁係用河粉溝麵條黎炒，有個青檸仔，將佢啲酸汁同辣粉拌勻，麵條更入味好食，煎過嘅大蝦好野味。香芒大蝦米紙卷（附上一碟芒果汁）米紙卷內有大蝦、芒果、紅蘿蔔絲、青瓜絲、紫椰菜絲，米紙卷薄片捲埋材料，沾上芒果汁，清新爽脆。海鹽雪糕椰汁珍多冰海鹽雪糕好味，食埋下面嗰啲椰汁珍多冰。