咖吔

營業中

休息中

【沙田區】【kaya咖吔】同大家提及過我係沙田友，早排同個朋友喺返沙田做兩日義工，上次我哋就食咗瀝源邨嘅某間老牌餐廳，今次我哋就嚟到新裝修嘅好運中心搵嘢食。但係好可惜，我哋真係唔係好搵到邊間真係好想食，退而求其次之下，就邊間有位食邊間，咁就入咗去呢間喇。就咁講呢間我都好耐冇講過佢哋嘅分店，之前將軍澳嗰篇都成年幾兩年前，所以而家食吓都啱嘅。朋友食咗個 $68 嘅「馬來烤雞配油飯」，加 $3 配熱「手工拉茶」，佢就話都幾一般，本身我都有啲想叫呢個覺得會好食，估唔到朋友只係打出一般嘅評價。我自己就穩穩陣陣叫個 $75 嘅「海南雞飯」，加 $6 飲凍「白咖啡」，畢竟海南雞飯真係好穩陣，我又覺得冇乜嘢。不過又咁講，又真係算唔上好食，平庸之至。埋單仲要收加一，夾埋 $167，你問我有冇下次我真係唔肯定，可能又係呢啲有位就入嘅情況囉。。。（地址：沙田橫壆街1-15號好運中心3樓3008-3009號舖）呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：西貢區：1am0814#1amfoodie #foodie #hkfoodie #thatfoo

放工喺沙田搵野食見到有間食新加坡菜嘅餐廳叫咖吔又未試過就試一次啦✨海南雞飯🐔上菜時見到雞肉份量好多，有兩層👍🏻而且仲去埋骨雞皮好滑，包住好嫩口同埋好滑嘅雞肉🍗雞肉食落軟熟唔硬冇起絲油飯食落明顯調過味🍚🍚雖然係油飯，但食落唔油膩，粒粒分明而且飯量充足好慷慨湯似係冬瓜湯🍵🥒飲落清甜唔鹹飲完都唔口渴汁有三款有海南雞甜豉油，沙薑，甜酸辣醬🌶️🧄🧂完全感受到餐廳誠意可以俾食客試哂幾個唔同醬汁🤟🏻✨檳城和牛蝦麵🐮🥩🦐碗麵好大碗🍜材料都放哂喺碗面一目了然和牛有三大塊🥩🥩🥩每塊都啖啖肉仲好重牛味蝦食落唔霉🦐唔係預先整定碗內仲有三粒牛丸同埋四件豆卜豆卜好掛湯牛丸食落好重油味🍢似係牛筋丸麵底好均真咁有兩個麵底🍜🍜米粉同埋油渣麵湯底好鮮好重海鮮蝦味飲落唔鹹唔口渴👍🏻✨古法脆皮雞卷🐔🍗🌮雞卷有八件似係即整唔好預製因為食落熱辣辣🔥雞皮好薄好脆食落雞肉好嫩多汁💦💦個雞卷配埋個沙茶醬，少辣🌶️食雞卷點埋個醬真係好夾好惹味🤟🏻餐廳內部闊落牆身裝飾行大自然風侍應好attentive👍🏻對食客親切有禮上菜時會講菜式名稱同埋會好有心咁放喺食客面前👍🏻👍🏻服務一流，加一絕對抵俾🤟🏻

沙田呢間餐廳嘅新加坡菜味道正宗，尤其喇沙足料抵食，值得再次幫襯！🌟新加坡喇沙 $88呢碗喇沙湯底有非常濃郁嘅咖喱椰奶味，微辣帶甜，米粉同油麵非常掛汁，配料仲有鮮蝦、豆卜、半熟蛋、魚旦、魚片、炸洋蔥，口感豐富，風味十足！🌟海南雞飯 $88雞肉滑嫩多汁，皮爽肉嫩，油飯香氣撲鼻，搭配薑蓉、辣椒醬和黑醬油，簡單卻超美味！ 跟餐仲配左冬瓜湯。🌟斑斕咖央多士 $36酥脆的烤吐司夾著香甜斑斕咖央醬和冰涼牛油，冷熱交融，甜而不膩。🌟凍手工拉茶 $28奶茶味道濃郁香甜，香醇嘅紅茶加入煉奶令口感更順滑🌟桔仔話梅水 $32桔仔嘅清甜酸香加上話梅嘅鹹甜滋味，可以解喝同減低油膩感😬

