影片
更多
2021-10-15
1780 瀏覽
預約到慈山寺參學之旅，上午就順便去埋法定古蹟綠匯學院(前身為舊大埔警署)，在慧食堂吃個低碳環保素食午餐，食物吃起來真的超健康，不過份量少唔太食得飽。由大埔墟站 A2 出口直出，往前行到見到條行人隧道，穿越對面再經過運頭角遊樂場，一路上都有路牌指示，完全唔難搵喎。出左公園右轉上山條斜路，行少少就見到門口。首先要在門口量體溫和登記，第一次來導賞員會約略作介紹。建築結構好簡單，古蹟面積唔算好大，可以享受下自然環境，實際可以參觀的地方唔多。接待處原本係舊警置的大廳，可以見到有個壁爐。接待處後面有個門口，出去呢條走廊，行到尾有兩間房可以參觀。展室大概係一些大埔墟之歷史。也可以進去以前警署的覊留室。舊報案室都幾多野玩。原路出返去接待處，隔離房係互助店。貨架上都幾多素食食材和產品。行去後面有片大草地，草地隔離就係素食餐廳慧食堂。有機食材原來在後面的小農場種植呢。這裡以前就是舊大埔警署的飯堂，現在由嘉道理農場經營，是一間永續理念的低碳環保素食餐廳。座位唔算好多，不過平日來吃午餐唔會太多人。餐具和廚餘要自己整理，吃完記得自己執檯。午餐任揀四款 HK$60，主食有糙米飯或紅米飯，大概一碗份量，也可以不吃飯
預約到慈山寺參學之旅，上午就順便去埋法定古蹟綠匯學院(前身為舊大埔警署)，在慧食堂吃個低碳環保素食午餐，食物吃起來真的超健康，不過份量少唔太食得飽。
由大埔墟站 A2 出口直出，往前行到見到條行人隧道，穿越對面再經過運頭角遊樂場，一路上都有路牌指示，完全唔難搵喎。
出左公園右轉上山條斜路，行少少就見到門口。
首先要在門口量體溫和登記，第一次來導賞員會約略作介紹。
建築結構好簡單，古蹟面積唔算好大，可以享受下自然環境，實際可以參觀的地方唔多。
接待處原本係舊警置的大廳，可以見到有個壁爐。
接待處後面有個門口，出去呢條走廊，行到尾有兩間房可以參觀。
展室大概係一些大埔墟之歷史。
也可以進去以前警署的覊留室。
舊報案室都幾多野玩。
原路出返去接待處，隔離房係互助店。
貨架上都幾多素食食材和產品。
行去後面有片大草地，草地隔離就係素食餐廳慧食堂。
有機食材原來在後面的小農場種植呢。
這裡以前就是舊大埔警署的飯堂，現在由嘉道理農場經營，是一間永續理念的低碳環保素食餐廳。
座位唔算好多，不過平日來吃午餐唔會太多人。
餐具和廚餘要自己整理，吃完記得自己執檯。
午餐任揀四款 HK$60，主食有糙米飯或紅米飯，大概一碗份量，也可以不吃飯只吃菜，悉隨尊便。
行去選菜區會發現有更多選擇，好多人都有選擇困難，所以繁忙時間要等耐少少。
行到收銀處可以另外加點飲品和甜品小食。
果仁素丸子 / 冰豆腐海帶芽佃煮 / 燕麥燴蔬菜 / 炸眉豆燕麥金塊 共HK$60
食物全部都走清淡和超健康的路線，因為太輕巧，這盤吃完我不夠飽，可能有飯會好少少，或者揀夠8個菜式。
豆奶咖啡 HK$40
公平貿易咖啡加豆奶，可以自選加不加糖，深焙口味，豆奶份量唔多。
非常受歡迎的「果仁素丸子」，用燕麥片、葵花籽、腰果、味噌、味醂、洋車前子粉、白胡椒製作，口感幾好，略重白胡椒味，本身都好好食。奶白色的淋醬由腰果、醬油、蘋果醋、營養酵母和海鹽調製，味道不重不過勁健康。
燕麥金塊用眉豆、燕麥片、胺基酸醬油和辣椒粉製成，口感結實，完全無熱氣感覺，味道尚可。
來吃一轉都幾洗滌心靈，交通亦唔算非常唔方便，我仲響間互助店見到好多野想買添！
張貼
