新肥泉海鮮大排檔

營業中

休息中

一大班朋友食飯吹水，最好選擇當然係去大排檔。新肥泉係官涌市政大廈，離佐敦地鐵站幾分鐘路程，十分方便。座位四圍都放左風機，就算係大熱天時，係熟食中心就無有怕。因為人多，點左好多野，咩都試下。１　特色風沙雞中翼外面脆卜卜，裏面雞肉好嫩滑，好多汁。２　豉椒炒聖子王，香噴噴，好惹味。脆卜卜既煎米粉底一定要加埋汁醬一齊食。３　招牌原條水煮魚湯底香噴噴，配料多，枝竹，豆卜，木耳，冬菇，芽菜。魚片大大碟，份量十足，夠新鮮，又去哂骨。４　秘製豉油皇雞腸夠爽，夠滑，夠惹味５　ＸＯ醬爆原隻鮑魚煲鮑魚唔算細隻，入口軟綿綿，唔靭。ＸＯ醬夠惹味，裏面既薑同蔥都好好味。６　拔絲海大明蝦球酸酸甜甜好開胃，蝦球大大隻，彈牙。配埋青椒同蜜桃，感覺清新。７　招牌避風塘炒龍蝦炒蟹就食得多，未試過炒龍蝦。辣椒干，指天椒，花椒，蒜粒，勁香，辣味有層次。但係仍然無蓋過龍蝦既鮮甜味。８　順德煎原個新鮮大魚頭新鮮，嫩滑。鍾意食魚頭既人一定唔可以錯過。９　黃金茄子外脆內軟，入口有絲絲蛋黃香味。送啤酒一流１０　養顏當歸杞子浸白菜苗唔好睇少呢碟菜，一上枱就聞到湯底既香味。個湯好甜好好味，白菜苗夠新鮮。