慧食堂

營業中

休息中

好耐冇去，都保持到一貫水準！好肚餓，就一定要揀3餸，同埋點薑黃飯/鷹咀豆，唔太餓就揀其他！我今次係點咗4餸紫菜鷹嘴豆蓉、素扒、小米沙律、炒菜，睇落好肉平平無奇，但食落口好有驚喜！今次去開次有啲熱，所以最後買埋杯嘢飲，好生津消暑！食完餐飯零罪惡感，好養生！連沙律醬都係自製，唔會食到假肉，茶記價錢，食到高質餐，真係超抵食！中上環要起碼200幾先埋到單！曾經同過佢哋傾計，佢哋每樣食材都係健康，都係自家農場種，唔會用白幼鹽、砂糖，9成食材都係天然什至有機。成個環境都好舒適，今次去係星期日，撞正有活動，食完飯仲可以親親大自然！心情都好啲！

平日中午到「慧食堂」吃素🍴餐廳位於舊大埔警署歷史建築群活化成的綠匯學苑。能夠品嚐到以本土食材製作的美味素食🌱，同時亦可親親大自然🌳、認識永續生活、實踐低碳生活👣，尊重及愛護大自然。🌎❣️ 餐廳採用自助形式，先點餐及付款。平日中午都有很多食客～選了午餐$66/4款，輕餐$55/3。$50/3款$66/4款無蛋茶碗蒸小米暖沙律風乾菜片配鷹嘴豆泥環境優美，吃素又可親親大自然，有機會一定要來試試😋

今日真漢子為大家介紹位於大埔運頭角里（舊大埔警署）綠匯學苑 Green Hub  入面嘅「慧食堂」。🌱類似 Muji 咁，可以揀三款或四款食物做套餐（分別係 $50 同 $66），單點就 $20 一款。就咁睇全部食物都係純素的，就算飲品，甜品都係。真漢子揀咗四款食物：🫐 梅子豆腐唔記得咗正式個名，總之係豆腐上有塊梅子。呢個係幾好食，不過有個缺陷，就係豆腐唔係嫩豆腐，如果係就 perfect 喇。😅🧀 沙薑絲涼拌素芝士粉味道比較淡啊，麻麻地。🙃🍠 香芋絲煎餅配烏醋汁呢個睇名都諗到係幾香口，而且芋頭刨成粗絲，有咬口，美中不足係因為預先整定，所以已經唔太熱，否則會更加正呢。😂🍚 紅米飯拌青醬青醬配紅米飯味道都幾 match ，而且飯量夠哂多，好夠飽。☺️咁遠水路嚟到，梗係試埋飲品同甜品啦：🫘 凍可可腰果慕絲特飲 $33佢哋啲凍飲係冇冰嘅，而且唔係好凍，貫徹餐廳追求健康嘅理念，好養生呀 🤣。可可味尚算濃郁，而且有啲脆脆嘅果仁响入面。🥜🍮 奇亞籽布甸 $28唔太甜，除咗奇亞籽，上面仲有啲乾果同果仁，所以食落感覺幾清新同健康。💪🏻

星期日中午，我同老公由大埔墟火車站行上綠匯學苑（大約10分鐘），學園入面有自己的庭園、種植田同餐廳，環境清幽。我點咗四個餸：涼拌木耳、海帶豆腐、猴頭菇素肉餅、香辣南瓜籽伴紅米飯。老公就點左呢四個餸：醃菜豆腐、素丸子、猴頭菇素肉餅、黃薑糙米飯相比其他素食店，我地覺得慧食堂嘅素食更加精緻同清新，似住家飯，唔油膩；睇落好似細細碟咁，但其實好飽。可能係社企營運，竟然無晚市，有啲可惜。另外，店員都好友善，餐廳乾淨企理，會再幫襯👍🏻

大埔新派素食，味道簡單、清淡、新鮮，可以好好享受食物的原味道！每日都提供超過10款的選擇。值得一試！餐廳環境休靜，可以輕鬆享受用餐店舖支持本地農產品及低碳農業。

落嚟大埔《慧食堂》食個午餐，真係有驚喜咗！訂咗個四款午餐拼盤，每件小菜都喺自家農田摘嘅新鮮菜。😋 黑米飯煮得啱啱好，芝士豆腐滑溜溜，帶少少鹹味，味美色佳。鷹咀豆煎餅同埋涼拌黑木耳珊瑚藻，兩款都食得出心思，酸酸甜甜清新爽口，珊瑚藻更加彈牙鮮脆，仲要好解膩。梗係試吓朋友嗰份鷹咀豆黍麥沙律，同樣都係健康得嚟又好滋味。另外，個薄荷茶，真係清新得哂，飲落去明顯好開胃。環境靜心，啲食物整得出心機，仲可以參觀學苑啲有機耕作，謂之「農夫一日遊」都妥當！下次大埔歎風，記得過嚟呢度，飲茶食素，真係靚絕！🍃🌾🍵