放假同屋企人食下午茶，突然諗起一間，所以就入左去食，味道都唔錯，性價比好高海南雞飯嫩滑的雞肉配上香氣四溢的油飯飯著稱。雞肉煮得恰到好，搭配特製的醬油和辣椒醬，好 match 馬來炒貴勺炒得好有鑊氣，用咗河粉+粗麵撈埋啲海鮮一齊炒，再配上青檸同埋辣椒，口感豐富。班蘭咖央多士多士外脆內軟，香甜可口，而且做得好薄身，班蘭醬與牛油的好配搭街頭雞串燒串燒肉質鮮嫩，經過炭火烤制後，外焦內嫩，搭配特製醬料，味道十分誘人新加坡鹹蛋黃魚皮鹹蛋黃魚皮酥脆可口，味道濃郁。鹹蛋黃的香氣和魚皮的脆感形成絕妙搭配椰子班蘭冰椰子班蘭冰口感清涼，班蘭的香甜與椰子的濃郁完美結合，讓人仿佛置身處熱帶海灘馬來芒果汁配芒果雪糕芒果汁搭配滑順的芒果雪糕，讓人感受雙重芒果極致風味，適合夏天飲用

今日又嚟沙田同媽媽食下午餐，我地每人叫咗份下午茶餐，用優惠價加購特飲，另外叫咗東南亞薈萃系列嘅炭烤豬脾骨試吓～🐷炭烤豬脾骨 $128有4支豬脾骨，算多肉食，唔會嚡口，搭配酸酸辣辣嘅醬汁食，惹味開胃。🍗鹹蛋黃單骨雞翼6件 $56雞翼係細隻size，炸得酥脆可口，外皮裹滿香濃嘅鹹蛋醬，帶有濃郁嘅咸香味道。🐤串燒拼盤 $65拼盤分別有燒雞肉串、燒蝦串同燒魷魚串。雞肉串燒到外脆內嫩，配微辣嘅叄巴醬食，幾惹味。蝦串已經剝好殼，食起上嚟好方便。魷魚爽口彈牙，味道同蝦串一樣帶有甜味。🍹海鹽雪糕椰汁珍多冰 +$12椰汁味香濃，裏面嘅綠色粉條煮得夠腍身，配上甜中帶咸味嘅海鹽雪糕，配搭幾特別。🍹馬來芒果汁配芒果雪糕 +$12香甜嘅芒果汁配上冰涼嘅芒果雪糕，可以當做飯後甜品添阿！📍 咖吔 (沙田)沙田橫壆街1-15號好運中心3樓3008-3009號舖

今天和女朋友經過沙田，特地去試下咖吔。我點了佢既限時推介椰子雞湯和一杯馬來拉茶。等了差不多20分鐘，吹左兩次，終於上菜了，但發覺椰子雞湯的份量真的有點少，讓人有點失望。不過，湯既味道幾香，椰子味重，配上雞肉都不錯，就係份量少左D，同埋等得比較耐。至於馬來拉茶，味道普通，不過不失，喝起來幾順口。總體來說，這次體驗有好有壞，希望下次能改善一下服務和份量！

