影片
更多
2024-02-06
60 瀏覽
今日放工晏左，同事帶我去一個佢平時食開嘅串燒店，食下串燒吹下水，放鬆下心情。鹽燒牛舌串（$30）牛舌可謂必叫之選，足足有五大塊，肥美可口，牛味極重，鹽味能將肉的鮮味帶出。安格斯牛肋串（$30）肉質較綿密，整體調味剛剛好，濃淡適中。雞腎串（$20）鐘意食內臟既朋友可以一試，有一定水準，唔會有腥味，處理得幾好。燒雞胸軟骨串（2串）（$35）雞胸軟骨口感幾有趣，爽口彈牙，$35有兩大串，建議可配搭店鋪提供的酸甜汁食用。煙肉露筍卷（$22）露筍好嫩口，五至六條再煙肉包裹住，咬落層次感十足，味道搭配起來十分融洽。蒜蓉燒茄子（原條）（$40）茄子大大條燒得好香，值得稱讚的是茄子皮食落無渣，叫了小辣，特別惹味。牛油金菇包（$40）金菇份量多，足夠兩至三人食用，熱度足夠，牛油味融入到金菇。龍蝦汁大蝦意粉（$118）龍蝦汁味道有驚喜，龍蝦汁油香味濃郁，意粉彈牙掛汁，大蝦配上蒜香粒，加上胡蘿蔔絲和洋蔥片，十分滋味。蕃茄清酒煮沙白（$128）沙白份量算多，底部墊著粉絲配上蕃茄、蒜片和香蔥，有淡淡的清酒味香，沙白完全無沙，清洗得好乾淨，可一解油膩感。芝士燒澳洲龍蝦（$78）適逢10週年，餐廳有澳洲龍蝦半隻$7
今日放工晏左，同事帶我去一個佢平時食開嘅串燒店，食下串燒吹下水，放鬆下心情。
鹽燒牛舌串（$30）
牛舌可謂必叫之選，足足有五大塊，肥美可口，牛味極重，鹽味能將肉的鮮味帶出。
安格斯牛肋串（$30）
肉質較綿密，整體調味剛剛好，濃淡適中。
雞腎串（$20）
鐘意食內臟既朋友可以一試，有一定水準，唔會有腥味，處理得幾好。
燒雞胸軟骨串（2串）（$35）
雞胸軟骨口感幾有趣，爽口彈牙，$35有兩大串，建議可配搭店鋪提供的酸甜汁食用。
煙肉露筍卷（$22）
露筍好嫩口，五至六條再煙肉包裹住，咬落層次感十足，味道搭配起來十分融洽。
蒜蓉燒茄子（原條）（$40）
茄子大大條燒得好香，值得稱讚的是茄子皮食落無渣，叫了小辣，特別惹味。
牛油金菇包（$40）
金菇份量多，足夠兩至三人食用，熱度足夠，牛油味融入到金菇。
龍蝦汁大蝦意粉（$118）
龍蝦汁味道有驚喜，龍蝦汁油香味濃郁，意粉彈牙掛汁，大蝦配上蒜香粒，加上胡蘿蔔絲和洋蔥片，十分滋味。
蕃茄清酒煮沙白（$128）
沙白份量算多，底部墊著粉絲配上蕃茄、蒜片和香蔥，有淡淡的清酒味香，沙白完全無沙，清洗得好乾淨，可一解油膩感。
芝士燒澳洲龍蝦（$78）
適逢10週年，餐廳有澳洲龍蝦半隻$78優惠，選擇左芝士燒龍蝦，肉質飽滿結實，食得出係新鮮海鮮，芝士味香濃，燒得十分香口，十分推薦。
鮮檸樂（$22）食串燒唔少得叫杯野飲配串燒食，鮮檸樂會有一杯裝滿冰和幾片檸檬大酒杯加可樂，飲落相當大杯。
張貼