慧食堂位於舊大埔警署內，菜式純素無蛋奶，含有五辛嘅菜式有特別標示。去到先係出面向店員點餐，跟住係旁邊比錢同取餐。食完自己將餐具放返係回收區。午餐可任選3款或4款菜式，菜式包括前菜、主食或湯。午餐 任選4款 ($66)自家醃菜伴豆腐沙葛絲涼伴素芝士粉鷹咀豆藜麥沙律果仁素丸子鷹咀豆煎餅海帶高湯燉節瓜香料紅扁豆濃湯香料黃薑糙米飯洛神花茶 ($20)自家醃菜味道似雪菜，配上淡味嘅滑豆腐幾好食。沙葛絲味道清甜爽脆，完全唔似食緊沙葛，似食緊生椰菜。素丸子味道幾特別，有果仁嘅香味，亦有素羊腩 (冬菇腳) 嘅味道。鷹咀豆煎餅外表香脆，食落有西蘭花味。海帶高湯節瓜好有日式風味，節瓜吸哂高湯嘅味道。紅扁豆濃湯質地似薯蓉咁粉，味道較淡，靠表面嘅醃菜調味。

慧食堂係喺舊大埔警署入面，係一間低碳素食嘅餐廳，環境簡約，採用本地新鮮嘅蔬菜食材製作成低碳美味而健康嘅菜式。餐廳有午餐供應，但主要以輕食為主，份量不多，亦都有自製嘅飲品同甜品，食完之後自行收執餐具，佢哋仲會將廚餘轉化做肥料為園入面嘅植物提供養份，非常環保。餐廳食物款式非常健康，素食嚟講有好多款式，啱哂中意食素嘅我。套餐四款都係$60，我揀左下面個4個餸海帶芽蒸豆腐海帶芽蒸豆腐，加左啲醬油、米醋、麻油調味酸酸甜甜好開胃。炸眉豆燕麥金塊佢個形狀好似麥樂雞，入面用左眉豆、燕麥片製成，口感好特別涼拌珊瑚藻黑木耳涼拌珊瑚藻黑木耳配芝麻涼拌醬，清新可口香料黃薑糙米飯黃薑糙米飯乾乾地，好有黃薑味豆奶咖啡＄40豆奶咖啡好特別，咖啡味唔太重，有淡淡咖啡味📍慧食堂大埔運頭角里11號舊大埔警署

由綠滙學苑經營的慧食堂置身於1899年建成的舊大埔警署之內，係一間低碳素食嘅餐廳；希望透過食物重建人、土壤同心靈嘅連繫。佢哋採用本地新鮮時令嘅蔬菜食材，製作成低碳美味而健康嘅菜式，亦都有自製嘅飲品同醬汁。每日嘅午餐都有熱湯、幾度熱食同沙律供應，每款單點$17，套餐三款$45，四款都係$60，值得嚟呢個城市綠洲抖抖氣。

慧食堂位於大埔綠滙學苑內，係一間奉行低碳、環保、新鮮、公平貿易所得食材嘅素食店，環境簡約，而且係自行收執食完嘅器具垃圾的，有午餐供應，但主要以輕食為主，份量不多，開10至17點（星期二休館），不做晚市，食物配搭款式也比較健康，素食得嚟又唔會好寡，款式都幾特別，睇得出佢哋用心設計菜單，味道ok，價錢也合理，整體來講係ok，值得支持.#大埔#慧食堂#輕食#素食#健康#環保#公平貿易#下午茶#vegetarian#隱世

讚1 感謝主 有冷氣2 素食既組合幾有趣 自製鹽滷豆腐係好味 紮實有豆香 五殼米煮得好香 呢兩樣係成碟最好味3 職員有講到餐廳入面係用舊枕木黎做裝修 幾有主題彈1 調味唔太啱口味 太重香料味 豆湯係有香料味而無鹹味

