金子半之助 (利東街)

營業中

休息中

以前去日本必定有一餐會食天丼，自從發現曾經bookmark過嘅天丼喺香港都有分店，就留返喺香港食慳返啲quota。期間限定車海老帆立貝天丼有齊我最鍾意嘅食材，車海老好大隻啖啖肉，帆立貝厚肉鮮甜，最正嘅係督開炸溫泉蛋，蛋液湧出嚟撈飯食好正。 天丼特色係上枱時會淋埋汁，所以炸物唔會好脆但索哂汁好入味，鍾意脆嘅話記得揀汁另上，風味會完全唔同。江戶前天丼係經典組合，除咗蝦、小柱天婦羅同蛋之外，仲有超巨型嘅炸穴子，鍾意鰻魚油香嘅一定要揀。