沙田不止有新城市廣場，毗鄰相連的好運中心、沙田中心中央一帶，都開滿不少抵食又好味的餐廳，其中這間新加坡菜就是一大選擇！新加坡喇沙摻摻 $88這碗麵大碗又足料，都是$88咋！豆卜已經吸盡喇沙香濃的咖喱椰奶味，加上蝦、魚蛋、魚板、紫洋蔥等多種配料，非常豐富！摻摻混合油麵和米粉，感覺地道正宗！娘惹椰子雞湯 $133今天11度，應該是夏天到來前最後一個寒冷的天氣吧？當然要抓緊冬天的尾巴，飲碗熱騰騰的雞湯補一補身！睇照片已經知道，雞油溢出，湯汁充滿濃郁的雞味，而雞件也頗滑嫩，加$20配白飯，又可成為湯飯！香茅鮮橙茶 $32吃濃味的喇沙麵，當然需要來一杯清新的水果茶，鮮橙香甜，香茅清爽，還有淡淡苦澀茶味，配搭一流！馬來拉茶 $28入口醇滑，浮現淡淡的紅茶味，與港式奶茶相比各有特色。

假日路經沙田附近，搜尋大型連鎖以外的茶餐廳選擇，眼見咖吔有星馬菜選擇，價錢$70以內，不妨一試。剛好正值靜場時段，員工禮貌、招呼語句做足，感覺到是經過用心訓練；餐廳環境整潔企理，坐得舒服，茶餐時段俾客嘅應有感覺都齊備，值得一讚。記得之前嚟食過海南雞、喇沙兩款招牌菜，今次就試檳城蝦麵配馬來拉茶，測試有無驚喜。檳城蝦麵 - 外觀吸引，蝦湯濃度唔夠，較為失色。蝦同其他配料只屬正常發揮，吸了淡味湯後，沒有給予到我任何記憶點要再次返嚟食。馬來拉茶 - 口痕想飲凍野而選擇了少甜，試出茶味都係偏淡，飲熱嘅可能會比較適合。因味道關係，$70埋單感覺略貴。原先打算嚟個濃味茶餐配合假期，豈料最終失望收場，下次都係揀返招牌菜開心啲。

環境好適合傾計，卡位坐得好舒服，下午茶時段唔多人。首先試咗「馬來炒貴刁」，炒貴刁嘅味道香濃，蝦都幾大隻，仲有香腸 豬肉都炒得恰到好處，配上少少辣味同青瓜芽菜蕃茄仔，口感十足，非常開胃。接住嚟嘅「牛油果五色米紙卷」，佢係一款素食。色彩繽紛，內裡包住新鮮嘅牛油果、蔬菜紅蘿蔔口感清新，適合夏天食，搭配特製嘅醬汁，令人一試難忘。「參峇蟹肉配炸饅頭」就更加令人驚喜，蟹肉鮮甜，佐以獨特嘅參峇醬，味道獨特，炸饅頭外脆內軟，沾住蟹肉一齊食，真係好味得不得了。飲品方面，「熱桔仔話梅水」係必試，酸酸甜甜，清爽解膩，喺炎熱嘅天氣中飲上一口，真係無得輸。而「海鹽雪糕椰汁」，融合咗海鹽同椰汁嘅香滑，甜而不膩，令人回味無窮。咖吔新加坡菜嘅菜式多樣，下次有興趣試吓佢喇沙。

啱啱喺星加坡返嚟對於星馬泰菜念念不忘, 就同朋友嚟咗沙田呢間口碑相當唔錯嘅餐廳. 門面睇到裝修幾靚, 餐牌都落足心機.一嚟就俾個海南雞飯拼喇沙餐吸引咗, 一次過可以滿足晒兩個願望, 呢個idea非常之好👍 另外仲有心心念念嘅馬來炒貴刁~ 海南雞嫩滑, 雞油豐富. Laksa 細細碗, 對於我食開小辣嚟講, 湯底個人認為偏辣, 不過都好惹味. 椰汁味重, 呢個配搭無可挑剔. 炒貴刁配料豐富: 臘腸，魷魚, 燒鴨絲通通都有, 鑊氣十足. 飲啖香茅青檸荔枝梳打直頭爽呀!

