影片
更多
2022-10-05
32 瀏覽
香港僅餘嘅荷蘭菜？一定要試吓啦！位於尖沙咀廣東道嘅 The Dutch House Restaurant ，老闆身兼大廚係荷蘭華僑出生，除咗有型，整野又好食，仲要係荷蘭品酒師！所以對傳統荷蘭菜有一定研究，店內歐式風格裝潢，由食材到烹飪一啲都唔馬虎，而且仲將傳統荷蘭街頭風味應用到菜式，真係好值得試👍.今晚同朋友一嚐荷蘭菜嘅 “Omakase”，Chef's Menu $ 1388 per person，包 9 道廚師精品菜單；加多 $240 更可以有 4 種 Wine pairing，酒精可以帶出食材獨特嘅味道。.➽ 希靈魚 (配 Gin 酒) - 荷蘭傳統街頭小食，插上阿姆斯特丹區旗，大廚建議原條吊住嚟食，別有一番風味； 魚肉上有洋蔥粒、酸青瓜，滑嫰魚肉食落無腥味。➽ 煙燻野生鰻魚 (配 Sake) - 法國出口稀有鰻魚，屬限制出口貨源，聽講一年限額捕捉500條，橡木煙燻 6 小時，賣相似刺身，但入口彈牙有烤魚感覺而且鮮甜。➽ 街頭一口小食 Peter-ball & 荷蘭腸 (配檸檬啤酒) - 以牛尾肉、牛油、麵粉製成嘅小食鋪上麵包糠炸出嚟，配上芥末醬，入邊係濃郁牛骨湯加上碎
.
今晚同朋友一嚐荷蘭菜嘅 “Omakase”，Chef's Menu $ 1388 per person，包 9 道廚師精品菜單；加多 $240 更可以有 4 種 Wine pairing，酒精可以帶出食材獨特嘅味道。
.
➽ 希靈魚 (配 Gin 酒) - 荷蘭傳統街頭小食，插上阿姆斯特丹區旗，大廚建議原條吊住嚟食，別有一番風味； 魚肉上有洋蔥粒、酸青瓜，滑嫰魚肉食落無腥味。
➽ 煙燻野生鰻魚 (配 Sake) - 法國出口稀有鰻魚，屬限制出口貨源，聽講一年限額捕捉500條，橡木煙燻 6 小時，賣相似刺身，但入口彈牙有烤魚感覺而且鮮甜。
➽ 街頭一口小食 Peter-ball & 荷蘭腸 (配檸檬啤酒) - 以牛尾肉、牛油、麵粉製成嘅小食鋪上麵包糠炸出嚟，配上芥末醬，入邊係濃郁牛骨湯加上碎牛尾肉，外脆內多汁 ；另一款荷蘭腸係雞肉 mix 豬肉，配上洋蔥咖喱蛋黃醬， 小食同清新檸檬啤酒就係 fresh！
➽ 荷蘭蝦 & 龍蝦蛋沙律撻 - 滿滿海水香荷蘭蝦配清新蕃茄仔，加上蝦殼粉同蝦肉碎，咸香鮮味突出，面頭仲有香脆蝦頭增強口感；沙律撻入面係粒粒彈牙龍蝦肉，切粒西芹及蛋沙律。
➽ 荷蘭青口煲 配意大利蒜蓉拖鞋包 (配白酒) - 個人嚟講最鍾意佢既拖鞋包，鬆軟有口感，荷蘭青口醬汁由奶油& white wine 加上上百里香香草調製而成，青口細細隻但肉好鮮甜！
➽ 牛尾湯 - 今晚嘅湯，濃郁口感，配以原塊香脆荷蘭焗芝士麵包，好芝味！
➽ 荷蘭原條龍脷魚 (配阿根廷酒) - 用上檸檬汁 & 牛油調味，魚皮脆而魚肉實在，油脂飽滿而醬汁酸酸地好開胃，白酒配海鮮就最夾！
➽ 荷蘭新鮮走地雞 (配紅酒) - 鹽水加香料醃制嘅無激素走地雞，焗到鳳爪都脆到好似餅乾咁，肉質保持多汁又嫰滑，想吃記得要提早3日預訂，因為限量供應😉
➽ 荷蘭粗薯配咖喱蛋黃醬，又一款荷蘭小食，薯條脆口而且唔會油膩，加埋獨特醬汁少少甜味，傾計飲返杯小食之選！
➽ 80年代法國餐廳甜品 - 大廚超推介嘅懷舊特色甜品，聽講嗰個年代男女去約會都鍾意食呢個甜品，白蘭地煮過時令嘅櫻桃，加上鮮忌廉同雲尼拿雪糕，完滿一個完美晚餐！
張貼
