影片
更多
2022-08-21
21 瀏覽
喺尖沙咀有一間樓上餐廳，佢哋亦係香港唯一一間正宗荷蘭菜嘅餐廳，食材都係沿用荷蘭產地，極為罕有，而我所講嘅就係The Dutch House Restaurant 。呢度嘅大廚兼老闆大有來頭，首先佢係一名喺荷蘭生活嘅華僑，所以佢了解懂得正宗嘅荷蘭菜，而佢有多年嘅廚師經驗，廚藝了得之餘，佢仲係一名一級品酒師，可以輕易為菜式做到Wine Pairing 。餐廳除咗一般嘅餐牌，佢哋仲有做荷蘭菜嘅廚師發辦，入面有六道菜，只係每位988兩位起，而想要埋Wine Pairing 只需加多200。自家製阿姆斯特丹脆炸牛肉丸：呢款名為Bitterballen嘅荷蘭街頭小食，可算係荷蘭必食之一，外皮炸到金黃香脆，而入面包住嘅係有濃郁牛味嘅牛尾肉同埋軟滑嘅薯蓉，食落外脆內軟，一口一粒，方便又好食。荷蘭香腸配洋蔥咖哩蛋黃醬：用嚟自荷蘭嘅香腸，配埋惹味嘅咖喱蛋黃醬，咖喱香氣四溢，香腸較濃味，好啱作為下酒菜。Dutch Shrimp荷蘭灰蝦呢款細細粒有啲似蝦米嘅蝦，其實佢係嚟自荷蘭嘅灰蝦，蝦味會比其他嘅蝦較重。呢度菜主廚將用咗兩種處理方法嘅灰蝦拌勻，一種方法係將原隻灰蝦拎去炸，而另一款就將其剝殼，再配秘製嘅醬汁，
喺尖沙咀有一間樓上餐廳，佢哋亦係香港唯一一間正宗荷蘭菜嘅餐廳，食材都係沿用荷蘭產地，極為罕有，而我所講嘅就係The Dutch House Restaurant 。呢度嘅大廚兼老闆大有來頭，首先佢係一名喺荷蘭生活嘅華僑，所以佢了解懂得正宗嘅荷蘭菜，而佢有多年嘅廚師經驗，廚藝了得之餘，佢仲係一名一級品酒師，可以輕易為菜式做到Wine Pairing 。
餐廳除咗一般嘅餐牌，佢哋仲有做荷蘭菜嘅廚師發辦，入面有六道菜，只係每位988兩位起，而想要埋Wine Pairing 只需加多200。
自家製阿姆斯特丹脆炸牛肉丸：呢款名為Bitterballen嘅荷蘭街頭小食，可算係荷蘭必食之一，外皮炸到金黃香脆，而入面包住嘅係有濃郁牛味嘅牛尾肉同埋軟滑嘅薯蓉，食落外脆內軟，一口一粒，方便又好食。
荷蘭香腸配洋蔥咖哩蛋黃醬：用嚟自荷蘭嘅香腸，配埋惹味嘅咖喱蛋黃醬，咖喱香氣四溢，香腸較濃味，好啱作為下酒菜。
Dutch Shrimp荷蘭灰蝦
呢款細細粒有啲似蝦米嘅蝦，其實佢係嚟自荷蘭嘅灰蝦，蝦味會比其他嘅蝦較重。呢度菜主廚將用咗兩種處理方法嘅灰蝦拌勻，一種方法係將原隻灰蝦拎去炸，而另一款就將其剝殼，再配秘製嘅醬汁，令味道口感都更有層次，蝦嘅味道更加突出。
荷蘭傳統青口鍋：
主廚對食材好講究，啲青口一定要新鮮，所以嚟自荷蘭空運而嚟嘅活青口，都會要將氧氣咸水打入放青口嘅袋入面，以保青口到烹調時仍然存活。
而烹煮嘅煲亦都需要用上指定嚟自荷蘭嘅鐵煲，呢仲種鐵煲可以喺烹煮嘅過程中將蒸氣鎖住，令海鮮原有嘅鮮味都保留於煲內。
青口肉厚飽滿，肉色呈亮麗嘅橙色，除咗青口有鮮甜味之外仲帶有陣陣嘅海水味。
主廚建議我哋可以先烹用入面嘅湯汁，因為青口同埋其他配料蔬菜嘅精華都融入湯中，鮮甜無比，清新清爽嘅感覺，而最後仲嘗到湯中帶點微微嘅酸香，呢種酸香源於白酒嘅香味。
呢個湯配埋佢哋嘅蒜茸牛油焗拖鞋包就最啱，呢款係意大利嘅麵包，入面蒜茸牛油嘅香味勁濃，蘸埋鮮甜嘅青口湯一齊食，更加滋味。
家鄉荷蘭豆湯
呢款湯主要係荷蘭人冬天嘅時候飲，所以湯入面有較多肉，除咗令味道更濃，仲可以更保暖。入面用咗元蹄、煙肉腸、蘿蔔、洋蔥等材料磨成湯頭。喺湯入面仲放咗香脆可口嘅麵包粒，令食嗰陣增添香脆嘅口感，而湯底仲放咗數片嘅煙肉腸，令肉嘅香味變得更加突出。
30天乾式熟成美國黑安格斯上等T骨牛扒：牛扒係用咗嚟自美國嘅黑安格斯，熟成日經已有30日嘅T骨牛扒。熟成會令牛肉嘅纖維軟化，可以更有效鎖住肉味同肉汁，喺食嘅時候口感會更軟滑同細膩。T骨牛扒扒肉質嫩滑，顏色呈紅色，但無任何血水，而口感極佳，牛味濃郁之餘仲有陣陣骨香。而大廚仲會喺牛扒下面鋪墊由荷蘭嚟嘅脆肉瓜，脆肉瓜吸收咗牛扒嘅肉汁油香，味道更好。
荷蘭粗薯配咖哩蛋黃醬：薯條嘅薯仔都係用嚟自荷蘭嚟，條條都係用人手切，所以大小不一，不過都無影響口感，反而見到廚師嘅用心。喺荷蘭用嚟配薯條嘅醬汁有數十款之多，主廚呢次配嘅咖喱蛋黃醬係佢自己覺得好啱配薯條，亦係佢自己最鍾意嘅一款醬，呢款醬有香氣撲鼻嘅咖喱香，亦有惹味嘅口感，配埋香脆可口嘅薯條，令人一食上癮。
蘋果批配雪糕：喺食完主菜嘅同時，蘋果批啱啱出爐，外皮酥脆，入面嘅蘋果蓉酸甜平衡控制得宜，配埋雲呢拿雪糕，係最佳嘅拍檔。
車厘子芝士蛋糕：芝士蛋糕帶有偏咸嘅味道，原因荷蘭較近海。所以大部份嘅食材都會自帶一種咸味。蛋糕質感較紥實，配埋用白蘭地調製嘅車厘子，更加好食。
張貼