位於大埔運頭塘的綠匯學苑，前身是舊大埔警署，現時活化為低碳生活教育中心。從前的食堂亦改造為主打健康、新鮮的低碳餐廳。餐廳提供各種時令素菜，個人對於主食就無咩興趣，今次造訪係為左試下個甜品😋🔆青檸薑批$𝟛𝟘 青檸同薑味都突出🥰呢度甜品唔會用蛋、奶同麵粉製作，只係用左珊瑚藻令佢凝固，所以唔會好似平時啲蛋糕咁實淨😬批底用左葵花籽，同平時嘅餅底好唔同😳咁健康嘅甜品食完都無負擔✌🏼🐰要重申呢度嘅主食睇落真係超唔吸引😂食落唔清楚但興趣不大，甜品就真係可以試下❤️位置好近大埔墟火車站，黎開大埔可以上去參觀加食個tea😝

✨✨大埔的一個獨落✨✨好特別呀，大埔有個地方係前警署，我帶阿仔去睇下以前d建築，不過似乎佢無咩興趣😅😅入面有個餐廳，某部分材料係嚟自自己種的，全部都係有機，見咁健康，明明唔肚餓都忍唔住叫左d嚟試下😆😆$60揀5款，$45揀3款我揀左$45/3款⭐️海帶蒸豆腐、藜麥黃金餅 、紅菜頭漢堡扒份量有點小😅😅，一啖都可以食完。紅菜頭漢堡扒唔知點解有d黑椒味，唔敢俾阿仔食，其他兩款都係好普通。呢個價錢略嫌有點貴

預約到慈山寺參學之旅，上午就順便去埋法定古蹟綠匯學院(前身為舊大埔警署)，在慧食堂吃個低碳環保素食午餐，食物吃起來真的超健康，不過份量少唔太食得飽。由大埔墟站 A2 出口直出，往前行到見到條行人隧道，穿越對面再經過運頭角遊樂場，一路上都有路牌指示，完全唔難搵喎。出左公園右轉上山條斜路，行少少就見到門口。首先要在門口量體溫和登記，第一次來導賞員會約略作介紹。建築結構好簡單，古蹟面積唔算好大，可以享受下自然環境，實際可以參觀的地方唔多。接待處原本係舊警置的大廳，可以見到有個壁爐。接待處後面有個門口，出去呢條走廊，行到尾有兩間房可以參觀。展室大概係一些大埔墟之歷史。也可以進去以前警署的覊留室。舊報案室都幾多野玩。原路出返去接待處，隔離房係互助店。貨架上都幾多素食食材和產品。行去後面有片大草地，草地隔離就係素食餐廳慧食堂。有機食材原來在後面的小農場種植呢。這裡以前就是舊大埔警署的飯堂，現在由嘉道理農場經營，是一間永續理念的低碳環保素食餐廳。座位唔算好多，不過平日來吃午餐唔會太多人。餐具和廚餘要自己整理，吃完記得自己執檯。午餐任揀四款 HK$60，主食有糙米飯或紅米飯，大概一碗份量，也可以不吃飯

Lunch後行左陣，又想搵個地方坐下食甜品，Yan推介去慧食堂，順便參觀下歷史建築，慧食堂位於綠匯學苑(舊大埔警署)，昔日的警署食堂，主打低碳素食，去食野順便參觀下都幾好呢。餐廳以木系為過主，感覺簡約自然，平日的下午，冇乜人，可享受一下寧靜之感。餐牌，有熟食的，但我地想食cake。青檸薑批，$30，有註明用咩食材，用上青檸、生薑、腰果、珊瑚藻、椰子油、椰棗、椰子花糖漿及葵花籽等的材料而成，青檸味清香，配合微辣的薑味，清新的味道。KFBG杭菊朱古力凍餅，$30，有註明用咩食材，用上有機杭菊、腰果、生機可可粉、珊瑚藻、椰子油、椰子花糖漿及葵花籽等的材料而成，小小的一件cake，淡淡的朱古力味配上淡雅的菊花味，口感都滑，隱約的堅果味，唔會有好飽同漏之感。甜品偏清淡不甜膩。紫蘇梅子特飲，$25，酸酸甜甜幾清新。紫蘇檸檬特飲，$25，Yan的。用餐後自己收拾返放係拍定位置。之後係綠匯學苑周圍參觀下。