影片
更多
2024-12-07
206 瀏覽
打邊爐就當然要有新鮮嘅食材啦，同埋個湯底都非常重要。今日就嚟咗位於天后嘅叁不館，佢除咗平時都會食到嘅香茜皮蛋、沙嗲同麻辣湯底之外，仲有好流行嘅養生嘅藥膳湯底，除此之外，仲有滋補嘅椰子雞湯、胡椒豬肚雞湯等，而我個人最揀咗好養顏嘅咯咯雞花膠湯。一開始就緊係飲返啖湯先啦，十～分～鮮～味～，雞湯嘅味道十分鮮甜濃厚，而且呈現奶白色，可想而知花咗幾多時間去製作。跟住就係時候加入跟湯嘅雞同花膠，雞啖啖肉、花膠大大件，真係正呀。跟住就緊係食海鮮啦，扇貝大大粒而且洗得十分乾淨，海蝦新鮮爽口，配上清甜嘅湯底完全食得到食材嘅新鮮同味道。原條嘅桂花魚亦都十分值得推介，每一片都片得好乾淨俐落，唔會有骨，真係抵讚。成晚我最期待就係呢個牛魔王拼盤，一次過可以食到本地手切牛、牛頸脊、封門柳、牛肉粒同埋牛脷托，每款都各有特色，同時十分新鮮同牛味濃郁。丸、滑同餃都係一餐火鍋不可或決嘅，丸同滑爽口彈牙，而最驚豔嘅係餃，有2款好特別嘅餃，首先係午餐肉餃，完全意想不到午餐肉加上餃皮原來可以咁夾咁好味，而另一款就係極重口味嘅莞茜餃，莞茜fans必定要試。愛好內臟嘅我，比我發現呢度竟然仲有新鮮鵝腸同豬腰，咁當然要叫嚟食啦。洗得好乾
打邊爐就當然要有新鮮嘅食材啦，同埋個湯底都非常重要。今日就嚟咗位於天后嘅叁不館，佢除咗平時都會食到嘅香茜皮蛋、沙嗲同麻辣湯底之外，仲有好流行嘅養生嘅藥膳湯底，除此之外，仲有滋補嘅椰子雞湯、胡椒豬肚雞湯等，而我個人最揀咗好養顏嘅咯咯雞花膠湯。
一開始就緊係飲返啖湯先啦，十～分～鮮～味～，雞湯嘅味道十分鮮甜濃厚，而且呈現奶白色，可想而知花咗幾多時間去製作。跟住就係時候加入跟湯嘅雞同花膠，雞啖啖肉、花膠大大件，真係正呀。
跟住就緊係食海鮮啦，扇貝大大粒而且洗得十分乾淨，海蝦新鮮爽口，配上清甜嘅湯底完全食得到食材嘅新鮮同味道。原條嘅桂花魚亦都十分值得推介，每一片都片得好乾淨俐落，唔會有骨，真係抵讚。
成晚我最期待就係呢個牛魔王拼盤，一次過可以食到本地手切牛、牛頸脊、封門柳、牛肉粒同埋牛脷托，每款都各有特色，同時十分新鮮同牛味濃郁。
丸、滑同餃都係一餐火鍋不可或決嘅，丸同滑爽口彈牙，而最驚豔嘅係餃，有2款好特別嘅餃，首先係午餐肉餃，完全意想不到午餐肉加上餃皮原來可以咁夾咁好味，而另一款就係極重口味嘅莞茜餃，莞茜fans必定要試。
愛好內臟嘅我，比我發現呢度竟然仲有新鮮鵝腸同豬腰，咁當然要叫嚟食啦。洗得好乾淨同處理得好好，完全無異味，仲好新鮮爽嫩，點埋個加左蔥頭油嘅混醬就更加惹味。
張貼