沙田的咖吔 餐牌似曾熟悉 感覺上似連鎖集團食物質素 同 服務比到驚喜我👏🏻馬來炒貴刁的鍋氣真的很足！裡面有廣式臘腸、蝦、魷魚等海鮮，配料豐富，整體是微微辣棵條與河粉撈埋一齊炒 一口吃落 雙重口感馬來咖哩牛腩煲牛腩口感Q彈爽滑，還有一股濃濃的椰香（混合著咖哩的香味）美中不中的是 要額外加配白飯（+$15）配上飯又真的越吃越香！參峇醬燒豬頸肉必叫！燒得好香口！豬頸肉爽口又啖啖肉，配合惹味醬汁，食到停唔到口～餐牌仲有好多不同的套餐拼搭，有二人餐、4人餐等，亦有信用卡聯乘優惠嘅套餐，仲有一款合你心意!

沙田好運中心，有間門面光鮮的東南亞菜，裝修大體，坐得舒適，連老人家小朋友的我，不再多想，就立即決定就這間了！味道唔錯，欣賞上菜速度快，職員態度又好，食完會先幫手執拾，而又不會暗示要你快走，體驗不錯👍海南雞飯 雞肉很嫩 給我的雞皮佔得不多 正合我意雞油米飯很好吃 這個上菜感覺只需5分鐘😂連冬瓜湯解暑香葉蟹肉辣肉碎伴脆脆球這個是很多打卡的推介～有點像融合了印度的那個瑪莎拉脆球［偷笑］。當然，廣東人不會用那個酸臭的瑪莎拉來搭配。這是一款融合東南亞菜，用的泰式九層塔打拋肉，同時搭配一款東南亞風味的解膩酸汁。少辣又惹味，加上球很脆，一口咬落去，有意外驚喜！

我地又來食呢間啦，一如以往都係叫返性價比高的二人套餐！$248就有套餐：有4款菜式+2杯飲品。⭐海南鷄海南鷄都算幾多肉，份量多，肉質夠滑，好味道！建議點曬三款醬料，好食。⭐馬拉盞通菜濃濃既蝦醬味好夾爽脆的通菜，惹味非常。⭐手打魚餅好熱同大舊，點埋沙律醬幾好食。⭐櫻花蝦柚子沙律柚子好甜，櫻花蝦香口，好快食曬全部野！好滿足的一餐♥飲品就非常推薦椰青，加$18真係好值得比啊！🥢咖吔 🌏沙田橫壆街1-15號好運中心3樓3008-3009號舖

今日又去咗沙田姨媽傢俬到行😂死唔信居屋380=325公屋😩😩😩拎埋把尺去睇吓，研究點擺位～～行返岀黎食街，已經係lunch hour…勁多人，我又唔想食神州美點…見到咖吔有位位，就入去坐下💕食物炒貴刁呢個真係辣，我已經拎走晒啲辣粉，樓面姐姐話如果唔想要辣粉可以叫佢哋走粉不過都係會有辣味，但真心好食同開胃🤤🙏🏻close up啲粉～～真係燶邊有鑊氣架！海南雞飯已經唔知食咩好，樣樣都想食。然後男朋友話未試過海南雞，咁招牌嘅嘢都唔食😂😂真係好滑！超級好食！仲要冇骨🫡小朋友最岩個油飯都好好食😋柚子西柚梳打好清新～～酸酸甜甜咁💕都唔知邊個話天氣會凍🤯搞到我哋著咗大褸🧥熱到傻藍莓巨峰梳打我本身想食芒果雪糕架～不過係ikea個陣食咗雪糕🤫所以嗌藍莓🫐巨峰～貪佢夠甜😏

今日天氣又突然間凍咗，好想食打邊爐，但又等陣上堂都唔係好夠時間，就入咗間星加坡菜食吓嘢啦。本身諗住食個喇沙湯麵就走人，點知原來呢度有好多暖笠笠嘅鍋揀呀！我揀咗5分鐘，最後要咗個椰子雞湯，不過呢個唔係餐，所以我加咗碗油飯。🤓個椰子雞湯都好多雞，唔會嚡口，而且好香。碗飯越食越好食。本身通常我食半碗飯嘅，我係食晒成碗飯，雞都未食完已經食晒啲飯啦！個湯完全唔鹹，基本上我又係飲晒😝我想試埋佢個喇沙鍋呀！下次要約人黎食埋個多士！