影片
更多
2022-08-29
116 瀏覽
冇錯，我有時都會習慣喺OpenRice睇吓所謂食評，寫左咁多年，都大概知道點分真假，有時都知道一定係宣傳嘅文章，但係都會有興趣一看究竟。咁餐廳搵人試食都正常，佢哋都要宣傳，佢唔寫你又點知會有呢啲嘢食呢。從openrice得知呢荷蘭菜小店，好奇心下一試，果然如評價所言，幾特別，至少我未喺香港見過呢類餐廳。聽講大廚係荷蘭華僑，以佢所言，荷蘭雖然係沿海國家，但其實荷蘭人幾十年前好少食海鮮，因為唔識煮。但係80年代起，受到喺其他歐陸國家接受訓練嘅新一代廚師嘅啟發，荷蘭本土廚師都慢慢開發出善用海鮮嘅烹調方法，大廚希望喺香港證明荷蘭菜都係值得細味品嚐，因為荷蘭菜喺香港真係寥寥可數。餐廳位處16樓，因為周圍無乜高樓大廈，可以高空俯瞰九龍公園，景觀一流。餐廳一角設有開放式廚房，我哋坐開廚房隔離，但唔會聞到油煙味，而且可以睇到廚師烹調嘅情況。頭盤分別喺herring同荷蘭腸仔。herring係當地著名街頭小食。荷蘭人食herring嘅食法就係配洋蔥和pickle，然後直接捉住魚尾放入口！味道係比想像中易入口，並唔會好腥。荷蘭腸仔係由荷蘭咖喱醬、蛋黃醬加洋蔥製成，係無腸衣。食起上嚟好有肉味。荷蘭灰蝦喺香港
咁餐廳搵人試食都正常，佢哋都要宣傳，佢唔寫你又點知會有呢啲嘢食呢。
從openrice得知呢荷蘭菜小店，好奇心下一試，果然如評價所言，幾特別，至少我未喺香港見過呢類餐廳。
聽講大廚係荷蘭華僑，以佢所言，荷蘭雖然係沿海國家，但其實荷蘭人幾十年前好少食海鮮，因為唔識煮。但係80年代起，受到喺其他歐陸國家接受訓練嘅新一代廚師嘅啟發，荷蘭本土廚師都慢慢開發出善用海鮮嘅烹調方法，大廚希望喺香港證明荷蘭菜都係值得細味品嚐，因為荷蘭菜喺香港真係寥寥可數。
餐廳位處16樓，因為周圍無乜高樓大廈，可以高空俯瞰九龍公園，景觀一流。
餐廳一角設有開放式廚房，我哋坐開廚房隔離，但唔會聞到油煙味，而且可以睇到廚師烹調嘅情況。
頭盤分別喺herring同荷蘭腸仔。herring係當地著名街頭小食。荷蘭人食herring嘅食法就係配洋蔥和pickle，然後直接捉住魚尾放入口！味道係比想像中易入口，並唔會好腥。荷蘭腸仔係由荷蘭咖喱醬、蛋黃醬加洋蔥製成，係無腸衣。食起上嚟好有肉味。
荷蘭灰蝦喺香港係比較罕見，但係喺荷蘭就係唔少佳餚嘅食材。size好似蝦米咁，但蝦味濃郁。墊底嘅曲奇撻亦非常好味。
荷蘭橡木煙燻鰻魚用嘅野生鰻魚。平時食嘅日本燒鰻魚都係養殖，而呢個野生鰻魚係完全唔同，肉質係好彈牙，好好味！仲要係季節限定，過多一兩個月就冇了。
跟住嘅係荷蘭生蠔，topping 係頭先出現過嘅灰蝦炒成嘅蝦乾，生蠔大隻厚肉，鮮甜海水味濃，鹹鮮嘅蝦乾吊到個味出嚟。
荷蘭鱸魚，魚鮮肉脆。
估唔到肉類菜式竟然係BBQ豬肋骨。rib嘅肉輕易切開，燒完亦唔會乾爭爭，啲肉入晒味， 醬汁味道酸酸甜甜食多都唔會膩。side dish係即炸嘅厚切薯條，佐以用蛋黃醬同荷蘭咖喱醬混合的醬料，冇得彈👍。
最後以蘋果批作結，呢個係荷蘭式apple pie，有vanilla雪糕配襯，酥皮非常酥脆，後尾大廚有解釋話荷蘭牛奶脂肪含量特別高，所以整嘅酥皮亦更好味🤩。
呢度環境舒適，荷蘭菜特別得嚟又好好味，係幾推薦大家黎食！
張貼
